HEADLINES

Nakatakda pang palawakin ng gobyerno ang pagbabakuna sa mga menor de edad sa iba pang mga ospital sa NCR.

Sa ngayon ay limitado lamang sa walong ospital sa rehiyon ang pagbabakuna sa mga batang may comorbidities.

Sinabi naman ni NTF Chief Implementer Secretary Carlito Galvez Jr., na sa Oktubrer 22 na sisimulan ang pagpapalawak ng pilot run ng bakunahan sa 17 LGUs sa NCR.

Tiniyak naman ni Galvez na ligtas, at mahigpit na tututukan ang pediatric vaccination sa iba pang mga lugar.—sa panulat ni Hyacinth Ludivico

Maglalabas ng guidelines ang NCR Mayors ngayong araw hinggil sa paglabas ng mga bata sa ilalim ng alert level 3.

Ayon kay Metropolitan Manila Development Authority Chairman Benhur Abalos, ang mga batang edad 17 pababa ay papayagang lumabas ng bahay para mag-ehersisyo, bumili ng essential goods at services, gayundin ang intrazonal at interzonal travel.

Ang IATF ang maglalabas ng general guidelines ngunit maaaring magtakda ang mga lgu ng mga limitasyon.

Una rito, sinabi ni San Juan City Mayor Francis Zamora na  hindi muna papayagang mag-dine in ang mga menor de edad.

Ang NCR ay isinailalim sa alert level 3 hanggang sa katapusan ng buwan ng Oktubre.—sa panulat ni Hyacinth Ludivico

Sumampa na sa 23 ang patay dahil sa bagyong Maring.

Ayon sa NDRRMC, 40 ang sinasabing nasawi sa landslides at flashfloods sa Northern Luzon  at Visayas subalit labing pito rito ay vina validate pa.

Ang mga nasawi ay mula sa Ilocos Sur, Pangasinan, La Union, Ilocos Norte, Cagayan, Palawan at Benguet.

Nasa mahigit P-2 bilyong ang danyos ng bagyong Maring sa agrikultura samantalang ang nasirang imprastruktura ay nagkakahalaga ng P1.056 bilyon.—sa panulat ni Hyacinth Ludivico

Pinasinayaan ang bagong tayong Philippine Fleet Isolation Facility na nasa headquarters ng Philippine Fleet, Naval Bas Heracleo Alano sa Cavite City.

Ang nasabing isolation facility na binubuo ng 25, 20 footer container vans at itinayo sa 360 square meter compound na tila farmville sa halagang P13-M.

Ipinabatid ni Philippine Fleet Spokesperson Lt. Commander Ryan Luna na ang naturang isolation facility ay fully equipped at air conditioned container vans na makaka accommodate ng 46 na pasyente.

Humingi ng pasensya ang kampo ni Vice President Leni Robredo kaugnay sa huling spot para sa senatorial line up nito.

Kasunod na rin ito nang paglalantad ni Robredo ng 11 kandidatong isasabak sa pagka-senador.

Sinabi ni Atty. Barry Gutierrez, spokesman ni Robredo na sumasailalim pa sa proseso ang pagpili nila sa huling Senatorial candidate ng Robredo-Kiko team.

Hindi makatao at labag sa batas ang sinasabing pagpapatupad ng ilang employers ng “no vaccine, no salary” scheme sa kanilang kompanya.

Ito ang binigyang diin ng Trade Union Congress of the Philippines o TUCP kasabay ng panawagan sa Department of Labor and Employment (DOLE) na aksiyunan ang nasabing usapin.

Sa isang pahayag, sinabi ng grupo na nakatanggap sila ng ulat na iniipit ng ilang employers ang sahod ng mga hindi bakunadong empleyado at hindi ito ibinibigay hangga’t hindi nakapagpapakita ng vaccination cards.

Dahil dito, hinikayat ng TUCP ang DOLE na magsagawa ng inspeksiyon sa mga kompanya upang matiyak na natatanggap ng mga hindi bakunadong manggagawa ang kanilang sahod.

Sumampa na sa 40,191 ang bilang ng mga gumaling sa COVID-19 sa hanay ng Philippine National Police (PNP).

Ito ay makaraang makapagtala ang PNP Health Service ng 54 na bagong recoveries.

Nagkaroon naman ng 66 na bagong kaso kaya’t sumirit na sa 41,266 ang bilang ng impeksiyon sa PNP.

Sa kasaluyan, nasa 953 ang active cases habang umakyat naman sa 122 ang bilang ng mga nasawi.

Nasakote ng militar at pulisya ang isang umano’y  miyembro ng Abu Sayyaf Group (ASG) na hinihinalang sangkot sa Samal Island kidnapping at pagpatay sa dalawang bihag sa Zamboanga City.

Kinilala ang suspek na si Adzrimar Sali Ammat, kilala sa mga alyas na “Adz”, “Abu Omar” at “Guru Adin”, at tubong Tabu Batu, Maimbung, Sulu.

Nabatid na nahuli si Ammat ng mga pulis at sundalo sa Campo Islam sa nasabing lungsod.

Si Ammat ay sinasabing may nakabinbin na mga kasong kidnapping with homicide sa isang korte sa Panabo City, Davao del Sur at isa pang kaso ng kidnapping with ransom sa Bongao, Tawi-Tawi.

Sumampa na sa 23 ang patay dahil sa bagyong Maring.

Ayon sa NDRRMC , 40 ang sinasabing nasawi sa landslides at flash floods sa Northern Luzon  at Visayas subalit 17 rito ay vina-validate pa.

Ang mga nasawi ay mula sa Ilocos Sur, Pangasinan, La Union, Ilocos Norte, Cagayan, Palawan at Benguet.

Nasa mahigit P2 bilyon ang danyos ng bagyong Maring sa agrikultura samantalang ang nasirang imprastruktura ay nagkakahalaga ng P1.056 bilyon.

Naibalik na rin ang supply ng kuryente sa 117 mula sa 137 na lungsod at munisipalidad na nakaranas ng brownout dahil sa hagupit ng bagyong Maring.