FEATURES

May mga pagkain na posibleng makatulong sa pagiging malusog ng ating utak.

Ayon sa mga eksperto, kapag sapat sa bitamina at nutrisyon ang mga kinakain, mas magiging matalas ang pag-iisip at memorya kumpara sa mga taong hindi kumakain nito.

Kabilang sa nasabing pagkain na tutulong sa pagiging healthy ng utak ay ang nilagang Mani, Kasoy at Walnuts na may taglay na Vitamin E at good fats.

Gayundin ang matatabang isda o oily fish tulad ng tuna, tilapia, salmon, sardinas at taba ng bangus na may Omega-3 fatty acids na nagpapaganda ng daloy ng dugo.

Kasama rin dito ang itlog na mataas sa Choline, isang kemikal na kailangan sa pag-develop ng utak at memorya, kape upang maiwasan ang Alzheimer’s disease.

Bukod sa mga pagkaing ito dapat ring magkaroon ng healthy lifestyle tulad ng pagtulog sa tamang oras, pag-iwas sa alak at paninigarilyo. —mula sa panulat ni Airiam Sancho

Suportado ng Globe ang tatlong araw na National Vaccination Drive simula sa Lunes, November 29 sa pamamagitan ito nang pagpapalaganap ng kamalayan sa mga benepisyo ng pagpapa bakuna at pagpigil sa pagkalat ng fake news.

Tiwala ang Globe na maaabot ang target na siyam na milyong pilipinong mababakunahan pa sa tatlong araw na bakunahan para mailapit sa 50% mula sa tinatarget na 70% ng kabuuang populasyon.

Binigyang diin ni Yoly Crisanto, Globe Chief Sustainability Officer and SVP for Corporate Communications na nais nilang ipaabot sa publiko na ang pagbabakuna ay science based at may basbas ng medical experts sa buong mundo samantalang pinaniniwalaang susi ito sa mas ligtas na pasko at sa pagbangon ng bansa mula sa pandemya.

Una nang inilunsad ng Globe ang panatang pangkaligtasan video noong nakaraang November 24, na sinundan ng #bakunanow tiktok hashtag challenge mula November 27 hanggang 29 kung saan  maaaring lumahok ang mga netizen sa hashtag challenge sa pagbisita sa https://vt.tiktok.com/zseshhxgr/.

Ang panatang pangkaligtasan ay isang modern day oath, na nagtatampok sa Bayanihan spirit at bilang isang masigasig na tagapagtaguyod laban sa fake news, ginagamit ng Globe ang panatang pangkaligtasan video nito upang mahikayat ang bawat isa na magpabakuna at beripikahin ang mga balitang may kaugnayan sa bakuna upang mapawi ang kanilang pangamba.

Sumusuporta rin ang public figures at social media personalities sa kampanya na kinabibilangan nina actress-comedienne Kiray Celis at Cai Cortez, MYX VJ at star magic host Ai Dela Cruz, at viral tiktok star Dr. Kilimanguru. Sasamahan sila nina professional volleyball player Aby Maraño, actor Fifth Solomon, social media Star Adrian Insigne, blogger Mommy Badet Siazon, at actor-recording artist Reb Atadero.

Una nang nakibahagi ang Globe sa ingat angat bakuna lahat coalition ng pribadong sektor kung saan naglabas ito ng dalawang myth busters videos na direktang tumutugon sa ilang maling paniniwala sa COVID vaccination kaya’t isinusulong ng globe ang responsableng digital citizenship sa pamamagitan ng pag-unawa at masusing pagproseso ng content na nakikita online.

Inihayag ng mga eksperto na ang paninigarilyo ang pinakamasamang bisyo para sa kalusugan ng isang tao.

Ayon sa mga eksperto, sa usok palang ng sigarilyo ay sinisira na nito ang ating mga ugat at nagpapasikip sa mga ugat ng ating mga puso dahilan para baguhin nito ang ating maayos na paghinga.

Tumataas din ang ating presyon at maaapektuhan nito ang mga ugat sa ibat-ibang bahagi ng ating mga katawan tulad ng utak, baga, bato o kidney maging ang pulso.

Ang sigarilyo ay nagtataglay ng mataas na lebel ng nicotine na isang kemikal na may nakakaengganyong epekto sa ating mga utak dahilan kaya nahihirapan ang isang tao na ihinto ito.

Marami namang makukuhang benepisyo kung ito ay ating ihihinto, isa na dito ang mahabang buhay dahil gaganda ang ating kalusugan at maiiwasan din nito ang ibat-ibang klase ng sakit sa ating katawan.

Makakatipid kadin ito sa gastos at lalakas ang ating puso, utak at bato dahil magiging maganda na ang daloy ng ating mga dugo. —sa panulat ni Angelica Doctolero

Marami ngayon ang hirap makatulog sa gabi lalo na ang mga may trabaho kung saan, hirap silang makapag-adjust sa kanilang oras para makapagpahinga.

Problema kasi ng karamihan sa atin ang pagkakaroon ng maayos na pagtulog na nagiging dahilan ng pagbagsak ng ating mga katawan.

Dahil diyan, mayroon nang mabisang solusyon upang tayo ay makatulog ng mahimbing.

Kabilang na dito ang pagkain ng banana, sweet potato, cereals, warm milk at camomile tea na mayaman sa potassium, fiber, melatonin, vitamin c, e, b6, folate, at carbohydrates na nakakatulong upang maalis ang ating stress, makapag relax at maging kalmado ang ating mga tiyan.

