HEADLINES

Inatasan ni Philippine National Police Chief PGen. Guillermo Eleazar sa mga police commanders na makipag-ugnayan na sa kani-kanilang mga Local Government Unit (LGU) ang pag-secure ng mga sementeryo para sa darating na undas.

Ito ay makaraang ipasara ang mga sementeryo sa undas kung saan inaasahan na nila ang pagdagsa ng mga sa mga libingan para dumalaw sa kanilang mga namayapang mahal sa buhay.

Matatandaang isinara rin noong nakarang undas ang mga sementeryo dahil sa pandemya.

Inutos ni Eleazar ang maagang pagtatayo ng mga police assistance desks sa mga libingan para umalalay sa mga mamamayan at limitahan ang mga bilang ng mga tao sa sementeryo.

Nagpaalala rin si Eleazar sa kapulisan na dapat  masiguro nilang nasusunod ang mga ipinatutupad na health protocols para hindi maging super-spreader event ang pag-obserba sa undas.

Nagbibiro lang ang Pangulong Rodrigo Duterte sa pahayag nitong tuturukan ng COVID-19 vaccine habang natutulog ang mga ayaw magpabakuna.

Ayon ito kay Presidential Spokesman Harry Roque dahil gusto ng Pangulo na mapatawa ang sarili nito habang nagsasagawa ng talk to the people.

Tinatayang 23 milyon Pinoy ang fully vaccinated na kontra COVID-19.

Binigyang diin ng kampo ni Presidential Aspirant Manila Mayor Isko Moreno na mayroong namumuong bangayan sa loob ng kanilang grupo.

Ito’y matapos umalis sa kanilang partido ang isang opiyal at isang kandidato.

Kinumpirma ng Chief of Staff ni Moreno na bumitiw na si Cesar Chavez kung saan sinabi nito na nag-resign siya dahil sa kanyang kalusugan at magbabalik na lamang bilang Vice President ng Manila Broadcasting Company (MBC).

Habang umatras din ang broadcaster at dating vice president Noli De Castro bilang parte ng senate slate ng aksyon demokratiko.

Ayon kay De Castro, napagtanto niya umano na mas makatutulong siya sa kung magiging parte na lamang ito ng media kaysa sa pagiging senador.

Samantala, sinabi ni Aksyon Demokratiko Chairman Ernest Ramel na hindi dapat magpaniwala sa mga espekulasyon dahil maaari itong gamitin ng kanilang mga katunggali laban sa kanila.

Tinawag na premature ng Malakaniyang ang mga pahayag na inaabuso ang probisyon ng substitution sa Omnibus Election Code.

Ito ayon kay Presidential Spokesman Harry Roque ay dahil wala pa namang napalitan o nagpa-substitute sa mga kandidatong naghain ng COC para sa 2022 national elections.

Una nang inihayag ng ilang mambabatas na naaabuso ang substitution provision sa konstitusyon kaya’t kailangan na itong repasuhin.

Binalaan ng COMELEC ang mga kandidato sa pagtanggap ng campaign funds mula sa ibang bansa.

Ipinaalala ni COMELEC Commissioner Rowena Guanzon ang mahigpit na pagbabawal sa mga kontribusyon mula sa mga dayuhan at foreign corporations at kung susuway ay maaari nilang i-disqualify ang isang kandidato.

Sa gitna na rin ito nang inilunsad na crowd funding page para kay Vice President Leni Robredo.

Tanging point to point travel ang uubra para sa mga menor de edad sa ilalim ng alert level 3 sa Metro Manila mula Oktubre 16 hanggang 31.

Nilinaw ito ni DILG Spokesman Undersecretary Jonathan Malaya na nagsabi ring bawal pa rin ang mga bata sa mga pampublikong lugar lalo’t sarado pa rin sa ilalim ng alert level 3 ang mga playground at park.

Sinabi ni Malaya na maaari lamang lumabas ang mga bata kahit mga senior citizens kung essential services.

Sa ilalim lamang ng alert level 2 sa kaniyang pagkakaalam , pupuwedeng makalabas talaga ang mga bata sa gitna ng COVID-19 pandemic.