FEATURES

Para sa mga mahilig uminom ng softdrinks…

Alam niyo ba na ang madalas na pag-inom ng soda o softdrinks ay nakakasama sa kalusugan ng isang tao?

Ito ang kinumpirma ng mga public health expert kung saan, napag-alaman na ang softdrinks ay tinaguriang “dead water” dahil sa masamang epekto nito sa kalusugan na posibleng magresulta ng iba’t-ibang sakit.

Ang softdrinks kasi ay nagtataglay ng phosphoric acid na siyang pumapatay sa calcium, magnesium at mga nutrients na nakukuha ng tao sa mga masusustansyang pagkain na nakakatulong sa paglaban at pagpapalakas ng ating immune system.

Nabatid na ang iba’t-ibang klase ng softdrinks o matatamis na juices at iba pang refreshing drinks ay mayroong sugar component na kapag ikaw ay nasobrahan ay maaring magresulta sa diabetes.

Bukod pa dito, mataas din ang fructose corn syrup nito kaya nakakasira ito ng tissues sa ating katawan.

Posible ding maging obese at magkaroon ng cavities o pagkabulok ng ngipin na nagreresulta ng reproductive cancer.

Kaya’t hinay-hinay lang at huwag sanayin ang katawan sa pag-inom ng softdrinks lalo na sa mga taong hindi makakain kung hindi nakakainom nito.

Mainam parin ang pag-inom ng 8 hanggang 12 basong tubig kada araw para sa mas ligtas ang ating kalusugan. — Sa panulat ni Angelica Doctolero

Mas makakatipid na ang mga taong hirap makabili ng mamahaling gamot dahil sa nararanasang ubo, sipon at lagnat.

Madalas kasing nakakaranas ng ganitong sintomas ang isang indibidwal lalo na ngayong panahon ng pandemiya.

Ayon sa isang health expert, makakatulong bilang alternatibong paraan o alternatibong gamot ang pagkain ng prutas na mayaman sa vitamin c katulad ng orange, dalandan, pinya, lemon at calamansi.

Malaking tulong din ang palaging pag inom ng walo hanggang sampung basong tubig kada araw.

Dapat din na may sapat na pahinga o tulog ang isang indibidwal upang maiwasang magkasakit. – Sa panulat ni Angelica Doctolero

Mayroon nang solusyon ang mga taong nakakaranas ng sakit na diabetes.

Nabatid na aabot sa 7.1 percent ang bilang ng mga pilipinong edad dalawampu hanggang pitumpu ang nakakaranas ng sakit naturang sakit.

Ayon kay Doc Willie Ong, ang pag-inom ng white vinegar ay nakakatulong upang maging pantay ang timbang ng isang tao.

Nakakatulong din ito sa pagbalanse ng blood sugar at sa maayos na kundisyon ng ating mga puso.

Bukod pa dito, ang pag-inom ng one table spoon ng suka ay nakakatulong para mabawasan ang ating mga timbang at maiwasan ang sakit na diabetes. — Sa panulat ni Angelica Doctolero

Alam niyo ba nakakatulong ang honey o pulot sa katawan ng tao?

Ang honey o pulot-pukyutan ay maraming benepisyong pangkalusugan.

Ayon sa mga eksperto, mainam ang honey kung hindi dumaan sa init o ang tinatawag na raw honey.

Ito’y tumutulong para mapabilis na ma-absorb ng katawan ang calcium na nakukuha sa gatas at iba pang bitamina.

Nakakatulong din ito magpataas ng hemoglobin count at mabisang lunas upang maiwasan ang anemia.

Maaari ring ihalo ang honey sa apple cider na mabisang gamot sa arthritis.

Mabisang panlaban rin ito sa sipon at iba pang respiratory infections.

Paliwanag ng mga eksperto na maraming benepisyo ang honey sa ating katawan ngunit hindi ito alternatibong gamot sa anumang uri ng sakit.

Karamihan ngayon sa mga pilipino ang nakakaranas ng pagkastress dahil sa pang araw-araw na pamumuhay partikular sa mga edad labing pitong taong gulang pataas.

Karamihan sa nakakaranas ng stress ay nagkakaroon ng epekto sa kalusugan kabilang na dito ang pagkalagas ng buhok, pagkakaroon ng sakit sa puso, ulcer at pananakit ng katawan.

Huwag nang mag-alala dahil mayroon nang solusyon upang maiwasan ang pagkastress na nararanasan ng isang tao.

