FEATURES

Suplay ng tubig nakakaabot na sa mga matataas na lugar ng QC sa tulong ng Integrated distribution network solutions.

Sa paghahatid ng tubig sa mga nasasakupan ng Manila water lalo na sa mga matataas na lugar ay nananatiling isang malaking hamon para kumpanya lalo na sa Lungsod ng Quezon. Ang topography ng Lungsod ng Quezon ay masasabing rolling terrain kaya ang suplay ng tubig ay nananatiling hindi tuloy-tuloy maski na sa ground floor level. Ang mga sumusunod na mga barangay ay nakakaranas lamang ng suplay ng tubig ng mahigit kumulang na walang oras kada araw: Pasong Tamo, Pingkian, Teacher’s Village, Matandang Balara, Pinyahan at Central.

Mula noong  nagka-problema sa suplay ng tubig noong buwan ng Marso, ang East Zone concessionaire na Manila Water ay nag-impleneta na ng ilang mga teknikal na solusyon upang matugunan ang paghahatid ng tubig sa mga kostomer nito. Kung may tubig na ang mga kabahayan sa mga mas mabababang lugar, ang pagtulak ng tubig sa mga matataas at malalayong lugar at nananatiling malaking hamon. Isang integrated distribution network ang kailangan upang maihatid ng patas ang suplay ng tubig para sa mga kostomer.

Sa mga matataas na lugar o rolling terrains, naglagay ang Manila water ng mga line boosters at pumps upang maipahatid nito ang suplay ng tubig sa mga lugar kung saan ito kailangan na kailangan. Sa Lungsod ng Quezon, mahigit sampung line boosters na and nailagay ng Manila Water kasabay ng looping at installation ng mga karagdagang linya ng tubig para mas maihatid ang tubig lalo na sa mga lugar ng Teacher’s Village, Pinyahan at Central.

Kinakailnagan ding regular na gawin ang throttling ng mga balbula at bantayan mabuti ang mga adjustments para masiguradong makakarating ang tubig sa lahat ng kostomer ng Manila Water lalong lalo na sa mga matataas na lugar ng mga nasabing mga barangay.

Isa sa mga malaking intervention ay ang palaging pag-refill ng 20 million liters ng Luzon Reservoir na nagbibigay ng tubig sa mga matataas na lugar sa Lungsod ng Quezon kasama ang mga sumusunod na mga barangay: Matandang Balara, Pingkian and Pasong Tamo. May kaakibat na isang line booster sa reservoir na ito kung saan tumutulong mapunuan nito ang nasabing pasilidad. Ang kombinasyon nitong mga teknikal na solusyon ay ang sanhi kung bakit mas nagkakatubig na ng mahabang oras.

Mula Mayo 23, 99% na ng mga kostomer ng Manila Water ang nakakaranas na ng tubig ng mahigit kumulang 8 oras kada araw na suplay ng tubig sa ground floor level na may regulatory standard na 7 psi (pounds per square inch). Nagawa ring mabawasan ng Manila Water ang pagkukulang sa suplay ng tubig sa konsesyonaryo nito mula 150 million liters per day (MLD) na ngayo’y 43 MLD na lamang. Ito ay resulta ng supply augmentation programs kung saan 50 to 56 MLD ay nagmumula sa Cardona Water Treatment Plant sa Rizal, 32-34 MLD mula sa mga muling pinagana at inayos na mga deepwells at 20 MLD mula sa cross border flows.

Nagsagawa ang Manila Water ng ilang ‘technical solutions’ upang mapaabot ang tubig sa matataas na lugar pati na rin doon sa mga komunidad na malayo sa mga pasilidad. Nasa kaliwang larawan ang Luzon Reservoir na mayroon kapasidad na 20 million liters (ML), na kasalukuyan nang nagseserbisyo sa ilang bahagi ng Matandang Balara, Pasong Tamo, and Tandang Sora. Makikita naman sa kanang larawan ang ‘line booster’ na inilagay sa National Kidney Transplant Institute (NKTI) upang mapalakas ang pressure ng tubig sa loob ng ospital para sa mas maaasahang suplay ng tubig.

Nakapaglatag na ang Manila Water ng 300 mm na pipeline sa kahabaan ng Tandang Sora Avenue sa Quezon City.

Nagbigay-daan ito upang maibahagi ang hanggang 2.5 million liter per day (MLD) na tubig mula sa West Zone concession area ng Maynilad papuntang East Zone ng Manila Water.

Ito’y sa pamamagitan ng “cross-border sharing”.

Nangako ang Maynilad na magbabahagi ito ng hanggang 50 million liters per day (MLD) upang makatulong sa nararanasang kakulangan ng tubig sa East Zone.