Iwasan naman ang pagkain ng mga meat sa gabi, pag inom ng alak, softdrinks, kape at energy drinks maging ang paghiga habang busog, spicy foods o anumang klase ng maa-anghang dahil sinisira nito ang ating maayos na pagtulog. —sa panulat ni Angelica Doctolero

Nakumpiska ng mga otoridad mula sa isang suspek ang nasa P1.3 milyong halaga ng shabu sa Makati City.

Kinilala ang suspek na si Ronilo Buhay Andaya alyas “Ronnie”, 53-anyos na nakuhanan ng 200 gramo ng shabu sa 6th Avenue, Barangay East Rembo sa nabanggit na lungsod.

Ayon sa mga tauhan ng Southern Police District, agad nilang naaresto ang suspek matapos magpanggap na poseur buyer ang isa nilang tauhan para bumili ng shabu na nagkakahalaga ng mahigit apatnapung libong piso na shabu.

Paglabag sa sections 5, 11 at 12 ng Republic Act No. 9165 o Comprehensive Dangerous Drugs Act of 2002 ang kasong kakaharapin ng suspek. —sa panulat ni Angelica Doctolero

Arestado ang 8 indibidwal sa ikinasang buy-bust operation ng mga otoridad sa magkakahiwalay na lugar sa Cavite.

Unang naaresto ang sinasabing miyembro ng vedallio drug group na si Patrick Gañac, 20-anyos matapos makorner ng mga pulis sa Naic, Cavite at nakuha ang a6 na pirasong pinatuyong dahon ng marijuana, fruiting tops at buy-bust money.

Sunod namang naaresto ang 7 pang indibidwal kung saan, tig dalawang suspek ang nahuli mula sa General Mariano Alvarez at Tagaytay City habang tig-isang suspek naman ang nahuli sa Rosario, Trece Martires City at Bacoor City.

Nahaharap ngayon sa kasong Republic Act 9165 o Comprehensive Dangerous Drugs Act of 2002 ang mga naarestong suspek. —sa panulat ni Angelica Doctolero

Malapit nang mag-plateau ang mga kaso ng Covid-19 sa NCR dahil sa inaasahang patuloy na pagbaba ng mga bagong kaso ng virus.

Ito ay makaraang makapagtala ng negative 7% na average growth rate ang rehiyon.

Ayon kay OCTA Research Fellow Dr. Guido David, mula November 11 hanggang 17 ay naitala ang average na 379 bagong kaso kada araw na mas mababa kumpara sa 407 average mula November 4 hanggang 10.

Maliban dito, bumaba na rin sa 0.5 ang reproduction number sa Metro Manila nitong November 14 habang ang positivity rate sa mga Covid-19 tests ay nasa 3% na lamang mula November 10 hanggang 16.

Kung magpapatuloy aniya ang pagbaba ng mga kaso ay malaki ang tiyansa na maabot ang target 7-day average na 200 new cases sa katapusan ng Nobyembre.

Sa kabila nito, patuloy na hinihikayat ni David ang publiko na sundin pa rin ang minimum public health standards. —sa panulat ni Hya Ludivico

Marami sa atin ang hindi gusto ang lasa ng bawang, pero para sa hindi pa nakakaalam, ang bawang ay isa sa pinaka mabisang remedy ng isang tao.

Maraming benepisyo ang kayang ibigay ng bawang kabilang na dito ang energy, carbohydrates, good fats, protein, vitamins katulad ng B1, B2, B3, B5, B6, B9, C at choline na tumutulong para maging maayos at maganda ang ating pangangatawan.

Bukod pa dito, mayaman din ito sa minerals katulad ng calcium, iron, magnesium, manganese, phosphorus, potassium, sodium at zinc na kailangan ng katawan ng isang tao.

Marami saatin ang hindi kayang kumain ng bawang dahil sa pangit na lasa at amoy nito, pero kung pakukuluan ito sa mainit na tubig upang gawing garlic water ay may mainam dahil sa medicinal magic na dala nito.

Kaya kasi nitong mapababa ang high blood pressure, blood glucose, cholesterol, mahusay sa ating mga puso, heart damage, lipid profile at dialyl trisulfide na nakakatulong para maprotektahan ang ating mga puso sa ibat-ibang klase ng sakit. —sa panulat ni Angelica Doctolero

Nareskyu ng mga tauhan ng National Bureau of Investigation ang 7 babae kabilang na ang 3 menor de edad matapos iblackmail ng isang lalaki sa Biñan, Laguna.

Ayon sa mga biktima, niyaya umano silang makipag inuman ng isang lalaki kapalit ng pera pero nagulat na lamang sila matapos silang ibugaw sa online.

Agad na nakatanggap ng report ang mga otoridad mula sa isang concerned citizen at agad na nagsagawa ng operasyon dahilan ng pagkakareskyu sa mga biktima.

Sa ngayon, tinutugis na ng NBI-Biñan ang suspek sa pambubugaw habang isasailalim naman sa rehabilitasyon at counseling ng DSWD ang mga menor de edad. —sa panulat ni Angelica Doctolero

Tinutugis na ng mga tauhan ng Caloocan at Quezon City Police Station ang suspek matapos pagnakawan ang tatlong simbahan sa Caloocan at Quezon City.

Ayon sa mga otoridad, sinisilip na o pinoprofile na ang suspek matapos makuha ang tracker sa lugar.

Sa pahayag ng pari, nagulat nalang sila na nawawala na ang mga ciborium at bell.

Sa ngayon, patuloy pang iniimbestigahan ng mga otoridad ang pangyayari. —sa panulat ni Angelica Doctolero