FEATURES

Good news para sa mga mahihilig kumain ng maaanghang na pagkain.

Ang madalas na pagkain ng siling labuyo o paghalo nito sa pagkain ay nakatutulong mabawasan ang panganib sa pagkakaroon ng colon cancer.

Bukod dito, maraming tulong ang pagkain ng sili dahil mayaman ito sa Vitamin A, Vitamin C, Potassium, Folic Acid at Fiber.

Nabatid na ang sili ay may taglay na “capsaicin” na isang uri ng sangkap na nagbibigay nang iba’t ibang magandang epekto sa katawan ng tao.

Ang sili rin ay nagpapabilis ng ating metabolism at nagpapainit ng katawan kung saan mabilis nitong matunaw ang mga taba sa  katawan.

Ayon sa mga eksperto maraming benepisyong taglay ang sili ngunit hindi ito alternatibong gamot sa anumang uri ng sakit.

Para sa mga mahilig uminom ng red wine, alam niyo ba na may benepisyong makukuha sa pag-inom nito?

Sa naging pag-aaral ng journal of Agricultural and Food Chemistry, ang pag-inom ng wine ay maaring makatulong upang maiwasan ang gum diseases at pagkasira ng ngipin.

Ayon sa mga Spanish researcher, ang red wine ay nagtataglay ng polyphenol na isang organic chemical na nakakatulong upang maalis ang mga bad bacteria sa ating mga ngipin.

Bukod pa dito, nakakatulong din ito upang mas maging malusog at matibay ang ating mga ngipin pero hindi dapat masobrahan ang isang tao sa pag-inom nito dahil dalawang baso lamang ang maaring inumin ng isang indibidwal kada isang araw.

Posibleng mahilo at bumagsak ang isang tao lalo na kapag bagong gising.

Ito ang sinabi ng mga eksperto dahil maaaring manhid pa ang mga paa at wala pang balanse sa paglalakad.

Payo ng mga eksperto, huwag agad tumayo o dahan dahan lamang na kumilos.

Maari ring umupo muna ng isang minuto at mag-stretch ng leeg at balikat.

Dapat rin na uminom ng dalawang baso ng maligamgam na tubig pagkagising at bago mag-almusal upang malinis ang dumi sa katawan.

Sinabi rin ng mga eksperto na maging positibo at handa sa araw-araw. –Sa panulat ni Airiam Sancho

Kritikal ang kalagayan ng isang trenta’y siyete anyos na babae matapos saksakin sa iba’t ibang parte ng katawan ng isang hostage taker sa Antipolo City.

Kinilala ang biktima na si Teresa Lorena habang ligtas naman na naisalba ang dalawa pang hostage victim na sina Mary Grace Lorena, 25 anyos at 6 na buwang sanggol.

Batay sa imbestigasyon, pinasok ng suspek ang kanilang tahanan sa barangay mambungan sa nasabing lungsod.

Isinugod naman sa ospital ang hostage taker dahil sa mga tama ng bala sa katawan matapos na barilin ng otoridad.

Samantala, pagnanakaw ang hinihinalang motibo sa nasabing krimen. — Sa panulat ni Airiam Sancho

Patay ang tatlo katao sa sunog sa Caloocan City sa unang araw ng taong 2022

Ayon sa mga awtoridad, nagsimula ang sunog alas-4:20 ng madaling araw sa residential area sa Malonzo compound sa 4th avenue, Barangay 49.

Dalawa sa mga nasawi ay live-in partner na kapwa 19 anyos at ang ikatlong nasawi ay ang limang buwang gulang na anak nilang lalaki.

Natagpuan sa banyo ang ina habang karga at yakap ang kanyang anak.

Ang mga biktima ay nasawi dahil sa suffocation sa nasabing sunog na nakaapekto sa marami pang residente at tuluyang naapula matapos ang first alarm.

Posibleng magdulot ng sakit sa puso ang pagkakaroon ng sirang ngipin.

Ayon sa mga eksperto, dalawang klaseng sakit sa puso ang pwedeng makuha kapag hindi nagsisipilyo.

Una, impeksyon sa balbula ng puso o infective endocarditis (en·dow·kaar·dai·tuhs) kung saan pinapasok ng bacteria ang balbula sa puso o heart valve.

Pangalawa, pagbabara sa ugat ng puso o coronary artery disease.. Puwede itong magdulot ng pananakit sa dibdib at heart attack.