Sa ngayon, nakapagbibigay na ang Maynilad ng hanggang 18 MLD ng tubig sa pagbubukas ng balbula sa iba’t ibang lokasyon sa Quezon City.

Kabilang dito ang kanto ng West Avenue at Bulacan Street, sa Greenville Subdivision, sa Carmel 5 Subdivision sa Sauyo, sa kahabaan ng E. Rodriguez Sr. Avenue, at sa kahabaan ng Aurora Boulevard.

Ang natitira pang 32 ng tubig ay ibabahagi sa pagdadagdag ng kapasidad ng mga naturang linya kasama ang karagdagang dalawang (2 linya sa mga natukoy nang iba pang lokasyon sa Taguig City.

Nagsagawa rin ang Manila Water ng inspeksyon kasama ang mga kinauukulang ahensya ng gobyerno

Ito ay upang matukoy ang angkop na paraan ng konstruksyon sa mga lokasyon ng “cross-border sharing”.

Ang unang tinatayang iskedyul ng pagtatapos ng proyektong ito ay sa Hunyo ng taong kasalukuyan, ngunit isinusulong ng dalawang kumpanya na matapos ang mga kontruksyong ito sa loob ng buwan ng Mayo, kung kalian inaasahan ding magsimula ang “energization” ng panibagong water treatment plant ng Maynilad.

Kasalukuyan pa ring nasa 99% ng mga customer ng Manila Water ang nakatatanggap na ng mula 8 oras o higit pa na suplay ng tubig na aabot hanggang unang palapag lamang. Kahit nakapagbibigay na ang Cardona Water Treatment Plant sa Rizal ng karagdagang 50 hanggang 56 MLD, nasa 43 MLD pa rin ng kakulangan ng suplay o ‘supply deficit’ ng tubig. Makakamit lamang ang 24-oras na serbisyo kung makakakuha pa ng karagdagang 50 MLD mula sa mga deepwells bukod pa sa 50 MLD mula sa mga cross border flows, upang maihatid ng Manila Water ang ‘service obligation’ na 24/7 suplay ng tubig sa lahat ng customer sa ‘regulatory standard’ na 7 psi (pound per square inch) na ‘pressure’ na aabot lamang sa unang palapag, sang-ayon sa Concession Agreement nito sa gobyerno.

Mas mababa pa rin sa critical level ang tubig sa  Angat Dam at La Mesa Dam kumpara sa kanilang minimum operating level.

Base sa datus ng dalawang nabanggit na dam, hindi pa rin tumataas ang level ng kanilang at bagkus ay patuloy pa rin itong bumababa, sa kabila ng mga naranasang pag ulan sa nakalipas na mga araw.

Kinakailangan pa rin umano ng mga ito ng maraming pagbuhos ng ulan upang maibalik sa normal ang water level ng kanilang dam.

Matatandaan na dahil sa kakulangan ng  supply ng tubig nagkaroon ng krisis sa Manila Water noong buwan ng Marso.

Kasabay ng paglobo ng populasyon, tumataas Rin ang demand ng mga gumagamit ng tubig na dahilan ng water shortage.

Malinaw umano ito na kailangan nang makabuo ng medium at long term water solution para upang magkaroon ng sapat na tubig ang ngat at la mesa dam upang hindi na muling danasin ang water shortage

Gayunman darating pa sa loob ng 2 hanggang 3 taon kaya’t kailangan talaga ang iba pang pansamantalang mapagkukunan ng tubig.

Nabatid na simula pa noong 1997 hanggang ngayon, aabot lamang sa 1.6 billion liters of water per day ang natatanggap ng  manila water mula sa angat dam na hindi talaga anila sasapat para suplayan ng 24 hours ang kanilang mga consumer.

Gayundin sa maynilad na halos 22 years nang hindi nadadagdagan ang alokasyon ng tubig na nakukuha nito mula sa angat dam na nasa 2.4 billion liters per day lamang.

Magugunitang maraming lugar ang nawalan ng tubig noong nakalipas na Marso dahil sa pagkawala ng tubig na pinipilit naming gawan ng paraan ng Manila Water upang masuplyan ng tubig ang kanilang mga siniserbsyuhan.

Ayon sa report, mahigit 98% na ngayon ang may access ng tubig mula sa manila water, ngunit hanggang sa ground floor pa lamang dahil sa kulang parin ang kanilang water supply at wala parin umano ang mga medium-term sources.

Magsisilbi naman itong paalala sa mga naninirahan sa condo o medium-rise buildings o mga naninirahan sa second foor o higit pa na mga bahay, na dapat may mga tanke o imbakan sila ng tubig na tulad ng elevated water tanks na dati nang ginagawa sa mga subdivisions.

