HOT STORIES OF THE WEEK

Humigit na sa 10-milyon ang kabuuang kaso ng coronavirus disease 2019 (COVID-19) sa buong mundo.

Kasunod na rin ito ng pagluwag ng mga ipinatupad na lockdown sa mga bansang maLubhang tinamaan ng virus.

Ayon sa World Health Organization (WHO), tinatayang doble ang naturang bilang sa naitatalang severe influenza illnesses taun-taon.

Bahagi ng nasa 25% ng kabuuang kaso ay nagmula sa North America, 25% din nito ang mula sa Latin America, maging sa Europa, habang 11% naman sa naturang kaso ay mula sa Asya at 9% ang mula sa Middle East.

Nakararanas din ng muling pagsirit ng COVID-19 cases ang ibang mga bansa kung saan unti-unti ring nagpapatupad muli ng lockdown ang mga ito —bagay na, ayon umano sa mga eksperto, ay posibleng paulit-ulit na mangyayari sa mga susunod na buwan o hanggang sa taong 2021.

Nakitaan din ng bagong outbreaks ang China, New Zealand at Australia sa nakalipas lamang na buwan.

Samantala, sa ngayon, mayroon nang mahigit 497,000 na bilang ng mga nasawi dahil sa COVID-19 sa buong mundo.

Magugunita ring nito lamang Huwebes ay ini-anunsyo ng WHO na inaasahang papalo pa sa 10-milyon ang COVID-19 cases sa buong mundo sa susunod na linggo.

Kinumpirma ng Department of Education (DepEd) na mahigit sa 600 private schools ang nabigyan nila ng pahintulot na magtaas ng tuition fee ngayong pasukan.

Ayon kay DepEd Usec. Nepomuceno Malaluan, nagmula ito sa mahigit 400,000 pribadong paaralan sa buong bansa na naaprubahan ang increase bago pa man nagkaroon ng coronavirus disease 2019 (COVID-19) pandemic.

Gayunman, sinabi Malaluan na kumbinsido sila na pakikinggan ng mga private schools ang apela ng huwag na munang ipatupad ang umento sa matrikula dahil sa pagliit ng bilang ng mga nag-e-enroll sa private schools.

Sa ngayon anya ay halos nasa 14% pa lamang ang nakapag enroll na sa private schools kung ikukumpara sa bilang ng kanilang mga estudyante nuong nakaraang school year.

Hindi naman kami pwedeng ring maggawa ng any arbitrary regulation and then make them accountable for such a regulation that maybe arbitrary. Medyo masalimuot itong hinaharap natin dahil; una, gusto rin nating mabigyan ng suporta ang mga private schools sa panahong ito at the same time kailangang ibalanse yan dun sa kalagayan ng ating mga magulang atsaka mag-aaral sa kanilang mga paaralan,” ani Malaluan.

Sa susunod na linggo ay nakatakdang pulungin ni DepEd Secretary Leonor Briones ang mga organisasyon ng private schools.

Sinabi ni Malaluan na maliban sa isyu ng pagtaas ng tuition fees ay pag uusapan rin ang iba pang mga problema na kinakaharap ng sektor ng edukasyon sa ipatutupad na distance learning.

Sila mismo ay may mga isyu or concerns na hinaharap sa DepEd kagaya dun sa aming checklist for readiness ng mga schools dito sa blended learning meron yata silang gustong i-raise samin so, yung mga yang various issues ay pag-uusapan pati yung mga parang misinformation na lumabas na ititigil yung voucher program,” ani Malaluan. — panayam mula sa Ratsada Balita.

Isinusulong ni Presidential son at House Deputy Speaker Paolo Duterte at dalawa pang kongresista ang pagpapalit ng pangalan ng  Ninoy Aquino International Airport (NAIA).

Binigyang diin nina Duterte at Cong. Eric Yap at Lord Allan Velasco na kailangang magkaroon ng higit na representative branding para sa international airport ng bansa kaya’t dapat na itong taguriang “Paliparang Pandaigdig ng Pilipinas”.

Bukod sa pagbanggit sa pangalan ng bansa, sinabi ni Duterte na ang isinusulong nilang tawag na sa NAIA ay pambansang lengguwahe rin ng Pilipinas.

Nais aniya nilang maipakita sa ipapalit na pangalan sa NAIA ang pamana ng mga Pilipino na siyang mga bayani araw-araw at wala itong kulay o anumang political agenda.

Sinabi naman ni Velasco na ang hakbang nila ay pagpoposisyon muli sa Pilipinas bilang piling destinasyon para sa mga turista lalo na kapag binuksan na muli ng bansa  ang borders nito para sa mga nagbi-biyahe sakaling matapos na ang coronavirus disease 2019 (COVID-19) crisis.

Inihayag naman ni Yap na mararamdaman kaagad ng mga Pilipino na sila’y nasa kanilang tahanan na kapag nakita pa lamang ang pangalan ng bansa sa pagbaba nila sa paliparan.