Samantala para panatilihing malinis ang ngipin at bibig. Dapat na magsipilyo tatlong beses sa isang araw sa loob ng dalawang minuto. Gumamit ng tounge cleaner o panlinis ng dila at dental floss.

Dapat ding magpasuri sa dentista bawat anim na buwan upang malinis maigi ang ngipin. –Sa panulat ni Airiam Sancho

Alam niyo ba na may benepisyong pangkalusugan ang pagkain ng sitaw?

Ang sitaw o green beans ay mapunong-puno na ng nutrients tulad ng vitamins at minerals.

Ayon sa USDA National Nutrient Diabetes, mayroong mataas na fiber content ang sitaw kung saan nakakapagbigay ito ng protein sa katawan.

Nakakatulong din ang pagkain ng sitaw upang makaiwas sa ilang uri ng sakit tulad ng sakit sa puso at diabetes.

Bukod dito, isa rin ang sitaw na maituturing na pampatibay ng buto dahil sa taglay nitong vitamin k.

Ayon sa mga eksperto, ang sitaw ay maraming nutrisyong taglay ngunit hindi ito alternatibong gamot sa anumang uri ng sakit.

Sikat sa mga pinoy ang pagkain ng taho, ito kasi ang nakaugaliang kainin ng mga pilipino tuwing umaga partikular na ng mga bata.

Ayon sa mga eksperto, ang taho ay nakakatulong upang mapababa ang ating cholesterol at marami din itong protina na kailangan ng isang tao.

Bukod pa dito, maiiwasan din nito ang sakit sa puso, altapresyon, stroke at mas liliit ang posibilidad na magkakanser.

Ang taho o soya kasi ay nagtataglay ng genestein na isang uri ng anti-oxidant na pumipigil sa pagkalat ng kanser sa katawan ng tao.

Maiiwasan din nito ang pagkakaroon ng osteoporosis o pagkarupok ng mga buto at paglilinis ng ating mga atay dahil taglay din nito ang calcium and minerals na kailangan din ng ating katawan.

Pero alam niyo ba na mayroon ding epekto sa kalusugan ang pagkain nito?

Hindi kasi aprubado ng doh ang pagkain ng taho dahil isa sa mga epekto nito ay ang pagiging malilimutin.

Ayon pa sa DOH, hindi sigurado kung malinis ang pagproseso ng taho at kung bago o sariwa ang mga sangkap na ginagamit sa paggawa nito.

Bukod pa dito, nakakasira din ng timbang ang sobra-sobrang asukal na ginagamit sa paggawa ng arnibal. —sa panulat ni Angelica Doctolero

Alam niyo ba na may sustansyang naibibigay ang salmon sa ating katawan?

Ang salmon ay nakakatulong na malabanan ang pagkakaroon ng asthma.

Maaari rin mabawasan ang panganib sa pagkakaroon ng malalang sakit tulad ng diabetes, arthritis at alzheimers disease.

Bukod dito,  nakakaiwas din ito sa pagkakaroon ng malalang sakit tulad ng pagkakaroon ng ilang uri ng kanser.

Ayon naman sa mga eksperto, ang salmon ay nagtataglay ng mga bitamina at mineral ngunit hindi ito alternatibong gamot sa anumang uri ng sakit.

Alam niyo na ba na may masamang maidudulot sa katawan ng tao ang sobrang pagkain ng nilagang itlog?

Ang pagkain kasi ng boiled egg ng tatlo o higit pang beses sa isang araw ay posibleng makapag-trigger ng heart attack.

Ang nilagang itlog ay karaniwang ginagamit ng mga taong nagbabawas ng timbang kung saan, base sa kanilang paniniwala, ito ay nakakatulong sa pagdyedyeta.

Ayon sa National Heart Foundation  of Australia, ang mga itlog ay naglalaman ng lahat ng nutrisyon na kailangan ng ating katawan kabilang na ang calories, proteins, healthy fats, folate, calsium, zinc, phosphorus, selenium at vitamins A, B5, B12, B2, B6, D, E at K na talaga namang mas mura kumpara sa ibat-ibang mga supplements.

Bukod pa dito, nagtataglay din ang itlog ng omega-3 fatty acids na healthy fats at dietary cholesterol na nakakatulong upang mapababa ang heart rate.

Nakakalinaw din ito ng mata at nakakapagpatibay ng ating mga buto partikular na sa mga bata.

Samantala, nakakapagpababa din ito ng blood pressure levels at nakakapagpabuti ng blood vessel function at kaya nitong i-delay ang pag-build ng plaque sa coronary arteries.—sa panulat ni Angelica Doctolero