HEADLINES

Kinumpirma ng Prime Minister at isang health worker na lima ang nasawi habang 50 naman ang sugatan matapos ang pagsabog sa Bujumbura, Burundi.

Sa pahayag ng Interior Ministry, isang hindi kilalang terorista ang responsable sa nangyaring grenade attacks.

Ayon sa pitong nakakita, dalawang pagsabog ng granada ang nangyari sa isang bus parking lot sa City Centre habang nangyari naman ang ikatlong pagsabog sa Jabe market sa neighbourhood.

Nangako naman ang Prime Minister na si Alain-Guillaume Bunyoni na tutulungan ng gobyerno ang pamilya ng mga nasawi maging ang mga sugatan.—sa panulat ni Angelica Doctolero

Dalawang resort sa Barangay Daliao, Toril District, Davao City ang ipinasara ng business Bureau at ng Davao City Tourism Operations Office.

Ito ay matapos mapag-alamang walang business permit ang mga resort pero patuloy na tumatanggap ng mga social events gaya ng kasal, binyag, at birthday.

Base sa naging imbestigasyon ng lokal na pamahalaan, walang suot na face mask at mayroong mga batang kasama ang pagtitipon sa resort.

Nito lamang Setyembre 12 ay naaktuhan din ng mga pulis at enforcers ng lokal na pamahalaan ang nasa 20 bisitang dumalo sa isang birthday party sa inland resort sa Barangay Catalunan Pequeño.

Sa protocols na ipinatutupad ng pamahalaan, ipinagbabawal parin ang anumang pagtitipon at turismo sa bansa kung saan, nilabag ng mga dumalo at ng nasabing resort ang Department of Trade and Industry memorandum circular number 21-28 series na nagbabawal sa mga social events at inter-agency task force resolution no. 130-a series of 2021.

Sa ngayon, nakapailalim pa rin ang Davao City sa General Community Quarantine (GCQ) with heightened restrictions hanggang sa katapusan ng buwan.—sa panulat ni Angelica Doctolero

Nakapagtala ng magnitude 5 na lindol ang Occidental Mindoro 12:43 kaninang madaling-araw.

Namataan ang episentro nito sa layong 13.26 Northwest ng Mamburao na may lalim na mahigit labing isang kilometro at tectonic ang origin nito.

Dahil dito, nakapagtala ng intensities sa ilang lugar kabilang na ang:

– Malvar, Batangas na nakapagtala ng intensity 3

– Quezon City na nakapagtala ng intensity 2

Nakapagtala din ng instrumental intensities sa bahagi ng:

* Calapan City, Oriental Mindoro – Intensity 4

* Tagaytay City – Intensity 3

* Muntinlupa City; Batangas City At Calatagan, Batangas, Mauban, Mulanay At Dolores, Quezon – Intensity 2

* Lopez, Quezon; Carmona, Cavite; Plaridel, Bulacan

Habang wala namang naitala sa intensity 1.

Ayon sa Phivolcs, matapos maitala ang lindol ay nasundan pa ito ng apat pang sunod-sunod na aftershocks.

Dahil dito, nagpaalala ang Phivolcs sa mga residente na manatiling nakaalerto sa posible pang aftershocks matapos ang pagyanig.—sa panulat ni Angelica Doctolero

Aprubado na sa kamara ang income tax exemption sa mga Senior Citizens

Ang house bill no. 8832  ay may layuning amyendahan ang National Internal Revenue Code of 1997 upang mailibre sa buwis ang mga Senior Citizen sa bansa.

Ayon sa may akda ng panukala na si Senior Citizen Party-List Rep. Rodolfo Ordanes, malaking bagay na mailibre sa income tax ang mga matatanda.

Bukod pa dito, marami sa mga senior citizens ang hindi na-e-enjoy ang kanilang retirement pay dahil sa mataas na presyo ng bilihin sa merkado.

Sakaling maging ganap na batas ang naturang panukala ay masasakop nito ang holiday pay, overtime pay, night shift differential pay at hazard pay.—sa panulat ni Angelica Doctolero

Patay ang limang miyembro ng New Peoples Army o NPA  sa naganap na sagupaan sa pagitan ng tropa ng militar sa bahagi ng Sitio Cogon-Cogon, Brgy. Manalog, Malaybalay City, Bukidnon.

Sa imbestigasyong nakalap ng mga otoridad, nagkaroon ng engkwentro sa pagitan ng 1st special force battalion kasama ang 8th infantry battalion na nagsimula nito lamang linggo ng hating gabi at nagtagal ng Lunes ng tanghali.

Ayon sa spokesperson ng 4th Infantry Division ng Philippine Army na  si Maj. Francisco Garello Jr., narekober sa pinangyarihan ng engkwentro ang 12 pirasong baril.