Base pa sa mga lumabas na ulat, sa kasalukuyan raw, kahit papano’y nakakakuha ng dagdag na 50-56 million liters per day(MLD) na suplay ng tubig ang manila water sa kanilang Cardona Water Treatment Plant sa Rizal, kasama na dito ang mga deepwells na binubuhay na rin, na ngayoy nakapagbigay na ng halos 32-36 MLD.

Samantala, nakakuha naman ang naturang water concessionaire ng higit sa 18mld na tubig mula sa 50mld na ipinaangakong tulong ng maynilad, kung saan inaasahang ibibigay na sa mga darating na araw ng maynilad ang balanse nito upang tuluyang makapagbigay ng ayuda sa Manila Water.

Nananatili naman daw na nasa delikado ang sitwasyon sa tubig hangga’t walang pangmatagalang supply.

Sa ngayon, hindi pa umano makakaasa ang lahat ng mga consumer ng 24/7 na serbisyo bagama’t ang iba ay mayroon na lalo na yaong mga nasa mababa at malapit sa mga reservoirs o imbakan ng tubig. Sa ngayon kahit hindi umano 24/7 ang ibang mga customers ng Manila Water , ang mahalaga ay may suplay na ng tubig, at maari nang mag-ipon, di tulad noon na ilang araw na sunod-sunod na walang pumapatak sa gripo.

Ngayon marami na rin naman ang may tubig ng mula 8 to 20 hours. Medyo hirap man umano na makakuha ng suplay ang mga nasa matataas na lugar at mga nasa malalayo area ngunit ang importante, kahit papano ay nagkakatubig na, na mula 8 hanggang 20 hours kahit sa ground floor na siya naming pamantayan ng Regulatory Office

Una nang sinabi ng mga water concessionaires na asahan pa rin ang mga interruptions dahil sa mga ginagawa nilang regular maintenance sa mga nasirang tubo.

Patuloy namang pinapayuhan ang lahat na matutong magtipid ng tubig lalo’t naranasan na ng bawat isa ang hirap ng walang water supply.

Sa ikalawang sunod na taon ay itinanghal na Best Filipino Newspaper ang Pilipino Mirror sa ginanap na 17th Gawad TANGLAW noong ika-8 ng Mayo 2019 sa Museo ng Muntinlupa. Pinangunahan nina Pilipino Mirror Editor in Chief Rey Briones (pangalawa mula sa kaliwa) at General Manager Jocelyn Siddayao (pangalawa mula sa kanan) ang pagtanggap mula kay Dr. Ellen E. Presnedi (gitna), Pangulo ng Pamantasan ng Lungsod ng Muntinlupa, ng parangal na iginawad din sa Pilipino Mirror noong nakaraang taon. Kasama sa larawan sina Pilipino Mirror Advertising and Sales Manager Cris Galit at Nora Bonogan. Kuha ni RUDY ESPERAS

Photo Courtesy: Business Mirror

Nagsanib-puwersa na ang Aliw Media Group sa pakikipagtulungan ng Commission on Elections (Comelec).

Ito ay para sa malawak na media coverage ng midterm elections sa darating na Mayo, na “Hatol ni Juan” 2019.

Pinangunahan ng Aliw Media Group President at CEO D. Edgard A.Cabangon ang paglagda sa memorandum of agreement kasama si Comelec Spokesman James Jimenez.

Sumaksi rin sa nasabing MOA signing sina dating Press Usec. Robert Rivera, Project Manager ng Hatol ni Juan, Aliw Broadcasting EVP Ely Aligora, at mga punong patnugot ng Pilipino Mirror, Business Mirror at mga himpilan ng RPN o Radio Philippines Network.

Magkakaroon din ng pakikibahagi ang taong bayan sa bawat tanong na ilalabas kaugnay ng eleksyon na ilalathala at isasahimpapawid ng Aliw Media Group.

By Edwin Eusebio

Isang fund raising dinner concert ang magsisilbing kick off para sa yearlong celebration ng ika-apatnapung anibersaryo ng Catholic Mass Media Awards (CMMA).

Ang dinner concert ay may titulong Dinner with the Cardinal: Sharing a Moment of Grace at gaganapin mamayang alas-6:00 ng gabi sa Citystate Tower Hotel sa Mabini Street, Ermita Manila.

Pangungunahan mismo ni CMMA Honorary Chairman Luis Antonio Cardinal Tagle at CMMA Board of Trustees Chairman D. Edgard Cabangon ang pagsalubong sa mga bisita.

Mapapanood sa concert ang premiere soprano ng Pilipinas na si Rachelle Gerodias at kanyang asawang Koreano na si baritone Byeong-In Park.

