Nanatili sa 6.4% ang unemployment rate sa bansa sa buwan ng Pebrero 2022.
Ayon kay Philippine Statistics Authority (PSA) National Statistician Dennis Mapa, umabot sa 3.13-M ang mga Pilipinong walang trabaho, mas mataas sa 2.93-M noong Enero 2022.
Mas mababa naman ang unemployment rate noong Pebrero 2022 kumpara sa 8.8% ng 4.19-M Pilipino noong nakaraang taon.
Samantala, ang paglobo ng unemployment ay bunsod ng pandemya at lockdowns na nagsimula noong 2020. —sa panulat ni Airiam Sancho
Pumalo sa $274-M noong Pebrero ang “Hot money” ng Pilipinas o ang pondo na pumapasok at kinokontrol ng mga namumuhunan sa bansa.
Nakapagtala ang Bangko Sentral ng Pilipinas (BSP) net inflows para sa February 2022 Foreign Portfolio Investments ng bansa, na mas mataas pa sa naunang buwan kung saan, mas mataas ito ng $15-M.
Sa mga registered investments, 79.3% ang napunta sa securities na nakatala sa Philippine Stock Exchange.
Ayon sa BSP, ang mga ito ay partikular na inilagak sa banks, property, holding firms, food, beverage and tobacco at transportation services habang ang nalalabing 20.7% naman ay ipinuhunan sa Peso Government Securities.
Kabilang sa Top 5 investor countries ay ang United Kingdom; United States; Luxembourg, Europe; Singapore at Hong Kong, na bumubuo sa 75.7% ng mga transaksiyon. —sa panulat ni Angelica Doctolero
Inihayag ng Philippine Statistics Authority (PSA) na bumaba ang produksiyon ng mga baboy sa bansa sa huling bahagi ng taong 2021.
Base sa datos ng PSA, noong October hanggang December 2021, umabot sa 450,000 metric tons liveweight ang kabuuang produksyon ng baboy na mas mababa kumpara sa 4th quarter ng 2020 na umabot sa 515,000 metric tons.
Sa naging report ng Bureau of Animal Industry (BAI), ang mga pangunahing rehiyon na nag-po-produce ng baboy ay ang Northern Mindanao na aabot sa 62,000 metric tons o katumbas ng 13.8% na sinundan naman ng Western Visayas, CALABARZON, Central Visayas at Davao Region.
Ayon sa BAI na African Swine Fever (ASF) parin ang pangunahing dahilan ng pagbaba ng bilang ng produksyon ng baboy sa bansa. — sa panulat ni Angelica Doctolero
Pumalo sa $15-M ang Foreign Portfolio Investments (FPIS) o ang tinatawag na “hot money” na pumapasok at lumalabs na pondo sa pilipinas partikular sa merkado bunga ng net inflows nito lamang buwan ng Enero.
Dahil dito, unti-unting umaangat at nakakabawi ang ekonomiya ng bansa sa kabila ng mahigpit na quarantine measures na ipinatupad sa gitna ng surge sa COVID-19 cases.
Ayon sa Bangko Sentral Ng Pilipinas (BSP), ang naitalang Net Inflow ay kabaliktaran ng Outflows na $4-M na naitala noong December 2021.
Sa datos ng BSP, ang $731-M registered investments noong nakaraang buwan ay nagpakita ng pagbaba ng 45.1% o ng $600-M kumpara sa $1.3-B na naitala noong December 2021.
Karamihan sa Investment o 68% na nagparehistro ay nagmula sa Philippine Stock Exchange (PSE) kabilang din dito ang holding firms; property; banks; food, beverage and tobacco maging ang TeleCommunications habangang natitirang 32% naman ay nasa Peso Government Securities kabilang na ang Treasury Bills at Treasury Bonds. —sa panulat ni Angelica Doctolero
Inaasahang mas tataas ngayong 2022 ang ekonomiya ng bansa bunsod ng mataas na vaccination rate kontra COVID-19.
Ayon sa First Metro Investment Corporation (FMIC), ang paglago ng ekonomiya ng bansa ngayong taon ay makakatulong para maipagpatuloy ang domestic demand ng bansa.
Bukod pa dito, makakatulong din ito para mapagaan ang inflation, election expenditures o mga paggasta sa halalan maging ang paggastos sa mga proyektong pang imprastraktura.
Matatandaang lumago ng 4.9% ang ekonomiya ng bansa sa unang tatlong kwarter ng taong 2021.
Ayon kay FMIC President Jose Patricio Dumlao, ang pagiging kumpiyansa ng mga negosyo ay nakatulong sa pagiging positibo ng bansa dahilan ng mas malawak ng availability ng vaccines, relaxation of lockdowns, quarantine measures, at mobility restrictions.
Samantala sa naging interview ng DWIZ kay Economic Analyst and UP professor Astro Del Castillo, naniniwala siyang mas gaganda ang oportunidad ng mga Pilipino sa tulong ng investment at remittances sa bansa.
Sinabi ni Del Castillo na dapat maging handa o magkaroon ng contingency plan ang gobyerno lalo na ngayong nasa gitna parin ng pandemiya ang bansa.- sa panulat ni Angelica Doctolero
Umarangkada na ang 5 araw na walk-in vaccination sa Marikina High School para sa adult at pediatric vaccination ng mga edad 12 hanggang 17.
