INTERNATIONAL NEWS

Nagpakawala ang north korea ng tatlong short range ballistic missiles sa East Sea o kilala rin bilang Sea of Japan.

Ito’y ayon sa South Korean government ay kasunod na rin ng hindi pang karaniwang air raid warning sa isang isla ng SoKor.

Ipinabatid ng Joint Chiefs of Staff na ang air raid warning ay inisyu para sa isla ng Ulleungdo na ipinaabot sa national television kasabay nang direktiba sa mga residente na lumikas na sa pinakamalapit na underground shelter.

Inihayag ng SoKor military na isa sa ballistic missile na pinakawalan ng Pyongyang ay bumagsak sa international waters south ng northern limit line, ang pinagtatalunang maritime border ng north at South Korea.

Kaagad namang nagpatawag ng national security council meeting si SoKor President Yoon Suk Yeol para tutulan ang naturag hakbang ng NoKor na itinuturing ng analysts na isa sa pinaka agresibo at matinding pagbabanta sa nakalipas na mga taon.

100 katao ang nasawi habang 300 ang sugatan sa naganap na car bombings sa Mogadishu, Somalia.

Ayon kay President Hassan Sheikh Mohamud, ang responsibilidad sa pag-atake ay inangkin ng Al-shabaab o isang islamist group na may kaugnayan sa Al-qaeda, kung saan dalawang sasakyan na may mga eksplosibo ang sumabog.

Sa naganap na pagsabog nawasak ang ilang dingding ng mga kalapit na gusali habang pumailanlang sa ere ang mga usok at alikabok.

Samantala, agad namang kinondena ng mga kaalyadong bansa ng Somalia ang nangyari kung saan ang Estados Unidos, United Nations at African union na nagpadala ng mensahe ng pagsuporta. —mula sa panulat ni Jenn Patrolla

Patay ang 9 na spectators at 2 pulis matapos magkaroon ng stampede sa concert ng african music star na si Fally Ipupa sa pinakamalaking stadium sa Dr Congo.

Ayon kay Interior Minister Daniel Aselo Okito, nahigitan ng mga manonood ang capacity ng stadium na 80,000 lang dapat.

Isinusulong naman ng ministro na maparusahan ang organizers ng event dahil sa hindi nito pagsunod sa 100 percent capacity ng lugar.

Sa ngayon, nagpaabot na ng pakikiramay ang opisyal sa pamilya ng mga nasawi.

Pinaghahanda na ng Russia ang kanilang 300,000 reservist matapos ang pagkatalo nito sa Kherson, Ukraine.
Inanunsyo ito matapos umalis ng mga sibilyan sa Ukraine.
Patuloy naman ang pagbawi ng mga sundalo ng Ukraine sa mga lugar na nasakop ng Russia.
Inihayag naman ng defense minister ng Russia na si Sergei Shoigu na 82,000 recruits na ang nasa Ukraine kung saan 41 rito ay nai-deploy na sa mga military unit.
Matapos ang tagumpay laban sa Silangan at Timog na bahagi ng Ukraine, naghahanda na ang puwersa ng Kyiv sa pagbawi ng pangunahing lungsod sa Southern region ng Kherson. —mula sa panulat ni Hannah Oledan

146 ang nasawi habang 150 ang sugatan sa naganap na stampede matapos maggunita ng halloween party sa Seoul, South Korea.

Ito ang kauna-unahang halloween event sa loob ng 3 taon matapos alisin sa bansa dahil sa pagkalat ng COVID-19 virus .

Inilarawan ng ilang mga witness na ang karamihan ay naging magulo at nabalisa habang lumalalim ang gabi sa ganap na dakong alas -10.

Kasalukuyan namang nagpapagaling sa ospital ang mga sugatan.

Patuloy na iniimbestigahan ng mga otoridad ang nangyaring insidente sa naturang lugar. - sa panunulat ni Jenn Patrolla