Papalo sa 5 katao ang patay habang isa ang sugatan sa nangyaring pamamaril sa lungsod ng toronto sa Canada.
Namatay din ang suspek matapos makipagpalitan ng putok sa mga otoridad.
Nangyari ang insidente sa isang apartment building sa nasabing bansa.
Agad namang dinala sa pinakamalapit na ospital ang nasugatan na indibidwal.
Samantala, iniimbestigahan pa ng pulisya ang motibo at kung may koneksyon ang biktima sa lalaking suspek na hindi naman pinangalanan ng mga otoridad.
Patay ang 19 na indibidwal habang sugatan naman ang 13 pa matapos sumabog ang isang fuel tanker sa Salang Tunnel malapit sa Kabul, Afghanistan.
Ayon sa mga opisyal, kabilang sa mga nasawi ang mga kababaihan at kabataan habang may ilan pang mga survivor ang na-trap at nanatili pa rin sa loob ng naturang tunnel.
Samantala, patuloy namang nagpapagaling sa ospital ang mga nareskyung sugatan sa naganap na insidente.
Sa ngayon, hindi pa malinaw ang dahilan ng pagsabog kung saan, nagsasagawa pa ng imbestigasyon sa nabanggit na lugar.
Pitong Pulis ang nasawi sa naganap na pambobomba at pamamaril sa Northern Iraq.
Ang nasabing insidente ay naganap malapit sa Korkuk City na nasa halos 300 kilometers ng Baghdad.
Lumalabas sa imbestigasyon ng mga otoridad na sumabog ang bomba sa target na truck na sinasakyan ng mga Pulis sa Chalal Al-Matar.
Wala pa namang grupong umaako sa naturang insidente.
Nagpositibo sa COVID-19 ang hari at reyna ng Thailand.
Ito ay sina King Maha Vajiralongkorn at Queen Suthida na nakakaranas ng mild na sintomas ng COVID-19.
Ayon sa Royal Palace, noong biyernes ng gabi nahawa sa COVID-19 ang hari at reyna na agad pinayuhang magpahinga muna.
Pinaalalahanan din ang mga ito na huwag magtrabaho pansamantala upang kaagad gumaling mula sa pagkakahawa sa COVID-19.
Nagbitiw sa pwesto ang dalawang gabinete matapos ang naganap na kilos-protesta sa Peru.
Inanunsyo nina Education Minister Patricia Correa at Culture Minister Jair Perez ang kanilang pagbibitiw sa Twitter.
Ayon sa post ni Correa, ang kanyang pagbibitiw sa posisyon ay makatwiran dahil sa pagkamatay ng ilang katao.
Magugunitang pinatalsik sa pwesto ang dating Pangulo na si Pedro Castillo kung saan naging bunsod ng pagkagalit ng mga protestante sa nabanggit na bansa.
Kasabay nito, nauna nang sinabi na isasailalim sa National State of Emergency ang bansang Peru dahil sa madugong kilos-protesta.
Nasawi ang 10 indibidwal matapos matupok ng apoy ang pitong palapag na gusali sa Lyon City sa France.
Naganap ang naturang insidente dakong alas-3 ng madaling araw. Sinasabing nagsmimula ang sunog mula sa Ground Floor ng apartment bago ito kumalat sa iba pang palapag.
Kabilang sa nasawi ay mga bata edad 3 hanggang 15.
Sa kasalukuyan ay pinaiimbestigahan na ng Lyon Prosecutor’s Office ang insidente upang matukoy ang pinagmulan ng sunog.—sa panulat ni Hannah Oledan
Nabasag ang pinakamalaking Cylindrical Aquarium na matatagpuan sa Hotel Radisson Blue sa Berlin, Germany.
Nagdulot ng pagbaha ang higanteng aquarium na naglalaman ng nasa milyong litro ng tubig at 1,500 tropical fish.
Dalawang indibidwal naman ang nasugatan sa nangyari na agad ring naitakbo sa pagamutan habang karamihan naman sa mga isda ay namatay.
Inilipat naman sa ibang lugar ang ilang guest ng naturang hotel.
Samantala, patuloy pang inaalam ng mga otoridad ang naging sanhi ng naturang insidente. —sa panulat ni Hannah Oledan
Inamin ng pamahalaan ng United Kingdom na nakararanas sila ng kakulangan sa suplay ng antibiotic laban sa bacterial infection sa mga bata.
Partikular ang Penicilin V na ginagamit sa pediatrics.
Ginawa ng naturang bansa ang pahayag matapos masawi ang 19 na bata sa kanilang lugar dahil sa severe case ng group a streptococcus infection, at shortage sa ibang uri ng antibiotics sa Europe at North America.
Nakikipag-ugnayan naman ang UK government sa manufacturers para sa suplay ng naturang gamot.
Naitala ang kabi-kabilaang pagsabog at pagkasunog ng mga gusali sa probinsya ng Kherson sa Ukraine na ngayon ay kontrolado na ng Russia.
Isa sa mga nadamay na gusali ang Salamar Hotel na nakapwesto sa Zaliznyi Port ng Skadovsk District kung saan naninirahan ang Russian Security Service na Federal Security Service (FSB).
Mababatid na inilipat ng Russia ang kanilang command post mula nang makontrol ng Ukraine ang Dnipro river.
Patuloy pa rin ang pagsusumikap ng mga sundalo ng Ukraine na mbawi ang mga lugar na inangkin ng Russia sa kabila ng nagpapatuloy na 10 buwang giyera. – sa panulat ni Hannah Oledan
Patay ang 31 indibidwal matapos uminom ng toxic alcohol sa India.
Ayon sa mga otoridad, patuloy pang nagpapagaling sa ospital ang iba pang biktima makaraang makaranas ng pananakit ng tiyan, pagsusuka at panlalabo ng mga mata.
Batay sa imbestigasyon ng mga otoridad, ang nasabing alak ay ibinibenta umano sa blocked market sa murang halaga kung saan, kaya nitong pataasin ang blood sugar level ng isang tao.
Posible ding makaranas ng pagkahilo, at mataas na presyon ng dugo ang makakainom nito na nagresulta sa pagkamatay ng mga biktima.
Sa ngayon, iniimbestigahan na ng mga otoridad kung saan nanggaling at sino ang nasa likod ng paggawa ng naturang alak.