Pumalo na sa 38 katao ang nasawi matapos sumiklab ang sunog sa isang factory sa China.
Ayon sa Chinese Government, 2 na ang nasugatan sa sunog na naganap sa Anyang, Henan Province.
Hawak naman ng mga otoridad ang suspek sa sunog na 7 oras bago maapula.
Nabatid na batay sa preliminary investigation, dahil sa paglabag sa welding protocols ang sunog na iniimbestigahan pa ngayon.
Niyanig ng magnitude 7.0 na lindol ang Malango, Solomon Islands sa Pacific Ocean ngayong araw.
Ayon sa United States geological survey, may lalim ang pagyanig na 15 kilometro na naganap dakong alas-10:03 ng umaga.
Wala pa namang naitalang nasawi sa lindol sa Solomon Islands, isang araw lang ang pagitan matapos yanigin ng magnitude 5.6 na lindol ang Java, Indonesia na may higit 160 ang nasawi.
Samantala, matapos ang lindol ay tiniyak ng Philippine Institute of Volcanology and Seismology (PHIVOLCS) na walang banta ng tsunami sa Pilipinas.
Gayunman, posible anila ang mga mapanganib na alon sa mga baybayin na matatagpuan sa loob ng 300 kilometro mula sa sentro ng pagyanig.
Ayon sa United States Geological Survey, may lalim ang pagyanig na 15 km na naganap dakong 10: 30 am
Wala pa namang naitalang nasawi sa lindol sa Solomon Islands, isang araw lang ang pagitan matapos yanigin ng magnitude 5.6 na lindol ang Java, Indonesia na may higit 160 nang nasawi.
Samantala, matapos ang lindol ay tiniyak ng Philippine Institute of Volcanology and Seismology (PHIVOLCS) na walang banta ng tsunami sa Pilipinas.
Gayunman, posible anila ang mga mapanganib na alon sa mga baybayin na matatagpuan sa loob ng 300 km mula sa sentro ng pagyanig.
Nababahala ang World Health Organization (WHO) sa panganib na dala ng tag-lamig sa mga mamamayan ng Ukraine.
Ayon kay Dr. Jarno Habicht, WHO Representative sa Ukraine, ito ay dahil sa kawalan ng access sa mga gamot.
Paliwanag niya, ang patuloy na pag-atake ng Russia sa nasabing bansa ay siyang dahilan ng pagkasira ng iba’t ibang health facilities.
Nabatid na mahigit 700 health care facilities sa Ukraine ang naapektuhan ng naturang giyera mula pa noong Pebrero.
Nasawi ang 18 katao sa gitna ng labanan ng mga armadong grupo sa Southern Colombia.
Ayon sa ombudsman’s office, miyembro ng dalawang magkaribal na grupong gerilya ang “border commandos” at “southwestern bloc” sa lalawigan ng Putumayo.
Naghihintay naman ang mga lokal na makilala ng mga otoridad ang mga bangkay na dinala sa isang sementeryo.
Hiniling ng ombudsman’s office ang puwersang panseguridad at prosekusyon na magpadala ng mga tauhan upang tugunan ang pagsiklab ng karahasan. —mula sa panulat ni Jenn Patrolla
Aabot sa higit 92 na bata ang namatay habang 241 ang sugatan mula Enero 1 hanggang Nobyembre 15 dahil sa digmaan sa Yemen.
Ayon sa Save the Children, tumataas ang bilang ng mga namamatay na bata hudyat na patuloy na digmaan ng Houthis movement at iba’t ibang partido kabilang ang napatalsik na gobyerno ng Sana’a.
Samantala, suportado ng Iran ang Houthis movement kung saan kontrolado ang kabisera ng Sana’a at ilang rehiyon mula noong Setyembre 2014.
Habang ang coalition forces na pinamumunuan ng Saudi Arabia ay sumusuporta sa gobyerno ng Yemen laban sa mga Houthis mula noong Marso 2015. —mula sa panulat ni Jenn Patrolla
Pumalo na sa 162 ang bilang ng mga nasawi sa magnitude 5.6 na lindol na namataan sa West Java, Indonesia at may lalim na 10 kilometers.
Ayon sa mga tauhan ng Indonesia National Disaster Mitigation Agency, 326 katao pa ang naitalang sugatan sa pagyanig kung saan, inaalam pa kung may mga natrap sa kani-kanilang tirahan partikular na sa mga lugar na madalas nagkakaroon ng landslide.
Sa datos ng US Geological Agency, umabot na sa 13,000 katao ang inilikas habang nasa 2,200 na mga bahay naman ang winasak ng lindol.
Sa ngayon, patuloy pang nagsasagawa ng operasyon ang mga otoridad sa nabanggit na lugar.
Ayon sa United States Geological Survey, namataan ang sentro ng pagyanig malapit sa bayan ng Jakarta.
Una rito, iniulat ng weather and Geophysics Agency na magnitude 5.6 ang tumama sa nasabing bansa na may lalim na sampung kilometro at episentrong nasa cianjur sa West Java.
Wala namang naitalang casualties at pagkasira dahil sa lindol, dahil agad nakalikas ang mga mamamayan.
Matatandaang batay sa Indonesia’s meteorology, climatology and geophysics agency, madalas tamaan ng lindol ang indonesia dahil malapit ito sa pacific “Ring of Fire”.
Personal na binisita ni British Prime Minister Rishi Sunak si Ukrainian President Volodymyr Zelensky.
Sa kaniyang pagbisita, nangako si sunak ng military aid na kinabibilangan ng mahigit isandaang anti-aircraft guns.
Sinabi rin ng prime minister na papaigtngin nito ang pagsasanay ng mga sundalo sa Ukraine kung saan magpapadala ito ng mga army experts at medics bilang suporta.
Nabatid ang ito ang unang pagkakataon na bumisita si Sunak sa KYIV mula nang maupo bilang prime minister.
Mahigit 30 katao ang nasawi sa air strike ng Turkey sa Syria.
Matapos itong tumama sa mga lalawigan ng Raqa, Hassakeh, at Aleppo.
Ayon sa Syrian Observatory for Human Rights, 18 miyembro ng Kurdish-Led Syrian Democratic Forces ang namatay, 12 miyembro ng Syria military, isang journalist, at ilan pang sibilyan.
Samantala, iginiit ng Turkey na ang naturang hakbang ay laban sa mga Kurdish Militant Group na Kurdistan Worker’s Party (PKK) sa Northern Syria at Iraq na ginagamit para maglunsad ng terrorist attacks.