INTERNATIONAL NEWS

Idineklara na ng World Health Organization (WHO) ang ebola outbreak sa Uganda, Africa.

Ayon sa WHO, nakapagtala na sila ng kumpirmadong kaso sa Central Mubende District na isang 24 anyos na lalaki na nagpakita ng sintomas at kalaunan ay nasawi rin.

May kaugnayan ang kaso sa hindi pangkaraniwang sakit na Sudan strain.

Sa ngayon, walong kaso na ang binabantayan ng WHO na may kaugnayan sa unang ebola confirmed case.

Niyanig ng magnitude 7.6 na lindol ang Southwestern coast ng Mexico, sa Michoacan State.

Ayon kay President Andres Manuel Lopez Obrador, isa ang nasawi sa Pacific Port ng Manzanillo, matapos bumagsak ang pader sa isang tindahan habang isa naman ang nasugatan.

Kabilang naman sa mga napinsala ng lindol ang dalawang ospital sa Western State ng Michoacan.

Samantala, naglabas ng tsunami warning ang pacific tsunami warning center na posibleng umabot sa tatlong metro.

Sinabi pa ng organisasyon na maaaring magkaroon ng tsunami wave na mas mababa sa 0.3 meters sa Pacific coasts ng Colombia, Costa Rica, Ecuador, El Salvador, Guatemala, Honduras, Nicaragua, Panama at Peru.

Pumalo na sa halos 100 ang bilang ng mga nasawi sa naganap na sagupaan sa pagitan ng Tajikistan at Kyrgyzstan.

Matatandaang nagsimula ang tensiyon ng dalawang bansa dahil sa pinag-aagawang teritoryo.

Ayon sa Tajikistan, 35 sa kanilang residente ang pinatay habang sugatan naman ang nasa 25 indibidwal na kinabibilangan ng mga sibilyan, kababaihan at mga kabataan.

Nabatid na labindalawa sa mga biktima ay pinatay sa drone strike sa isang mosque; anim naman ang pinatay sa isang eskwelahan; habang pito pa ang nasawi makaraang sunugin ang isang ambulansya kung saan, itinuturong suspek sa pagpatay ang mga Kyrgyzstan soldiers.

Samantala, sinabi naman ng Kyrgyzstan authorities na 59 sa kanilang mga residente ang nasawi habang 144 katao naman ang nasugatan sa southern border region sa bayan ng Batken dahilan para ideklara naman sa kanilang bansa ang national mourning day o ang araw ng pagluluksa.

Nabatid na ito na ang pinakamalalang karahasan na naitala sa nasabing mga bansa matapos ang matagal na panahon kung saan, nanawagan na sa publiko ang international community na itigil na ang putukan at manatiling kalmado.

Aabot sa 81 katao ang nasawi sa naganap na sagupaan sa pagitan ng Tajikistan at Kyrgyzstan.

Nabatid na ito na ang pinakamalalang karahasan na naitala sa nasabing mga bansa.

Bunsod ito ng akusasyon ng dalawang former soviet republics sa pagsisimula ng labanan sa pinag-aagawang lugar, sa kabila ng ceasefire.

Ayon sa Tajikistan authorities, 35 sa mga residente nito ang nasawi sa nasabing bakbakan habang naiulat naman ang 25 nasugatan kung saan kabilang dito ang mga sibilyan, babae at mga bata.

Sinabi naman ng Kyrgyzstan authorities na nasa 46 na indibidwal ang namatay sa southern border region ng Batken, habang 140 katao naman ang nasugatan.

Kaugnay nito, nanawagan na ng tigil-putukan sa pagitan ng dalawang bansa ang international community.

Pitong indibidwal ang nasawi habang tinatayang nasa 20 katao ang natabunan ng lupa sa naganap na landslide sa isang ilegal na minahan sa West Kalimantan province, Indonesia.

Batay sa ulat, nangyari ang insidente matapos bumuhos ang malakas na ulan habang nagmimina ng gold ang mga biktima.

Ayon sa awtoridad, posibleng umabot ng isang linggo ang rescue operations sa lugar upang mahanap ang iba pang survivor, at  kung magpapatuloy anila ang mga pag-ulan ay kinakailangan itong itigil upang maiwasan ang landslides.

Nabatid na karaniwan na ang hindi lisensyadong pagmimina sa naturang bansa, kung saan ilang mga residente ang nagtutungo sa mga abandonadong lugar upang maghanap ng gold ore nang walang safety equipment.

Umapela ng donasyon sa publiko si pakistan Prime Minister Shehbaz Sharif para sa mga naapektuhan ng kalamidad sa kanilang lugar.

Nabatid na umakyat na sa 1,545 ang bilang ng mga nasawi habang pumalo naman sa 12,850 ang mga sugatan matapos ang malawakang pagbaha bunsod ng walang tigil na pag-ulan na dala ng monsoon rains o habagat na nagresulta ng pagkatunaw ng mga yelo mula sa kabundukan at mga ilog.

Ayon kay Sharif, marami sa kaniyang kababayan ang nangangailangan ng tulong partikular na ang mga bata, buntis, at matatanda na umaasang makatanggap ng donasyon, partikular na ang pagkain, tubig, damit, at personal hygiene.

Sinabi ng punong ministro na nasa 33 million katao na ang apektado ng kalamidad sa Pakistan habang aabot naman sa 30 billion dollars ang halaga ng nawasak ng pagbaha kabilang na ang mga bahay at gusali, kalsada, tulay, high value crops, at livestocks.

Sa ngayon, patuloy pang nagsasagawa ng search and rescue operation ang mga otoridad habang namamahagi narin ng mga food packs ang ilang mga ahensya at non-governmental organizations para sa mga apektadong residente.

Umabot na sa daan-daang flights ang kinansela sa France

Matapos magsagawa ng strike ang french air traffic controllers dahil sa isyu ng kanilang sahod.

Ayon sa French Government, aabot sa 420 flights ang nagtigil ng biyahe sa iba’t ibang bahagi ng Europa dahil sa epekto ng 24 hour strike.

Noong biyernes (oras sa Pilipinas), nagsimula ang strike sa mga miyembro ng France’s Syndicate National Des Controleurs Du Traffic Aerien

Nagbabala pa ang Paris Airport na asahan na ang mga delay at kanselasyon sa maraming arrival at departure sa kanilang airlines. - sa panunulat ni Jenn Patrolla

Nasawi ang siyam na indibidwal habang sugatan naman ang dalawa pang iba matapos gumuho ang isang pader sa Lucknow, India.

Ayon sa mga otoridad, gumuho ang naturang pader kasabay ng malakas na buhos ng ulan na dala na 24 oras nang nananalasa.

Agad naman na nadala sa Civil Hospital malapit sa pinangyarihan ng insidente and dalawang sugatang biktima at kinumpirma ng mga doktor na wala na ang mga ito sa panganib.

Samantala, bunsod pa rin ng malakas na pag-ulan ay nagdulot na rin ito ng waterlogging sa ilang bahagi ng lungsod.