Niyanig ng magnitude 6.1 na lindol ang Chiba Prefecture sa Northwestern Japan.
Ayon sa Japan Meteorological Agency (JMA), may lalim ang lindol na 80 kilometers na naramdaman hanggang sa Tokyo.
Nangyari ang lindol pasado alas nuebe kagabi oras sa Pilipinas.
Dahil dito ay itinigil pansamantala ang operasyon ng tren at ilang kabahayan sa tokyo ang nawalan ng kuryente.
Wala namang inilabas na tsunami warning ang JMA matapos ang pagtama ng lindol.—sa panulat ni Hya Ludivico
Inihayag ng Metropolitan Waterworks and Sewerage System (MWSS) na walang magiging dagdag-singil sa tubig ang Maynilad at Manila Water hanggang sa katapusan ng 2022.
Ito’y dahil sa bagong kasunduan ng mga concessionaire sa pamahalaan kung saan ituturing nang public utility ang Maynilad at Manila Water.
Ibig sabihin nito, hanggang 12% lang ang puwede nilang taunang kita.
Bawal na ring ipasa sa mga konsyumer ang kanilang corporate income tax, foreign currency differential adjustment at limitado na lang din ang ipapasang inflation rate.
Maliban dito, hanggang 30 porsyento na lamang ang maaaring ipataw na dagdag-singil kada limang taon simula sa 2023.—sa panulat ni Hya Ludivico
Bumaba sa 253 ang bilang ng COVID-19 active cases sa hanay ng healthcare workers sa bansa.
Batay sa datos ng Department Of Health nitong Oktubre 5, sa nasabing bilang, 123 ang mild cases, 77 ang asymptomatic, 22 ang nasa moderate condition, 22 ang severe at 9 ang kritikal.
Sa ngayon, umabot na sa 25,824 ang kabuuang COVID-19 cases sa hanay ng medical professionals
Umakyat naman sa 25,466 ang bilang ng mga nakarekober sa COVID-19 habang nananatili naman sa 105 ang bilang ng mga nasawing health workers.—sa panulat ni Hya Ludivico
Halos 800,000 doses ng Pfizer COVID-19 vaccine ang dumating sa bansa kagabi.
Lumapag sa Ninoy Aquino International Airport ang 797,940 doses ng na naturang bakuna na ipapamahagi sa ilang piling mga siyudad at maging sa region 3, 4A, 6 at 10.
Ayon kay Vaccine Czar Secretary Carlito Galvez Jr., isa ito sa pinakamalaking shipment ng bakuna ngayong linggo.
Sinabi pa ni Galvez na mayroon pang darating na pfizer vaccines sa susunod na linggo.—sa panulat ni Hya Ludivico
Maglalaan ang pamahalaan ng isang milyong doses ng bakuna sa lalawigan ng Rizal sa ilalim ng “recalibrated-vaccination strategy.”
Ayon kay NTF Chief Implementer at Vaccine Czar Sec. Carlito Galvez Jr., sa naturang istratehiya, ang Metro Manila, Calabarzon at Central Luzon ay ituturing na isang vaccination cluster.
Layunin aniya nito na maging pantay ang antas ng pagbabakuna sa mga lalawigan.
Sinabi pa ni Galvez na pinaghahanda na rin ang Rizal para sa pagbabakuna sa mga menor de edad.—sa panulat ni Hya Ludivico
Niyanig ng magnitude 5.2 na lindol ang Calatagan, Batangas kaninang 2:14 ng madaling araw.
Ayon sa (PHIVOLCS), tectonic ang origin ng lindol na may lalim na 131 kilometro.
Natunton ang epicenter ng lindol sa layong 19 kilometro hilagang kanlurang bahagi ng Calatagan.
Naitala ang intensity 2 sa Calapan City at Puerto Galera, Oriental Mindoro; Olongapo City; at Makati City.
Naramdaman naman ang intensity I sa Marikina City; Plaridel, Bulacan; Batangas City, Calatagan, Batangas; at Tagaytay City, Cavite.
Wala namang inaasahan na napinsala ang lindol at walang inaasahan na mga aftershock.—sa panulat ni Hya Ludivico
Kinumpirma ni Cadiz City Mayor Salvador Escalante Jr., na nagpositibo siya sa COVID-19.
Sa isang social media post, inihayag ni Escalante na natanggap niya ang resulta ng kanyang COVID test noong Miyerkules.
Aniya, posibleng nakuha niya ang sakit dahil sa uri ng kanyang trabaho sa kabila ng pag-iingat at pagsunod sa health and safety protocols.
Nananatili ngayon sa ospital ang alkalde at sinabing muli siyang babalik sa serbisyo sa oras na siya’y makarekober.
Si Escalante ang ika-apat na alkalde sa Negros Occidental na tinamaan ng COVID-19.—sa panulat ni Hya Ludivico
Nakatakdang maglabas ng panuntunan ang Department of Health (DOH) kaugnay sa paggamit ng self-administered o home test kits.
Paliwanag ni Health Undersecretary Maria Rosario Vergeire, anumang diagnostic commodity gaya ng home antigen test kits ay kailangang mabigyan ng clearance o regulatory clearance ng Food and Drug Administration (FDA) upang masiguro na ito ay ligtas at dekalidad.
Giit ni Vergeire, kailangang masunod ang mga pamantayan kung paano gamitin ang naturang test kits upang makakuha din ng tamang resulta.
Sa pamamagitan aniya ng ilalabas na guidelines ay mare-regulate pa rin ang paggamit ng self-administered o home test kits.—sa panulat ni Hya Ludivico
Nakatakdang maglabas ng panuntunan ang Department of Health (DOH) kaugnay sa paggamit ng self-administered o home test kits.
Paliwanag ni Health Undersecretary Maria Rosario Vergeire, anumang diagnostic commodity gaya ng home antigen test kits ay kailangang mabigyan ng clearance o regulatory clearance ng Food and Drug Administration (FDA) upang masiguro na ito ay ligtas at dekalidad.
Giit ni Vergeire, kailangang masunod ang mga pamantayan kung paano gamitin ang naturang test kits upang makakuha din ng tamang resulta.
Sa pamamagitan aniya ng ilalabas na guidelines ay mare-regulate pa rin ang paggamit ng self-administered o home test kits.—sa panulat ni Hya Ludivico
Pormal na ring naghain ng kanyang Certificate of Candidacy (COC) nitong Huwebes ang brodkaster at dating alkalde ng Cainta, Rizal na si Mon Ilagan na kakandidato bilang bise-alkalde ng bayan.
Bago ang kanyang paghahain ay nagtungo muna si Ilagan sa Our Lady of Light Parish upang magdasal.
Ang dating alkalde ng Cainta ay tatakbo sa ilalim ng partido ni senador Manny Pacquiao.
Walang ka-tandem sa pagka-alkalde na kasama si Ilagan, ngunit sinabi nito na bukas siya para makipag-alyansa sa ibang grupo at partido upang magkaroon ng “United Opposition” sa bayan.—sa panulat ni Hya Ludivico