SPECIAL REPORTS

May bagong programang alok ang Land Bank of the Philippines (LANDBANK) para sa mga negosyong naapektuhan ng pananalasa ng bagyo at giyera sa pagitan ng Russia at Ukraine.

Ayon sa LANDBANK, tinawag ang programa na NATION SERVES o “National Assistance Towards Initiating Opportunities To Entities Amid Social and Economic Reverses which Visibly Entail Shockwaves to Businesses”.

Aabot sa P50-B ang inilaan ng LANDBANK sa programa kung saan maaaring umutang ang mga negosyo ng hanggang 85%.

Ang mga kumpanyang maaaring mag-avail sa programa ay ang; Agri-Business, Aviation, Hardware and Machine, Manufacturers, Energy and Fuel providers, Manufacturing, Electronics, Metals, Medicines, Renewable Energy, at Shipbuilding.

Gumagawa na ng hakbang ang Department of Science and Technology (DOST) upang masolusyunan ang oversupply ng okra sa bansa.

Ayon sa DOST, hinihikayat na nila ang mga okra producer para gawing kapaki-pakinabang ang kanilang mga produkto.

Ang okra ay maaaring i-develop at gawing banaba milk tea, toothpaste at pampatagal nang buhay ng pagkain.

Taglay ng okra ang hydrocolloids, isang uri ng natural preservatives na nagpapanatili ng istruktura ng pagkain sa pamamagitan ng gelling effect.

Inihayag ng Bangko Sentral ng Pilipinas (BSP) na bumaba ng mahigit $2.5B ang OFW cash remittances kung ikukumpara sa mahigit $2.7B noong buwan ng Enero.

Ayon sa BSP, ang pagbaba ng remittances ng Overseas Filipinos ay mas mataas parin kumpara sa mahigit $2.4B na naitala sa kaparehong buwan noong nakaraang taon.

Sinabi ng BSP na ang pinakamalaking share sa overall remittances ay ang US na may 41.6% sa unang dalawang buwan ng taon, sumusunod ang Singapore, Saudi Arabia, Japan, United Kingdom, United Arab Emirates, Canada, Taiwan, Qatar, at Malaysia.

Nabatid na ang pagbaba ng cash remittances mula sa ibang bansa ay dahil sa muling pagpapatupad ng restriksiyon sa host countries ng Overseas Filipinos.

Mahigit 400 accounts, pages at groups ang tinanggal ng Meta sa social media platform na Facebook dahil sa paglabag ng mga ito sa  community standards bago pa man ang May 9 elections.

Ayon sa Social media giant, inalis ang mga ito dahil sa pagsuway sa iba’t ibang polisiya gaya ng coordinated harm, bullying, harassment, hate speech, misinformation at karahasan.

Patuloy rin ang mga ginagawang hakbang ng meta upang masigurong transparent ang mga ads na nasa mga platform nito.

Nilinaw naman ng Meta na ang lahat ng kanilang polisiya ay nakatuon sa behavior at kung paano nakikipag-ugnayan sa platform ang mga user at hindi nakabatay sa anumang content o political  inclinations.

Sinabi pa ng Meta na gagamitin nila ang Elections Operations Center upang agad na matugunan ang anumang potensyal na pang-aabuso ng mga serbisyo nito na may kinalaman sa eleksyon.