FEATURES

Inihayag ng mga eksperto na kabilang sa mga dahilan ng pagbara sa ugat ng mga tao ay ang pagkain ng fast-food, processed food at softdrinks.

Base sa naging pag-aaral ng Harvard Health Publishing Medical School, kabilang sa mga pagkaing makakatulong upang maalis ang bara sa ating mga ugat ay ang; mga prutas katulad ng dalandan, lemon, calamansi, mga berries, kamatis, carrots, at nilagang mani.

Mabuti din sa ating katawan ang olive oil, green and leafy vegetables gaya ng kangkong, talbos at ampalaya.

Mainam din ang pagkain ng fatty fish katulad ng salmon at bangus.

Bawasan naman ang mga pagkain ng kanin, margarine, bacon, ham at hotdog, paninigarilyo, pagpupuyat, at ugaliin ang pag-e-hersisyo upang maging maganda ang daloy ng dugo sa ating katawan at maiwasan din ang sakit sa puso, diabetes high cholesterol at pamamanas. —sa panulat ni Angelica Doctolero

Inaresto ng mga tauhan ng Pasig City Police Station ang 2 miyembro ng basag kotse gang matapos mangikil sa kanilang nabiktima sa Pasig City.

Kinilala ang mga suspek na sina, alyas Bert, 22-anyos, at alyas Jay, 41-anyos na parehong nahuli sa ikinasang entrapment operation.

Sa impormasyong nakuha ng mga otoridad, nanghingi ang dalawang suspek sa biktima ng cash para mabawi ang ninakaw na laptop at cellphone.

Nang makumpirma ng biktima ang pagkakakilanlan sa mga suspek ay agad itong inaresto ng mga pulis.

Nahaharap ngayon sa kasong robbery extortion ang mga suspek habang pinaghahanap pa ang isa pang suspek na sangkot sa pangingikil at sinasabing isang delivery rider. —sa panulat ni Angelica Doctolero

Patay ang 72-anyos na rider ng motorsiklo matapos mabangga ng sasakyan sa lungsod ng Makati.

Ayon sa imbestigasyon, binangga ng motorsiklo na minamaneho ng 22-anyos na si Oliver Corros ang sinasakyan ni Romeo Bautista.

Tumilapon sa kalsada ang dalawa kung saan nakabangon at sugatan si Corros habang nasawi ang senior citizen sa naturang insidente.

Tumanggi namang magbigay ng pahayag ang pamilya ni Bautista at nais na ituloy ang kasong reckless imprudence resulting in homicide and damage to property laban sa suspek na nakadetine sa Makati City Police Station.  —sa panulat ni Airiam Sancho

Muli na namang isinailalim sa balasahan ang ilang opisyal ng Philippine National Police (PNP) bunsod ng nakatakdang pagreretiro ni Police Regional Office 6 o Western Visayas Director, P/BGen. Rolando Miranda.

Batay sa dokumentong nakalap ng DWIZ Patrol, epektibo ang rigudon sa Miyerkules, Nobyembre 10 na inaprubahan ni PNP Chief P/Gen. Guillermo Eleazar na magreretiro na rin sa Nobyembre a-13.

Malilipat si Miranda sa Office of the Chief PNP habang ang papalit sa kaniya sa Western Visayas si P/BGen. Flynn Dongbo mula sa Integrity Monitoring and Enforcement Group (IMEG).

Papalit naman kay Dongbo si P/BGen. Oliver Enmodias na mula sa Criminal Investigation and Detection Group (CIDG) na papalitan naman ni P/Col. Leumar Abugan na nagmula naman sa PNP Maritime Group.

Itinalaga naman si P/Col. Genaro Sapiera ng PNP Drug Enforcement Group na pumalit kay Abugan sa PNP Maritime Group  habang papalit naman kay Sapiera sa PDEG si P/Col. Fernando Ortega na mula sa Directorate for Plans.

Nakatakdang magretiro si Miranda sa Nobyembre a-16 na kasabay ng kaniyang ika-56 na kaarawan at mandatory retirement age para sa mga nasa unipormadong hanay.

Maraming benepisyong makukuha ang isang tao sa pagkain ng luya na pinaniniwalaang nagmula sa Southeast Asia at isa sa pinaka healthy at pinaka masarap na pampalasa na ginagamit bilang pangsahog sa mga pagkain.

Ang luya ay isang “super food” na dati nang ginagamit bilang alternatibong paraan sa panggagamot na nakakatulong sa ating mga katawan lalo na sa mga sakit kabilang na ang diabetes, sore throat, dysmenorrhea, trangkaso, sipon at ubo.

Pampababa din ito ng cholesterol level, nakakababa ng timbang, blood insulin level, pampabawas ng osteo-arthritis, anti-cancer, morning sickness o pagkahilo at pampatalino.—sa panulat ni Angelica Doctolero

Tinutubuan ka ba ng warts? Narito ang ilang paraan kung paano tatanggalin ito.

