Pinalaya na ng mga Al-Qaeda militants ang kanilang bihag na walumpu’t walong anyos na Australian doctor.
Napalaya si Dr. Kenneth Elliott matapos ang higit pitong taong pagkakabihag.
Ayon sa Foreign Minister ng Australia, na nakasama na ni Elliot ang kaniyang mga pamilya.
Matatandaang taong 2016 ng dukutin ng Al-Qaeda si Elliot kasama ang kaniyang asawa habang sila ay nasa clinic sa border ng Mali at Burkina.
Nakahandang magbigay ng tulong ang United States sakaling kailanganin ng Ukraine ang tulong nito.
Handang magbigay ang US ng advanced fighter jets kabilang ang F-16 sa Ukraine.
Nakahanda rin nilang turuan ang mga Ukrainian pilots para magamit ang nasabing mga eroplanong pandigma.
Nabatid na ang nasabing plano ng US ay bilang pagtugon na rin sa matagal nang hirit ni Ukraine President Volodomyr Zelenskyu ng mga fighter jets para malabanan ang pananakop ng Russia.
Napilitang lumikas ang ilang residente kasama ang kanilang mga alagang hayop sa Switzerland dahil sa pagbagsak ng mga malalaking tipak ng bato mula sa bundok.
Sinasabing ito ay dahil sa mababang temperatura kaya nagkaroon ng pagbagsak ng mga bato mula sa mga bundok ng Graubunden.
Nangangamba naman ang mga otoridad na matabunan ang 2 milyon cubic meters ng sakahan sa lugar. - Sa panunulat ni Hannah Oledan
Pinayagan na sa kauna-unahang pagkakataon ang pagbebenta ng abortion pill sa Japan na gawa ng british Pharmaceutical Company na Linepharma.
Nagkakahalaga ang abortion pill at medical consultation ng nasa ng 100,000 yen o $700.
Habang ang surgical abortions ay umaabot naman 100,000 hanggang 200,000 yen.
Matatandaang naibebenta na ang naturang pill sa ibang mga bansa gaya sa France, na unang nag-apruba sa abortion pill noong 1988, at ang Amerika mula pa noong taong 2000.
Kinumpirma ni US President Joe Biden na muli siyang tatakbo sa eleksiyon sa susunod na taon.
Ayon kay President Biden, hindi pa tapos ang kaniyang laban at mga pangarap para sa Amerika.
Iginiit naman ng US President na si Vice President Kamala Harris pa rin ang kaniyang magiging ka-tandem sa 2024 election.
Pumalo na sa 5-M kabataan ang hindi na nakakapag-aral sa Ukraine dahil sa giyera nito at ng Russia.
Sinabi ng United Nations International Children’s Education Fund (UNICEF) na nagdulot ng mas matinding kawalan ng kaalaman ang 11 buwan na giyera sa pagitan ng dalawang bansa.
Nabatid na nagsimula ang education crisis sa Ukraine noong kasagsagan ng pandemya noong natigil na ang kanilang pag-aaral. —sa panulat ni Hannah Oledan
Natagpuang patay ang isang Fil-Am transgender sa isang hotel sa New York City.
Kinilala ng Philippine Consulate General sa New York ang biktima na si Rodolfo Mañacap, Jr. na una nang napaulat na nawawala ng ilang araw na.
Ayon sa mga otoridad, walang senyales ng trauma sa katawan ng nasabing Fil-Am transgender, na kilala rin bilang si Olivia Snow.
Inaasikaso na ng Office of the Chief Medical Examiner ang pag-autopsy sa labi nito.
Tiniyak naman ni Philippine Consul General Senen Mangalile ang patuloy na pakikipag ugnayan sa mga otoridad sa New York kaugnay sa kaso ni Mañacap.
Sumampa na sa 11 ang death toll sa mass shooting sa loob ng isang dance hall sa Monterey Park sa Los Angeles, California, kung saan kabilang sa mga biktima ay isang Pilipino.
Kinilala ng Los Angeles County Coroner Office ang biktima na si Valentino Alvero, 68-anyos.
Kinumpirma rin ng mga kaibigan ni Alvero ang kanyang pagkasawi sa naganap na pamamaril.
Ayon pa sa mga otoridad, gumamit ang suspek na si Huu Can Tran, ng isang semi-automatic pistol, na ikinasawi ng mga biktimang edad 50 hanggang 70 taong gulang.
Namatay din kalaunan ang 72 taong gulang na suspek matapos nitong barilin ang sarili nang siya’y mapalibutan ng mga otoridad habang nasa loob ng isang puting van.
Selos ang tinitingnang motibo ng mga otoridad sa mass shooting.
Patay ang isang babae at kanyang anak na lalaki matapos silang atakihin ng isang polar bear sa Alaska.
Kinilala ang mga biktima na si si Summer Myomick, 24-anyos, at isang taong gulang nitong anak na si Clyde Ongtowasruk.
Ayon sa mga otoridad, hinabol ng oso ang mga residente sa maliit na bayan ng Wales bago nito inatake ang mga biktima.
Binaril naman ng isang residente ang naturang polar bear na ikinasawi nito.
Anim na indibidwal ang nasawi kabilang ang isang anim na buwang gulang na sanggol sa naganap na pamamaril sa California.
Naniniwala ang mga otoridad na dalawang indibidwal ang sangkot sa pamamaril sa isang bahay dakong alas 3:30 ng madaling araw.
Ayon sa mga otoridad, ang nasabing insidente ay itinuturing na ”targeted” attack na maaaring may kaugnayan sa gang at drug violence.
Dalawang indibidwal ang nakaligtas sa pamamaril habang ilang indibidwal naman ang nasugatan matapos ang insidente.
Sa ngayon ay patuloy pang pinaghahanap ng mga otoridad ang mga naturang suspek.