Ang orihinal na pangalan ng airport ay Manila International Airport, subalit taong 1987, sa administrasyon ng dating Pangulong Corazon Aquino, ay pinalitan ang pangalan nito bilang NAIA sa pamamagitan ng Republic Act 6639 bilang pagpupugay sa dating senador Benigno ‘Ninoy’ Aquino, Jr.

Halos 200 kompanya na ang permanenteng nagsara dahil sa coronavirus disease 2019 (COVID-19) pandemic.

Ayon kay Labor Secretary Silvestre Bello lll, maliban pa ito sa mahigit sa 2,000 na pansamantalang tumigil ng kanilang operasyon kung saan nasa 900,000 empleyado ang apektado.

Sinabi ni Bello na nagbigay na rin ng notice ang Cebu Pacific at maging ang Philippine Airlines na magbabawas sila ng empleyado simula sa susunod na buwan.

Bagamat wala anyang magagawa sa ngayon ang DOLE kung talagang hindi na kaya ng ilang kumpanya ang mag operate pinaalalahan niya ang mga employers na obligado silang bayaran ang separation pay ng mga empleyadong mawawalan ng trabaho.

Kagaya nung may-ari nung Marco Polo sa Davao sabi niya magsasara na permanently dahil wala na ngang negosyo, tama naman wala nang nagho-hotel so, sabi ko ‘pwede ba ‘wag mo na i-stop operation sabihin mo lang na suspend operation para sa ganun ay yung mga workers mo nandyan pa din, sabi niya ‘hindi mas maganda mag-pause ako ng operation bibigyan ko ng separation pay yung mga empleyado ko’ sabi niya kung babalik kami sa operation then ire-rehire ko sila, sabi niya” , ani Bello. — panayam mula sa Balitang Todong Lakas

Pananagutan ng J&T Express sakaling maaapektuhan ang produktong kanilang ide-deliver dahil sa kawalan ng pag-iingat.

Ayon kay dating DTI Usec. Victorio Dimagiba ng Laban Konsyumer, malinaw na labag sa consumer act ang nag viral na video ng J&T Express kung saan walang ingat at basta inihahagis sa loob ng delivery truck ang mga parcels na dadalhin sa consumer.

Hinikayat ni Dimagiba ang consumers na agad ireport sa DTI kapag nakatanggap sila ng delivery na mayroong sira at huwag itong ipagwalang bahala.

Ipaalala lang natin na obligasyon ng mga providers na ganyan na i-ensure na yung items na nandun sa loob ng parcel stays in the original condition they were when shipped out kasi baka hindi nila naiintindihan nag-violate na sila ng Article 50 consumer act,” ani Dimagiba. — panayam mula sa Ratsada Balita.

Tinanggal na ang mga traditional jeepneys sa ilang mga ruta na dati nilang tinatakbuhan.

Ayon kay Zeny Maranan, pangulo ng FEJODAP, nilagyan na ng Department of Transportation (DOTr) ng mga bus ang mga ruta na dati ay tradisyonal na jeepneys ang tumatakbo.

Hanggang ngayon rin anya ay wala pang katiyakan ang sinasabi ng DOTr na papayagan nang magbalik pasada ang traditional jeepneys sa susunod na linggo dahil wala namang ipinaparating sa kanila ang DOTr.

Yun na nga, dinaanan na ng bus tulad nitong Antipolo-Cubao na ito. Nilagyan nila ng bus na halos 150 na Cogeo-Padilla, Cogeo-Cubao ganyan nilagyan nila ito. Tinanong namin kay Chairman Delgra anong mangyayari sa aming mga jeep dito, traditional jeep na halos 300 unit ang tumatakbo dito sa lugar na ito, 400. Ang sagot niya ‘wala na kayo’, wala na kayo malinaw ‘to”, ani Maranan.

Iginiit ni maranan na ginamit talaga ng DOTr ang COVID-19 pandemic para ituloy ang pag phase out ng mga tradisyonal na jeepneys at palitan ito ng mga mini buses na gawa sa ibang bansa.

Dyan mo makikita na wala silang pinoprotektahan kahit hindi yung taga ibang bansa pupunta at manggagaling mga ginagawa nila kasi kitang-kita palang namin sa mga usapan palang ay nakita na namin ay style L300 sapagkat yung drawing nila. Kaya sabi namin bakit ganyan kasi we’re expecting na kung saka-sakali hindi yung parang mini bus, naglalakihan na yung mga ilalagay nila sa kalsada,” ani Maranan. — panayam mula sa Balitang Todong Lakas.

Umarangkada na ngayon ang mahigit sa 4,000 city buses sa Metro Manila.

Ayon kay Engr. Bert Suansing, full operations na ang pinapayagan ngayon sa mga city buses sa itinakda nilang 31 ruta.

Kasabay aniya ng city buses ang mahigit sa 300 modern jeepneys na papayagan munang tumakbo sa 15 ruta.

Kasi ang ginagawa rin ng DOTr is yung pag-resume ng mga operation ng publoc transport natin is calculated, gradual dahil kasi yung mandate ng departamento is transportasyon that we balance this with our responsibility na mapangalagaan din ang kalusugan ng mga mamamayan para yung pagkakaroon ng hawaan maiwasan,” ani Suansing.