Ayon sa American Academy of Dermatology (AAD), ang warts ay benign o hindi cancerous na tumutubo sa ibabaw ng balat na naaapektuhan ang skin ng virus na tinatawag na human papilloma virus.

Mas malala at papangit ang balat kapag hiniwa ang kulugo

Pero una sa lahat, kumunsulta muna sa doctor bago subukan ang ilang home remedies.

Una ay tea tree oil – paghaluin lamang ang tea tree oil at dalawang kutsarang mineral water, ipahid ito sa warts ng hanggang apat na beses kada-araw at ha­yaang matuyo, ang tea tree oil ay mayroong powerful antiseltic na nakapapatay ng bacteria;

Apple cider vinegar – ilubog ang bulak sa apple cider vinegar at ilapat sa warts, maglagay ng bandage para hindi ito maalis sa kinalalagyan, pagkatapos ng tatlong oras ay pwede na itong tanggalin. —sa panulat ni Drew Nacino

Ipinag-utos ng liderato ng Philippine National Police ang pagsibak sa isang pulis dahil sa pagkakasangkot sa pagdukot sa isang Chinese national.

Nahaharap sa patong-patong na kasong kriminal ang suspek na si Pat. Josen Nino Ramos ng PNP Drug Enforcement Group matapos itong masakote kasama ang umano’y mga kasabwat nito na sina Conrad Hiro Liwanag, Ryan Joshua Turla at Oliver Asentista.

Sinasabing nagbayad ng P3.5 million na ransom ang pamilya ng biktimang si Chen De Jia kapalit ng kanyang kalayaan.

Nakumpiska sa operasyon ang 2 baril, mga bala, ilang patalim, motorsiklo, kotse, plaka ng sasakyan, cellphones, at umano’y shabu na nagkakahalaga ng halos P1 milyon.

Tuloy ang dagsa sa iba’t-ibang transport terminal ng mga biyaherong mag-u-undas sa kanilang mga probinsya,  sa kabila ng pagsasara ng mga sementeryo hanggang November 2.

Kabilang sa dinumog ang mga bus station sa Metro Manila, tulad ng Parañaque Integrated Terminal Exchange, Ninoy Aquino International Airport, Manila North at South Harbor maging ang Batangas Port.

Sinamantala ng mga pasahero ang long weekend upang makauwi at kahit nadaragdagan ay hindi pa ito maikukumpara sa mga nakasanayan bago magpandemya.

Tinaya ng Department of Transportation sa 164,000 ang naitalang departure ngayong Oktubre 2021 kumpara sa halos 49,000 sa kaparehong panahon noong isang taon.

Sa PITX, nasa 50,000 ang dumagsa kumpara sa 75,000 bago magkaroon ng pandemya.

Inihayag naman ni Batangas Port Manager Joselito Sinocruz na nasa 2,000 kada araw ang umaalis sa pier pero mas marami ang dumarating na patungong Metro Manila na aabot sa 4,000 hanggang 5,000.  —sa panulat ni Drew Nacino

Ikinatuwa ng Bureau of Fisheries and Aquatic Resources (BFAR) ang pagtaas sa produksyon ng bangus sa bansa.

Batay sa inilabas na ulat ng Philippine Statistics Authority (PSA), mahigit 100,000 metric tons ng bangus ang na-produce sa pagtatapos ng buwan ng Hunyo 2021.

Ito ay mas mataas kumpara sa 170,755 metric tons nuong nakaraang taon.

Nangunguna ang Central Luzon sa may pinakamaraming na produce na bangus na may 55,740.14 metric tons habang kasunod nito ang Ilocos Region 47,552.54 metric tons at Western Visayas 44,687.32 metric tons sa bansa.

Habang dumami naman sa ikatlong bahagi ng  taong ito ang produksyon ng bangus fry kung saan pumalo na sa 1.8-B piraso ng semilya ang nalikom ng nasabing industriya sa pagtatapos ng Setyembre.

“Para sa mga korean food lovers diyan, lalo na sa mga mahilig kumain ng kimchi.”

Alam niyo ba na ang kimchi ay malaking tulong sa kalusugan ng isang tao?

Base sa pag-aaral ng mga eksperto, ang pagkain ng kimchi ay maihahalintulad sa pagkain ng yakult dahil nagtataglay din ito ng “good bacteria o excellent probiotic” na lumalaban sa mga bad bacteria sa loob ng ating mga tiyan.

Nakakatulong din ito sa ating healthy digestion maging sa mga nakakaranas ng ulcer, acid reflux, gerd o hyperacidity.

Bukod pa dito, solusyon din ito sa constipation, bloating, mga may acne, gout, eczema, mga may lagnat at pampababa din ito ng ating mga timbang.—sa panulat ni Angelica Doctolero