Pumalo sa halos 4.6 milyon ang pumanaw dahil sa COVID-19 sa buong mundo.
Iyan ay matapos na madagdagan ng 10,074 ang bilang nito noong miyerkules.
Ayon sa World Health Organizations, maaring doble hanggang triple ang kaso ng mga nasawi kaysa sa mga official records dahil sa sobrang mortality rate na hindi o direktang maiuugnay sa COVID-19.
Amerika naman ang may naitalang new deaths sa bilang na 2,084 na sinundan ng bansang mexico na may 879 at Russia na may 794.—sa panulat ni Rex Espiritu
Umakyat na sa 26 ang nasawi sa Hurricane Ida sa Luisiana, USA.
Ayon sa ulat ng otoridad, labing isa ang nadagdag sa New Orleans at walo sa mga ito ay pawang kalalakihan at tatlo naman ang mga babae.
Matinding init dahil sa kawalan ng kuryente ang ikinamatay sa siyam sa mga ito.
Naitala naman ang mga pumanaw mula Agosto 30 hanggang Setyembre 6.—sa panulat ni Rex Espiritu
Patay ang driver ng truck sa Cagayan De Oro City.
Iyan ay matapos siyang maatrasan at maipit sa sasakyang minamaneho ng kanyang pahinante.
Ayon sa ulat, nanghihintay ang biktima at ang pahinante ng resibo ng kanilang idineliver na produkto sa bodega ng Barangay Puerto.
Habang naghihintay, naupo ang driver sa labas ng gusali at doon na sumampa ang pahinante para imaneho at sana’y i-abante.
Pero sa halip na umabante, umatras ang truck at naipit ang biktima na agad nitong ikinasawi.
Sumuko naman ang pahinante sa pulisya matapos ang insidente at inihahanda ang reklamong isasampa sa kanya.—sa panulat ni Rex Espiritu
Nagkilos protesta ang mga kababaihang Afghans sa Badakashan province laban sa Taliban.
Kanila kasing inerereklamo kung bakit hindi kumuha ang taliban ng mga babae sa mga mamumuno sa kanilang bagong tatag na gobyerno.
Ayon sa mga kababaihan, hindi katanggap-tanggap na walang babaeng ministro sa kanilang pamahalaan.
Dahil sa protesta, maraming kababaihan ang pinahahataw bago tuluyang buwagin ng taliban ang mga ito.
Sinabi ng taliban na bawal ang anumang kilos protesta na walang permit.—sa panulat ni Rex Espiritu
Masayang inanunsyo ng reality star na si Kylie Jenner na buntis ito sa kanyang baby number 2.
Sa post ni Kylie sa social media, nagpakita ito ng video kung saan kumpirmado na buntis nga ito sa nobyong si Travis Scott.
Nagkaroon na ng supling ang dalawang celebrity sa katauhan ng cute na three years old na si Stormi Webster.
Bunso sa magkakapatid na kardashan si Jenner na siyang nagtatag ng beauty line na Kylie cosmetics.—sa panulat ni Rex Espiritu
Walang inilaan na pondo ang Commission on Higher Education o CHED para sa pandemic assistance sa mga mag-aaral ng pribadong paaralan para sa 2022 proposed national budget.
Sa pagding ng kamara sa budget ng ahensya, ipinunto ni ACT-Teachers Partylist Representative France Castro kay CHED Chairman Popoy De Vera ang isyu.
Aniya, wala raw siyang napansin na ayuda or COVID response sa 2022 at tinanong niya kung ito ba ay kasama sa hindi nailabas ng Department of Budget and Management.
Sagot naman ni De Vera sa mambabatas na hindi nila sinama sa 2022 budget ang pondo sa student aid bagkus ay nagsabi sila na mapasama ito sa proposed bayanihan 3.
Sinabi pa ni de vera na naghahanap sila ng karagdagang pondo dahil nagastos na nila ang P300 milyon na pondo sa ilalim ng bayanihan 2 para sa higher education tulong program noong 2020.—sa panulat ni Rex Espiritu
Mawawalan ng P11 trilyon ang bansa sa susunod na 40 years dahil sa limitadong learning ability ng mga mag-aaral dahil sa kakulangan ng face-to-face classes sa isang taon.
Ayon iyan kay National Economic Development Authority O NEDA Director General Secretary Karl Kendrick Chua.
Sa naging pagding ng Senado sa proposed P5.024 trilyon na budget sa taong 2022.
Natanong ni Senador Win Gatchalian ang mga economic managers kung mayroon na bang datos ng mga nawala sa isang taon na pagsasara ng mga educational institutions.
Sabi ni Chua na mag-reresulta ito ng pangmatagalang epekto kapag nasa labor force na ang mag-aaral.—sa panulat ni Rex Espiritu
Nasa hanay na ng official media sport ng 19th Asian Games sa China ang E-sports.
Ayon sa Olympic Council of Asia, ang pagsama nito sa laro ay nagpapakita ng popularidad ng Electronic Sports sa China at sa rehiyon ng asya.
Walo ang medal events ang kasama sa E-sports category sa mga sumusunod;
Maaagang inanunsyo ang pagsama ng nasabing palaro para makapaghanda ang mga lalahok na bansa sa kompetisyon.—sa panulat ni Rex Espiritu
Humihingi ngayon ng panalangin ang National Basketball Association o NBA sa kanilang mga manlalaro para sa dating veteran NBA player na nag-aagaw buhay ngayon dahil sa COVID-19.
Nagulat ang karamihan kamakailan ng makita nila ang larawan ni Cedric Ceballos na nasa Intensive Care Unit ng ospital habang naka-intubate sa kanyang ika-10 araw sa ospital.
Dating naglaro ang 52 years old na na si Ceballos sa Phoenix Sun, Los Angeles Lakers, Dallas Mavericks, Detroit Pistons at Miami Heat.
Sa mensahe nito habang nasa ICU, nanawagan na rin siya ng dasal para sa kanyang mabilis na paggaling.—sa panulat ni Rex Espiritu
Nakalabas na ng ospital si Boxing Legend Oscar Dela Hoya matapos na magpositibo sa sakit na COVID-19.
Sa kanyang post sa social media, sinabi nito na tatlong araw din siyang nanatili sa pagamutan para magpagaling.
Aniya, nasa magandang kalagayan na raw siya at hindi na makapag-intay na bumalik sa boxing ring.
Magugunitang naunsyami ang laban nito kay UFC fighter Vitor Belfort bukas Setyembre 11, matapos nga na magpositibo sa nasabing virus.
Kakalabanin naman ni Belfort ang dating Boxing Champion Evander Holyfield.—sa panulat ni Rex Espiritu