Ayon kay Suansing, bago matapos ang Hunyo ay aarangkada na rin ang mga UV express at tradisyunal na mga jeepneys.

Hindi aniya nasama sa unang phase na sinimulan sa araw na ito ang mga uv express dahil may mga isyu pa sa kanilang operasyon.

UV express nga ang tawag sa kanila pero ang nangyayari namamasada sila na parang jeepney, labas yun sa kanilang prangkisa na binigay; na kapag sinabing express point-to-point yan dapat yung bayaran nung pamasahe dapat card system na,” ani Suansing. — panayam mula sa Ratsada Balita at Balitang Todong Lakas.

TINGNAN: Mga ruta para sa mga modern jeepneys na pinayagang bumiyahe ng DOTr pic.twitter.com/xWYdvD3rFE

— DWIZ Newscenter (@dwiz882) June 22, 2020

Kinumpirma ni Dr. Tony Leachon na pinagbitiw siya bilang adviser ng Inter-Agency Task Force on coronavirus disease 2019 (COVID-19).

Ayon kay Leachon, kinausap sya ni chief implementer Carlito Galvez hinggil sa kanyang mga pahayag na taliwas sa malakanyang partikular kina Health Secretary Francisco Duque at Presidential Spokesman Harry Roque.

Sinabi ni leachon na matagal na silang tinatangkang busalan at sa katunayan ay tinanggal sa IATF ang pagbibigay ng arawang updates sa taongbayan dahil kailangang magmula ang lahat ng pahayag kay Roque.

Nung lumaon eh ako nalang nagsasalita kasi nakikita yung urgency sa pag bibigay ng datos. So wala naman tayong vina-vioalate na confidentiality ng data at mga data na ‘yun ay galing sa Department of Health (DOH). At  ang sinasabi ko nga ‘yun ba ay enough reason na para  tanggalin ka sa posisyon mo. Sa tingin ko very hard working ako sa pagtratrabaho —ani Leachon

Binigyang diin ni Leachon na  napakaraming buhay ang apektado dahil sa hind episyenteng pagpapalbas ng datos ng DOH.

Nihalimbawa ni leachon ang Cebu City na ibinalik sa enhanced community quarantine (ECQ) dahil sa paglobo ng bilang ng COVID-19 cases.

Kung naging episyente anya ang datos ng DOH, dapat ay nakita nila na hindi pa dapat inilagay sa general quarantine nuon ang Cebu City.

May tama na ‘yung mga lapses o dropballs sa nangyayari sa Department of Health (DOH). Kasi ito ang nakakaiyak dito, ilang doctor na ang nanamatay dito at ilang nurses, health professionals naapektuhan dito. ilan ang nawakan ng trabaho, ilang naghihirap dito. So sa lahat ng mga desisiyon natin sa pagluwag ng quaratine naka-depende ‘yan sa tamang data so kawawa ang mga kababayan natin na hini-higpitan natin na pwede pala. Tapos ‘yung naman dapat higpitan eh di naman natin nahihigpitan tulad ano nangyari sa Cebu —panayam mula sa Ratsada Balita

Umalma si health reform advocate, Dr Tony Leachon  sa alegasyon na ambisyon nya ang maging health secretary.

Si Leachon ay dating adviser ng Inter-Agency Task Force on coronavirus disease 2019 (COVID-19) na pinagbitiw dahil sa kanyang mga pahayag na kontra sa direksyon ng Department  of Healthn (DOH) sa isyu ng COVID-19.

Binigyang diin ni Leachon na mahigit isang dekada na syang independent health reform advocate at kuntento na sya na pinagkakatiwalaan ang kanyang opinyon at kaalaman  tulad ng pagiging malimit na resource person sa mga  sa mga imbestigasyon ng Kongreso at adviser sa health issues.

Gayunman, aminado si Leachon na isa sya sa mga naniniwala na dapat nang palitan si secretary Francisco Duque sa Department of Health (DOH).

Marami na po tumatawag nun, meron na po silang na-appoint napakagaling po eh si Usec. Leopoldo Vega ng Davao. Siguro baka siya na ‘yung kapalit noh pero sa ganitong na-sasaldak ‘yung ahensiya ng kalusugann sa ganitong  iskandalo na ang buong bansa ay in-crisis. baka napapanahon na magkapalitan na po talaga. —ani Leachon

Kasabay nito ay itinanggi ni Leachon na mayroon syang kinalaman sa imbestigasyon na ginagawa ngayon ng office of the ombudsman kay Duque at sa ilang opisyal ng DOH.

Hindi ini-explain ni Ombudsman Samuel Martires, motu propio daw since marami daw nagreklamo pati ang Senate nagumpisa pala March 23 sila. Binigyan po silang tun around  at pinagpasa-pasahan nila sa RITM, sa ahensiya dito at noong napannod ko siya galit na galit siya na pina-iikotan. —panayam mula sa Ratsada Balita