SPECIAL REPORTS

Pinatataasan ng Pilipinas sa mga Japanese retailers ang presyo ng ibinebentang saging na ipino-produce ng mga bansa sa Southeast Asia.

Ito ay matapos maging pahirapan ang pag-export ng saging dahil sa pagmahal ng gastos sa production at shipping, maging ang nagbabadyang food crisis dulot ng gulo sa pagitan ng Russia at Ukraine.

Sa Japan, umaabot na ngayon sa ¥160 o katumbas ng $1.2 ang presyo sa kada buwig ng saging, mas mataas ng $0.5 noong November.

Ang Pilipinas ang pinakamalaking supplier ng saging sa Japan na nagpadala ng 844 million tons ng saging noong 2021.

Isinapubliko ng Malacañang ang updated list o ika-12 Regular Foreign Investment Negative List hinggil sa pamumuhunan ng ibang bansa sa Pilipinas.

Inilabas ng palasyo ang mga limitadong lugar kung saan maari at hindi maaaring mamuhunan o mag invest ang mga Pilipino at mga dayuhan sa bansa.

Sa ilalim ng Executive order no. 175, hindi pinapayagan ang foreign equity sa mga sumusunod:

• Mass media at internet business
  • Practice of profession maliban sa ilang kaso na pinapayagan ng batas
  • Retail trade enterprises na mayroong paid-up capital na mas mababa sa ₱25 million
  • Cooperatives
  • Mga organisasyon at operasyon ng private detectives, watchmen o security guard agencies
  • Small scale mining
  • Utilization ng Marine Resource na sakop ng Pilipinas

Samantala, papayagan naman ang Foreign Equity sa mga sumusunod:

• 25% Foreign Equity sa Private Recruitement
  • kontrata para sa konstruksyon ng Defense-related structures
  • 30% Foreign Equity para sa Advertising
  • 40% para sa procurement ng Infra Projects
  • Exploration, Development at Utilization ng Natural Resources.

Ang nasabing listahan ay pirmado ni Pangulong Rodrigo Duterte noong June 27, 2022.

Tumaas pa sa 54.985 ang palitan ng piso kontra dolyar.

Ayon sa Bangko Sentral ng Pilipinas (BSP), malapit na itong pumalo sa P55 dahil sa paghigpit ng bansa sa monetary policy stance.

Nabatid na mula sa P54.70 noong Huwebes, nadagdagan ng P28.50 centavos ang local currency kaya pumalo na ito sa halos P55.

Sa ngayon, inaasahang magiging malaki ang epekto sa inflation ng bagong tala dagdag pa ang Oil price hike at pagmahal ng mga bilihin.

Posibleng pumalo pa sa P54 ang palitan ng piso kontra dolyar sa Pilipinas.

Ayon kay Kausani Basak, Head ng Financial Service Company na Asia Research Khoon Goh at Foreign Exchange Analyst, dahil ito, sa paghina ng antas ng kalakalan bunsod ng pagtaas ng presyo ng mga bilihin.

Para maayos ang hindi balanseng palitan, iminungkahi ni Basak sa Bangko Sentral ng Pilipinas (BSP) na itaas ang interest rates.

Sa kasalukuyan, nararanasan na ng Pilipinas ang mataas na Trade Deficits bunsod ng pagtaas ng presyo ng commodities dahil sa nagpapatuloy na kaguluhan sa pagitan ng Russia at Ukraine.

Nagtakda na ng floor price sa sigarilyo ang Bureau of Internal Revenue (BIR).

Batay sa Revenue Memorandum Circular 79-2022, dinagdagan ng BIR ng P8.84 centavos ang retail price ng kada pakete ng sigarilyo, para sa kabuuang P82.49 centavos kada pakete.

Nagkakahalaga ng P18.65 centavos ang pinaka-cheap na brand ng sigarilyo na dinagdagan ng excise tax na P55 kada pack.

Sinumang magbenta ng sigarilyo na mas mababa sa itinakdang presyo ay maituturing na lumabag sa batas.

Tumaas sa ika-walong sunod na buwan ang presyo ng retail construction goods sa Metro Manila.

Batay sa Construction Materials Retail Price Index (CMRPI) tumaas ng 3.3% ang presyo ng naturang produkto nitong February 2022.

Mas mataas ito kumpara sa 1.1% growth noong February 2021 at 3% noong January 2022.

Ang CMRPI ay binubuo ng mga produktong ginagamit sa carpentry, electrical, masonry, painting at plumbing.

Inaprubahan ng Asian Development Bank (ADB) ang $400-M o katumbas ng P20-M inutang ng Pilipinas.

Gagamitin ito para mapalakas ang mga programa ng bansa laban sa climate change.

Ayon kay Stephen Schuster, ADB Principal Financial Sector Specialist for Southeast Asia, ito ang kauna-unahang policy-based loan na kanilang inaprubahan para sa climate change.

Gagamitin din ng Pilipinas ang pondo para sa mga programang magpapalakas sa conservation ng land at marine resources.

Posibleng maglaro sa 5% hanggang 5.8% ang inflation rate sa Pilipinas ngayong Mayo.

Ayon kay Bangko Sentral ng Pilipinas Governor Benjamin Diokno, mas mabilis ito kumpara sa 4.9% na naitala nitong Abril na siyang pinakamataas simula December 2018.

Ang pagbilis ng pagtaas ng presyo ng langis, bilihin at paghina ng piso ang nakikitang dahilan ni diokno sa pagbilis ng inflation.

Ngayong Hunyo, pumalo sa 25 basis point ang key policy rate ng bansa.