Nagsimula ito kahapon, Pebrero 14 at matatapos hanggang Pebrero disi-otso.
Para mabakunahan, magdala ng id at vaccination card maging ang mga nais makatanggap ng booster shots.
Ikinatuwa naman ng mga residente ang walk-in set up.
Layon ng city health department na mas mapadali at mapabilis ang rollout ng bakuna upang tuloy-tuloy na mapababa ang kaso. —sa panulat ni Abby Malanday
Nagpalabas ng mga paalala ang Department of Health (DOH) sa publiko para makaiwas sa Coronavirus.
Ipinabatid ng DOH na ang Coronavirus ay kapamilya ng mga virus na nagdadala ng mga sakit mula sa karaniwan lamang na ubo at sipon hanggang sa mas malulubhang impeksyon.
Sa mga malulubhang kaso, ang Coronavirus ay maaaring magdulot ng:
Kabilang sa mga sintomas ng sakit ay:
Para makaiwas sa mga sakit dulot ng Coronavirus, pinayuhan ng DOH ang publiko na:
Sanib-puwersang gugunitain ng iba’t ibang kinauukulang ahensya ang World Toilet Day ngayong araw, ika-19 ng Nobyembre, taong 2019 sa Baseco, Tondo Manila.
Pangungunahan ng Department of Health (DOH), UNICEF at Manila Local Government Unit ang taunang selebrasyon na may tema ngayong taon na ‘Toilets for All: Leaving No One Behind”.
Tinatayang dadaluhan ito ng 600 katao mula sa iba’t ibang ahensya ng gobyerno, mga katuwang na ahensya, miyembro ng komunidad at ng media.
Kasabay nito ay maglulunsad ng dalawang polisiya ang DOH (Guidelines on the Philippine Approach to Sustainable Sanitation at National Standards on the Design, Construction, Operation and Maintenance of Septic Tank Systems) kaugnay sa pagpapabuti ng lagay ng sanitation o kalinisan sa bansa.
Magiging sentro rin ng selebrasyon ang kahalagahan ng paggamit ng malinis na toilet o palikuran at ang ugaling pag-huhugas ng kamay pagkatapos gumamit ng palikuran, maging tuwing bago kumain.
Samantala, ang World Toilet Day ay taunang ginugunita sa buong mundo upang palakasin ang kamalayan ng publiko hinggil sa mahalagang papel ng kalinisan sa pagpapababa ng kaso ng mga sakit at pagkakaroon ng mas malusog at malinis na komunidad.
Maaaring maapektuhan ng pagkakaroon ng tsunami ang lahat ng coastal areas o mga lugar na malapit sa dagat sa bansa.
Ito’y kadalasang nagaganap mula sa under-the-sea earthquakes o matapos ang paggalaw sa ilalim ng dagat dulot ng iba’t ibang mga likas na kaganapan katulad ng mga lindol, pagsabog ng bulkan, mga pagguho ng lupa at mga meteorite.
Ang mga alon ay maaaring magbiyahe sa bukas na dagat nang kasing bilis ng 450 milya bawat oras kaya’t mahalagang malaman at mapansin agad ang mga natural na senyales nito.
Kabilang sa natural signs na mayroong paparating na tsunami ay ang pagkakaroon ng malakas na lindol; hindi pangkaraniwang pagtaas ng tubig o pagkawala ng tubig sa dalampasigan; at malakas na dagundong ng mga alon sa dagat.
Idineklara ng United Nations ang November 5 bilang World Tsunami Awareness Day bilang pagkilala sa isang tunay na istorya mula sa Japan: “Inamura-no-hi”, na ang ibig sabihin ay “burning of the rice sheaves“.
Kwento nito, noong taong 1854 kung saan nagkaroon ng malakas na lindol, isang magsasaka ang nakasaksi ng hindi pangkaraniwang pagtaas ng tubig dagat [na senyales ng paparating na tsunami] kaya’t sinunog nito ang kanyang inaning palay bilang babala sa mga residente at lumikas na sa mas mataas na bahagi ng kalupaan.
Itong taong ding ito ang ika-25 anibersaryo ng 1994 Mindoro earthquake at tsunami.
Ika-15 ng Nobyembre, taong 1994, dakong 3:15 AM, nang yanigin ng magnitude 7.1 na lindol at tsunami ang Mindoro na lubhang nagdulot ng pinsala sa mga bayan ng northern Mindoro at nag-iwan ng 78 kataong nasawi.
Hindi mapipigil o mahahadlangan ang pagkakaroon ng tsunami, ngunit maaari nating mabawasan ang epekto nito sa pamamagitan ng pagiging handa ng komunidad, nasa oras na mga babala, at pagkakaroon ng karampatang aksiyon.
Ginugunita sa buong mundo ngayon, ika-10 ng Oktubre, ang World Mental Health Day.
Ayon sa World Health Organization, sa bawat 40 segundo, mayroong isang namamatay dahil sa pagkitil sa sarili nitong buhay.
Kaya naman tema ng World Mental Health Day ngayong taong 2019 ang ‘Focus on Suicide Prevention’ o pagbibigay-pansin upang mapigilan ang pagdami ng kaso ng mga nagsu-suicide.
Samantala, layon naman ng taunang World Mental Health Day ang magbigay-kaalaman at imulat ang publiko kaugnay sa iba’t ibang mental health issues.