Nakatakda ring mag-perform sa fund raising event ang One Voice Choir ng Sto. Niño de Paz Greenbelt Chapel sa Makati City at Light Side Movement Choir ng San Felipe Neri Parish sa Mandaluyong City.

—-

(Sa panulat ni Abigail Tan, DWIZ Correspondent)

Napaluha sa galak ang mga inmates  o PDL (Persons Deprived of Liberty) ng Antipolo City Jail nang binasa ng kanilang mga anak na naluluha din ang ginawang liham ng mga ito (anak) na naglalaman ng pasasalamat, pag-aalala at pagmamahal para sa kanilang mga nakakulong.

Ang okasyong ito ay pamaskong handog ng DWIZ 882 sa pamumuno ng kanilang News Director at Head ng Public Service na si Jun R. Del Rosario, kasama ang mga staff ng Public Service, Sales,  Marketing, HR, Traffic, Finance, 97.9 Home Radio at ng Antipolo City Jail na pinamumunuan naman ni J/Supt. Mirasol Vitor.

Nagkaroon ng mga palaro para sa mga PDL ka-partner ang kani-kanilang mga anak, may awitan, at may sayawan din na pinangunahan naman ng mga sundalo mula sa 11^th CMO Battalion ng Philippine Army.

Bahagi ng programa ang masayang pagtanggap ng mga anak ng PDL ng mga regalo at laruan mula sa donasyon ng PAGCOR, at ang ikalawang bahagi ay ang madamdaming pagtanggap ng mga PDL ng liham mula sa kanilang mga anak o pamangkin kasama ang regalong toiletries na donasyon naman ng SOGO Hotel at Taguig Lions Club International.

Walang pagsidlan ang kaligayahan ng mga PDL nang mayakap at makasalo nila ang mga anak at mga asawa sa pagkain, mga tinapay at juice na pahatid nina Ms. Mocha Uson,  ng  Gardenia, Tinapayan Festival, Pingping Lechon at ng Tang.

Layon ng nasabing proyekto na maipadama sa mga inmates na habang naghihintay sila ng desisyon sa kani-kanilang mga kaso sa loob ng rehas ay may mga tao pa rin na nagmamahal at nagpapahalaga sa kanila.

Ayon sa mga PDL, ang ilang oras na pagsasama-sama nila bilang pamilya ay siyang pinakamahalagang regalo na natanggap nila ngayong darating na kapaskuhan.

Dalawang bagong Filipinong salita ang nailagay sa Oxford English Dictionary nitong Oktubre.

Ito ay ang mga salitang ‘Bongga’ at ‘Trapo’.

Batay sa Oxford English Dictionary, ang salitang bongga ay may kahulugang extravagant, flamboyant, impressive, stylish o excellent.

Habang ang trapo na pinaikling salita para sa traditional politician ay may kahulugan namang “Politician perceived as belonging to a conventional and corrupt ruling class”.

Pasok rin sa Oxford English Dictionary ang ilang salitang may kaugnayan sa pagkain galing sa Pilipinas tulad ng bagoong, bihon, calamansi, carinderia, ensaYmada, palay, panciteria, sorbetes at turon.

Sa kasalukuyan, binubuo ang Oxford ng mahigit 600,000 mga salita.

Isa si Department of Education (DepEd) Secretary Leonor Briones sa ilang mga personalidad na binigyang pagkilala ng Fortune Life sa Ambassador Antonio L. Cabangon Chua Gintong Parangal para sa Edukasyon.

Kasabay din nito ang ika-pitong parangal para sa guro at ikalawang taon naman ng parangal para sa pamumuno na ginawa sa bulwagan ng karunungan sa punong tanggapan ng DepEd sa Pasig City.

Maliban kay Secretary Briones, binigyan din ng parangal si Ginoong D. Arnold Cabangon, pangulo ng Fortune Life Insurance Corporation, DepEd Usec. Lorna Dino at Ms. Erlinda Legaspi.

Gayundin ang mga guro na nagpakita ng katangi tanging pagganap sa kanilang tungkulin at naging huwaran sa kanilang mga mag aaral.

Dumalo sa nasabing pagtitipon ng mga opisyal at kawani ng DepEd, Fortune Life gayundin ang ALC group of companies at Aliw Broadcasting Corporation Chairman D. Edgard Cabangon.

(Ulat ni Jaymark Dagala)

TINGNAN: DepEd Sec. Briones, kabilang sa mga binigyang parangal sa Amb. Antonio Cabangon Chua Gintong Parangal para sa Edukasyon | via @jaymarkdagala pic.twitter.com/NX6izpOCu9

— DWIZ Newscenter (@dwiz882) September 12, 2018