Sa ngayon, patuloy na tinutugis ng mga tauhan ng militar ang mga nakatakas na mga NPA.—sa panulat ni Angelica Doctolero

Nasa kustodiya na ng Senado si Pharmally Pharmaceutical Corporation Director Linconn Ong matapos ipaaresto dahil sa umano’y pagsisinungaling sa pagdinig ng blue ribbon committee hinggil sa overpriced umanong COVID supplies.

Pansamantalang nakapiit si Ong sa gusali ng Senado sa Pasay City.

Una nang inihayag ni Senate President Tito Sotto na nananatili ang arrest warrants laban kay Ong at sa iba pang opisyal ng Pharmally.

Sa mga nakaraang hearing ay pinaaresto na rin ni Sotto si Ong pero nanatili ito sa kanyang bahay matapos magpositibo umano sa COVID-19.—sa panulat ni Drew Nacino

Aprubado na sa ikatlo at huling pagbasa ng kamara ang panukalang magpapataw ng Value-Added Tax (VAT) sa digital transactions, kabilang na ang streaming platforms tulad ng Netflix at Spotify.

Sa botong 167-6 at 1 abstention, lumusot sa mababang kapulungan ng kongreso ang House Bill 7425 na layuning amyendahan ang National Internal Revenue Code of 1997.

Alinsunod sa panukala, papatawan na ng 12% tax ng mga digital service provider ang mga gumagamit ng kanilang platform.

Saklaw ng VAT ang electronic o digital sale ng services gaya ng online advertisement services, probisyon para sa digital advertising space, digital services kapalit ng regular subscription fee tulad sa Netflix at Spotify;

Pagsusupply ng iba pang electronic at online services sa pamamagitan ng internet, online licensing ng software, updates, add-ons, west filters at firewalls; mobile applications, video games at online games;

Webcast and webinars at provision ng digital content gaya ng music, files, images, text at information, search engine services; social networks at internet-based telecommunication.—sa panulat ni Drew Nacino

Nanindigan ang ina ng Filipino painter na si Briana “Bree” Jonson na hindi nagpakamatay ang kanyang anak, matapos itong matagpuang wala ng buhay sa isang hotel sa San Juan, La Union, noong Sabado.

Ayon kay Sally, hindi sila kumbinsido sa anggulong naglock ng banyo at nagbigti ang kanyang anak bagkus ay maaaring nanlaban ito matapos makita ang ilang kalmot sa braso ng boyfriend nitong si Julian Ongpin.

Bago anya matagpuang patay, pina-plano ni Bree na magsagawa ng art exhibit sa La Union sa Disyembre kaya’t wala silang nakikitang rason para ito magpatiwakal.

Matapos umuwi ng Pilipinas mula Canada, aminado naman si ginang Jonson na maaaring hindi siya agad makapunta sa burol ng kaisa-isang anak dahil sa mandatory quarantine.—sa panulat ni Drew Nacino

Sinagot na ng Philippine Red Cross ang issue kaugnay sa umano’y false positive COVID-19 test result na pinuna ni Pangulong Rodrigo Duterte.

Ayon sa red cross, kinuha ang samples sa Unihealth-Baypointe hospital and Medical Center sa Subic Bay Freeport Zone ng kanilang mga personnel at isinailalim sa test sa molecular laboratory ng PRC sa subic.

Sa 48 samples, 45 rito ang positibo kaya’t nagkaroon ng re-run at manual process upang tanggalin ang posibleng maling resulta pero positibo pa rin ang kinalabasan.

Aminado ang PRC na posibleng nagkaroon ng malaking epekto sa kinalabasan ng resulta ang “timing” ng tests at wala namang siyento porsyentong test na accurate.

Nagmula ang negative result ng kinukwestyong tests sa mga specimen na kinolekta makalipas ang tatlong araw na maaaring isa sa mga dahilan ng negatibong resulta.

Maaari anilang negatibo talaga sa COVID-19 ang mga kliyente sa panahon na sumailalim sila sa ikalawang test. —sa panulat ni Drew Nacino

Isinailalim na sa special concern lockdown ang Villa Cristo Rey at Fininman building ng Christ the King Seminary sa New Manila, Quezon City.

Ito’y makaraang bawian ng buhay ang isang pari dahil sa COVID-19 habang 24 na indibidwal ang tinamaan ang nahawa.

Ayon sa Quezon City Epidemiology and Disease Surveillance Unit, siyam na pari at 11 staff ang nagpositibo sa COVID-19.

Habang 13 sa mga ito ang hindi pa gumagaling habang nito lamang sabado binawian ng buhay ang hindi pa pina-pangalanang pari.

Bukod sa Christ the King, naka-lockdown din ang iba pang religious facility sa lungsod na Stella Maris Convent, Religious of the Virgin Mary at Convent of the Holy Spirit.—sa panulat ni Drew Nacino