Narito ang ilang mga healthy tips:

• Mag stretch ng katawan mainam din ang pag-exercise at paglalakad.
• Kumausap ng positibong kaibigan.
• Huwag magpanic o mag-isip ng negatibong bagay
• Panatilihin ang pagrerelax sa sarili.
• Iwasan ang sigarilyo, alak at iba pang bisyo.
• Makinig ng music at magpahinga.
• Kumain din ng sapat na pagkain o subukan ang mediterranean diet. — Sa panulat ni Angelica Doctolero

Positibo ang naging resulta sa isinagawang clinical trials sa virgin coconut oil at lagundi bilang gamot kontra COVID-19.

Ito ay ayon kay Jaime Montoya, Executive Director ng Department of Science and Technology-Philippine Council for Health Research and Development.

Sinabi ni Montoya na naging maganda ang resulta matapos gamitin panggamot ang virgin coconut oil at lagundi sa mga pasyenteng nakararanas ng mild at moderate symptoms ng COVID-19.

Ibinahagi ito ni Montoya makaraang kamustahin ni Sen. Francis Tolentino ang potensyal ng purong langis ng niyog at lagundi sa paglaban sa virus.

Kabilang si Montoya sa humarap sa pagdinig ng Senate Finance Subcomittee “J” sa hinihinging dagdag pondo ng DOST para sa susunod na taon.

Samantala, umaasa si Montoya na matatapos ang clinical trials ng paggamit ng tawa-tawa sa mga pasyente na may COVID-19 sa susunod na buwan.

Hinihikayat ng Pamahalaang Lungsod ng Taguig ang mga residente nito na samantalahin na ang libreng COVID-19 testing ngayong unti-unti nang nagbubukas muli ang ekonomiya sa ilalim ng Alert level 4.

Layon nitong panatihilin ang pangako ng LGU sa kanilang mamamayan na ipatupad ang Prevent, Detect, Isolate, Treat at Reintegrate (PDITR) strategy para labanan ang COVID-19.

Ayon kay Taguig City Mayor Lino Cayetano, naniniwala siyang malaking maitutulong ng mabilis na pagtukoy ng mga kaso ng COVID-19 para mapababa hanggang sa tuluyang pigilan ag pagkalat nito.

Dahil sa epektibong mga hakbang para labanan ang virus, nananatiling mababa ang naitatalang mga kaso ng COVID-19 sa Taguig City kumpara sa naitatalang mga bagong kaso sa Metro Manila.

Hinikayat din ni Cayetano ang mga mamamayan nito na maging mapagmatyag dahil nariyan pa rin ang banta ng virus at walang sinisino kahit na bakunado pa ang mga ito.

Alam niyo ba na maraming taglay na benepisyo ang mais sa kalusugan ng tao?

Ang mais o corn ay puno ng bitamina at mineral na nakatutulong sa ating katawan.

Nagtataglay ang mais ng mga bitamina B12 at follic acid para mapigilan ang pagkakaroon ng anemia.

Pinipigilan rin ng mais ang pagkakaroon ng diabetes at alta-presyon.

Nakatutulong din ang pagkain ng mais upang maiwasan ang pagkakaroon ng malalang sakit tulad ng sakit sa puso at iba’t ibang uri ng kanser

Bukod dito, mayroon beta carotene ang mais na nagpapalinaw sa ating paningin.

Ayon sa mga eksperto, ang mais ay maraming taglay na nutrisyon sa kalusugan ng tao, ngunit hindi ito alternatibong gamot sa anumang uri ng sakit mas mainam kumonsulta sa mga eksperto.

Pumatok sa Texas, sa Amerika ang itinayong karinderya ng isang Pinay tampok ang lutuing Pinoy.

Ayon sa ulat, hindi lang sa mga kababayan natin sa lugar patok ang luto ng ating kapwa Pinoy na si Josephine Cook, pati sa ibang lahi ay swak ito.

Galing sa kanyang hardin sa paligid ng kainan ang mga sangkap na kanyang ginagamit sa pagluluto.

Ayon kay Josephine, sa litsunan lang nagsimula ang kanilang negosyo na kalaunan ay pagdami ng padami ang inihahain nilang putaheng pinoy.

Aabot naman sa $2,000 o katumbas ng P100,000 ang kanilang kinikita kada weekends.

Napakaraming health benefits ng prutas na Pinya.

Ang Pinya ay puno ng bitamina at mineral tulad ng vitaman a, calcium, phosphorus, potassium, fiber at calories.

Nakakatulong din ang prutas na ito upang labanan ang virus na nagdudulot ng ubo at sipon dahil mayaman din ito sa Vitamin C.

Inirerekumenda rin ito sa mga indibidwal na may diabetes, dahil nakakatulong ito sa pagpapababa ng high blood glucose levels.

Sagana rin ito sa antioxidants na mabisang panlaban sa acne at pagkasira ng balat.—sa panulat ni Hyacinth Ludivico