INTERNATIONAL NEWS

Nasawi ang limang katao habang 18 ang sugatan sa naganap na mass shooting sa LGBTQ nightclub sa US City ng Colorado Springs.

Ayon kay police spokesperson Pamela Castro, nakatanggap ang pulisya ng emegency call bago maghating-gabi na nagsasabing mayroong naganap na pamamaril sa isang club na kilala bilang Club Q.

Agad namang rumesponde ang pulisya at medikal upang gamutin ang mga sugatan na biktima sa naturang lugar.

Nahanap na ng awtoridad ang isang indibidwal na pinaniniwalaan na suspek sa insidente ng pamamaril. —mula sa panulat ni Jenn Patrolla

Nadagdagan pa ang bilang ng mga nasawi sa naganap na kilos protesta sa Iran.

Nabatid na pumalo na sa 58 katao ang bilang ng mga pinaslang ng Iranian Security Forces sa nagpapatuloy na operasyon upang matigil ang kaguluhan sa kanilang bansa.

Matatandaang nag-ugat ang kilos-protesta matapos ang pagkasawi ni Mahsa Amini matapos arestuhin dahil sa paglabag nito sa Strict Dress Code ng mga kababaihan sa Iran.

Ayon sa Human Rights Activist Group, kabilang sa mga nasawi ang 46 na kalalakihan at 12 kababaihan na mga kabataan edad 18 pababa.

Sa ngayon, patuloy pa ang bakbakan sa pagitan ng Iranian Government at mga raliyista.

Target na tulungan ng Amerika ang Thailand sa pagbuo ng nuclear power gamit ang maliliit na reactor.

Ito ay bahagi umano ng isang programang naglalayong labanan ang climate change.

Ayon sa White House, ang pagtulong nito ay bahagi ng kanilang proyektong net zero world initiative na inilunsad sa Glasgow Climate Summit noong nakaraang taon kung saan nakipagtulungan ang US sa iba pang pribadong sektor para sa pagkakaroon ng mas malinis na enerhiya.

mababatid na walang nuclear power matapos pumutok ang isyu noong 2011 Fukushima disaster sa Japan.

Nais din ng White House, na alukin ang Thailand ng teknikal na tulong sa pagbuo ng maliliit na modular reactors. —mula sa panulat ni Hannah Oledan

Idineklarang State of Emergency ang 11 lugar sa New York dahil matinding snowstorm.

Ayon kay New York Governor Kathy Hochul, na matatawag itong major snowfall event dahil sa panganib na dala nito.

Nangangamba ang gobyerno na mahihigitan nito ang nangyaring snowstorm noong november 2014 na ikinamatay ng dalawampung katao sa Buffalo, New York.

Pinaalalahanan na rin ng gobernador ang mga residente na mag-ingat at huwag ng lumabas.

Samantala, kanselado na rin ang ilang flights, kalsada at sporting events. - sa panunulat ni Jenn Patrolla

Isiniwalat ni United States house speaker Nancy Pelosi na hindi na muling tatakbo bilang Congress Leader.

Ito ang inamin ni Pelosi sa mga kapwa nito mambabatas at pinili na lamang niya na maging isang kongresista.

Ipapaubaya na lamang nito ang posisyon sa mga maka-bagong henerasyon ng kapwa democrats nito.

Isinagawa ang anunsiyo matapos matalo ang democrats sa majority sa lower chamber sa katatapos na midterm elections.

Mababatid na naging lider si Pelosi ng dalawang dekada sa US House of Representative. —sa panulat ni Jenn Patrolla

Pumalo na sa 45% ng populasyon sa buong mundo ang tinamaan ng tinatawag na mouth disease.

Ayon sa World Health Organization (WHO), 3.5 bilyong katao ang nakararanas ng tooth decay, gum disease at iba pang oral illness.

Isa sa dahilan nito ang hindi pantay-pantay na access ng mga bansa sa oral health services.

Apektado rin ng sakit ang mayorya ng nasa vulnerable at disadvantaged populations.

Sa ngayon, batay pa sa datos ng WHO ay umabot na sa 380,000 bagong kaso ng oral cancers, ang isinusugod sa ospital kada taon.

Nauwi sa trahedya ang masaya sanang family celebration matapos ang sumiklab na sunog sa isang gusali sa Gaza Strip.

Ayon sa mga otoridad, tumagal nang isang oras bago naapula ang apoy na nagmula sa top floor ng apat na palapag na residential building na ikinasawi ng 21 indibidwal.

Itinuturong dahilan naman ng Civil Defense ng Gaza ang nakaimbak na gasolina sa naturang gusali.

Ilang mga indibidwal din ang isinugod sa ospital dahil sa tinamong sugat ng mga ito.

Nagpapatuloy naman ang imbestigasyon ng mga otoridad sa insidente.

Samantala, nagdeklara na si Palestinian Authority President Mahmoud Abbas ng isang araw na pagluluksa para sa mga biktima ng sunog.

Lumabas sa pag-aaral ng BMJ Global Health Journal na nanganganib mawalan ng pandinig ang nasa isang bilyong kabataan sa buong mundo.

Ito ay dahil sa paggamit ng headphones at pagpunta sa mga party o concert na may malalakas na tugtog.

Sa isang analysis na ginawa ni Lauren Dillard, isang Audiologist at Consultant sa World Health Organization (WHO), mula sa nakalipas na dalawang dekada na may sakop na 19,000 participants na may edad 12 hanggang 34, lumabas na 24% sa mga ito ay may hindi ligtas na paraan ng pakikinig gamit ang kanilang headphones.

Naka-expose naman ang 48% sa mga ito sa hindi ligtas na lebel ng tunog sa mga lugar na tulad ng concert o night clubs.

Pinaalalahanan naman ni Dillard ang publiko na bawasan ang volume ng headphones at ang paggamit nito. -sa panulat ni Hannah Oledan