Libo-libong residente sa Vietnam ang inilikas dahil sa pananalasa ng bagyong Karding o Typhoon Noru.
Ayon sa Vietnam Government, inilikas na ang mga residente bago pa mag-landfall ang bagyo.
Nabatid na bagaman humina ang bagyo ay tinukoy pa rin ng vietnam national centre for hydro-meteorological ang bagyo bilang category 2 hurricane dahil sa taglay nitong lakas ng hanging umabot sa 175 kilometers per hour.
Inihayag ng Russia na 4 na rehiyon sa Ukraine ang nais umanong umanib sa kanilang bansa.
Ito ay matapos makuha ng Russia ang apat na “referendums” o boto dahilan para tuluyang masakop ang Ukraine.
Ayon sa Moscow-installed officials, halos buong buo ang suporta ng apat na region sa Ukarine na nakiisa sa botohan para maging annex o karugtong ng Russia.
Kabilang sa mga rehiyong nais sumanib sa Russia, ang Donetsk, Luhansk, Kherson at Zaporizhzhia.
Nakatakda naman i-anunsyo ni Russian President Vladimir Putin ang annexation sa mga nabanggit na rehiyon para sa kanyang speech sa joint session ng Russian parliament bukas.
Samantala, iginiit at nanindigan naman ang Ukraine government kasama ng mga kaalyado nito na hindi kinikilala ng international community ang ginawang pagsang-ayon ng apat na rehiyon upang maging kaanib ng Russia.
Gagawin nang legal sa Thailand ang abortion sa loob ng 20 linggo.
Ayon sa Thailand Government, hindi muna ikokonsiderang krimen sa nasabing panahon ang pagpapalaglag ng bata para sa babaeng biktima ng rape at nagiging banta sa buhay ang dinadalang sanggol.
Hindi naman papayagan ng mga otoridad ang terminasyon kung walang sapat na dahilan.
Noong 2010, aabot sa 2,000 kaso ng iligal na abortion ang naitala sa Thailand kung saan sa mismong templo nadiskubre ang mga fetus.
Nasa 10 thousand baht o 263 $ pa ang parusa noon sa sinumang magpapalaglag kasama ang pagkakakulong ng hanggang 6 na buwan.
Naiproklama nang panalo si Giorgia Meloni bilang bagong prime minister ng Italy matapos manguna sa eleksyon
Si Meloni ang kauna-unahang babae at far-right leader ng Italya simula pa noong World War 2.
Nanguna ang partido ni Meloni na brothers of Italy at nakakuha ng 26% habang ang democratic party naman ay 19.6% na boto mula sa 63.91% na katao mula sa Italya.
Nangako naman ang bagong prime minister na mamumuno nang maayos at hindi niya bibiguin ang taumbayan.—mula sa panulat ni Jenn Patrolla
Patay ang 15 katao habang sugatan naman ang 24 na iba pa sa pamamaril na naganap sa loob ng isang paaralan sa Russia.
Ayon sa Russian Investigative Committee, kabilang sa nasawi ang 11 bata, dalawang guro at dalawang security guard.
Pinagbabaril ito ng suspek na may disenyong Swastika sa damit sa nagbaril din ng sarili matapos ang krimen.
Dinala naman sa ospital ang mga nasugatan na nasa maayos nang kalagayan ngayon.
Sa imbestigasyon ng mga otoridad, dating mag-aaral sa paaralan ang suspek.
Ang swastika ay simbolo ng Nazi Germany na responsable sa pagpatay sa anim na milyong hudyo noong ikalawang digmaang pandaigdig.
Mariin namang kinondena ni Russian President Vladimir Putin ang pagpatay.
Mahigit 10 milyong doses ng Moderna vaccine laban sa COVID-19 ang kailangan umanong sirain matapos mag-expire sa Switzerland.
Ayon sa Swiss Health Ministry, kailangang i-dispose ang mga naturang bakuna na binubuo ng 2.5 million doses na nakaimbak sa Swiss Army Logistic at 7.8 million doses ang nasa External Storage Depot sa Belgium.
Kinumpirma ng mga otoridad na umabot sa 200 million dollars ang halaga ng mga nasirang COVID vaccine.
Nito lamang Hunyo nang i-anunsyo ng Swiss government na nasa 38 million doses ng iba’t ibang COVID vaccines ang ma-e-expire sa katapusan ng taon.
Sa kabila ng sandamakmak na COVID-19 vaccine, 70% lamang ang nagpabakuna sa Switzerland habang mahigit 13,000 na ang namatay sa naturang sakit. —Sa panulat ni Jenn Patrolla
Kinumpirma ni Tokyo’s Defense Minister Yasukazu Hamada na bumagsak sa Japan Exclusive Economic Zone ang ballistic missile na pinalipad ng North Korea.
Kasunod ito ng pagdating ng US aircraft carrier para sa joint drills sa South Korea bilang show of force laban sa Pyongyang.
Nabatid na na-detect ng Seoul Military Forces ang isang short range missile na pinaputok ng North Korea sa palibot ng Taechon sa North Pyongyang Province papunta ng east sea kung saan, lumipad ang missile sa layong 600 kilometers o 373 miles.
Sa gitna nito, nananatili pa ring buo ang kahandaan ng mga sundalo sa South at mahigpit na nakikipag-ugnayan sa US kasabay ng pagpapaigting ng surveillance at vigilance.
Inanunsiyo ni Pakistan Finance Minister Miftah Ismail na magbibitiw na ito sa puwesto dahil sa malawakang pagbaha na kinakaharap ngayon ng kanilang bansa.
Ayon kay ismail, naipaabot na niya ang desisyon kay Pakistan Prime Minister Shehbaz Sharif at bababa sa pwesto pagbalik nila ng Pakistan mula sa isang pagpupulong sa London.
Ika-lima na si Ismail sa mga finance minister ng pakistan na nagbitiw sa puwesto na hindi umabot sa apat na taon.
Ilan pa sa dahilan ni Ismail sa pagbitiw sa pwesto ay ng nararanasang kaguluhan sa kanilang bansa at account deficit.
Samantala, tiniyak naman ni Ismail sa mga investors na ang South Asia Nation ay naghahanap na ng kaluwagan sa utang mula sa mga bilateral creditors.
Mahigit 400 bangkay ang narekober ng mga Ukrainian official sa silangang bahagi ng rehiyon ng Kharkiv
Ayon sa mga otoridad, nagmula ang mga labi sa burial site malapit sa silangang lungsod ng izyum na galing sa Russian forces.
Dagdag pa nila, karamihan sa mga bangkay ay may palatandaan ng marahas na pagkamatay.
Nakuha naman muli ng Ukraine ang Izyum at iba pang bayan sa Silangan ngayong buwan. - sa panunulat ni Hannah Oledan
Pinipilit na makaboto ang ilang mga residente ng Kherson dahil sa ipinapatupad na self-styled referendum sa Ukraine.
Ayon kay Yuri Sabolevsky, first deputy chairman of the Kherson Regional Council, binibisita ng mga Russian Forces ang mga residente para piliting makaboto.
Samantala, nagsagawa naman ng kilos protesta ang ilang mga residente ng Mariupo laban sa self-styled referendums para ibilang sila sa Russia.
Sa ngayon, maraming residente ang bumoto sa mga polling stations habang ang ibang Ukrainians, residente ng Luhanks, Donetsk, Kherson at Zoporizhzia, binibisita pa ng mga Electorial Commisions. — sa panulat ni Jenn Patrolla