Inumpisahan na ng Canadian Authorities ang pag-iimbistiga kaugnay sa nawawalang Titan submersible na may sakay na limang pasahero.
Binigyang diin ni Transportstation Safety Board Chair Kathy Fox na obligasyon nilang malaman kung ano ang totoong nangyari sa naturang submersible upang hindi na maulit ang naging problema sa hinaharap.
Inaasahan namang tatagal ang imbestigasyon ng 18 buwan hanggang dalawang taon.
Nasawi ang nasa 25 katao sa madugong terrorist attack ng mga militante sa isang paaralan sa Western Uganda.
Batay sa inisyal na ulat ng Ugandan Authorities, ang mga miyembro ng Ugandan group na Allied Democratic Forces ang umatake sa Lhubirira secondary school sa Mpondwe kung saan sinunog at ninakaw pa ang mga pagkain sa naturang dormitoryo.
Narekober ang dalawamput limang labi mula sa paaralan at nailigtas naman ang walo pang biktima na nananatiling nasa kritikal na kondisyon.
Kinumpirma ni Russian President Vladimir Putin na siya ay nagpadala ng nuclear weapons sa Belarus.
Sa kaniyang talumpati sa International Economic Forum sa St. Peterburg, tinawag ni Pres. Putin si Ukrainian President Volodymyr Zelenskyy na isang kahihiyan sa mga Hudyo.
Wala rin aniyang pag-asang manalo ang Ukraine sa giyera kahit pa tulungan sila ng mga kaalyadong bansa.
Kinondena naman ng White House ang naging pahayag ni Putin na may inilagay silang mga nuclear weapons sa Belarus.
Nagbabala ang mga eksperto tungkol sa virus na nagdudulot ng mga kaso ng Avian Influenza sa mga ibon sa buong mundo at mabilis na nagbabago, habang tumataas ang mga panawagan para sa mga bansa na bakunahan ang kanilang mga manok.
Bagamat ang panganib sa mga tao ay nananatiling mababa, sinabi ng mga eksperto na ang tumataas na bilang ng mga kaso ng bird flu sa mga mammal ay isang health concern.
Nabatid na ang ilang mga bansa kabilang ang China, Egypt at Vietnam ay nagsagawa na ng mga kampanya sa pagbabakuna para sa mga manok.
Ngunit maraming iba pang mga bansa ang nag-aatubili dahil sa mga paghihigpit sa pag-import sa ilang mga lugar, at ang pangamba sa mga nabakunahang ibon na gayunpaman ay nahawahan at maaaring makalusot sa net.
May panibagong reklamong kahaharapin ang beteranong actor na si Bill Cosby.
Ito ay matapos ilantad ng dating playboy model na si Victoria Valentino ang umano’y pando-droga at panggagahasa ng actor.
Ayon sa modelo, naganap ang insidente noong 1969 kung saan pinagsamantalahan siya matapos silang maghapunan.
Matatandaang nakalaya ang actor noong 2021 matapos na mabaligtad ang kasong sexual assault laban sa kaniya.
Hindi bababa sa 207 katao ang nasawi habang nasa 900 ang nasugatan nang magsalpukan ang dalawang pampasaherong tren sa Odisha, India kahapon.
Ayon sa mga opisyal ng gobyerno sa Silangang Estado ng India, ito ang pinaka-nakamamatay na aksidente sa riles sa India sa loob ng mahigit isang dekada.
Sinabi naman ni Pradeep Jena, Punong Kalihim ng Estado, na inaasahang tataas pa ang bilang ng mga nasawi.
Daan-daang kabataan naman ang pumila sa labas ng isang government hospital sa Odisha’s Soro para mag-donate ng dugo.
Naganap ang banggaan bandang alas-7 ng gabi lokal na oras nang ang Howrah Superfast Express, na tumatakbo mula Bangalore hanggang Howrah, West Bengal, ay nadiskaril at nasangkot sa Coromandel Express, na tumatakbo mula Kolkata hanggang Chennai, sinabi ng mga opisyal ng riles.
Balik na paglilingkod simula nitong Sabado si Pope Francis matapos mag-day- off dahil sa lagnat.
Ayon kay Vatican Secretary of state Pietro Parolin, posibleng dahil ito sa busy schedule ng Santo Papa, kung saan batay sa naka-post na schedule nito, walong meeting ang kanyang dinaluhan nitong Huwebes.
Matatandaang kamakailan lamang nang mapaulat na maospital ng halos dalawang buwan ang 86-taong-gulang na Santo Papa dahil sa Bronchitis.
Arestado ang isang lalaki sa South Korea matapos nitong buksan ang emergency door ng Asiana Airline Flights habang nasa ere.
Bagamat ilang pasahero ang nakadama ng hirap sa paghinga ay wala namang naiulat na nasaktan sa 194 na pasahero at ligtas na lumapag ang eroplano sa Daengu International Airport.
Nasa edad 30 ang lalaki na ngayon ay nakapiit na at nakahandang sampahan ng kaukulang kaso.
Ikinasawi ng dalawang katao habang sugatan ang mahigit 20 katao matapos tamaan ng missile ng Russia ang isang pagamutan sa Dnipro City sa Ukraine.
Ginagamot na sa ibang pagamutan ang mga nasugatan biktima.
Dahil dito ay pinaigting ng Russia ang missile strike dahil sa inaasahan nilang counteroffensive attack ng Ukraine.
Samantala, kinondena naman ni Ukraine President Volodymyr Zelensky ang insidente kung saan tinawag na terorismo ang ginawang ito ng Russia dahil sa may mga sibilyan ang nadamay.
Muling nagkrus ang landas nina Ukrainian President Volodymyr Zelensky at Indian Prime Minister Narendra Modi sa sidelines ng group of seven summit sa bansang japan kahapon.
Nabatid na ito ang kauna-unahang pagkikita ng dalawang leaders magmula nang salakayin ng Russia ang Ukraine.
Ayon kay Prime Minister Modi, gagawin nila ang lahat para matulungan na matigil ang digmaan.