Home FEATURES METRO PATROL

METRO PATROL

SUSPEK SA PAGPATAY SA MC TAXI RIDER SA CALOOCAN, SUMAILALIM NA SA INQUEST PROCEEDING

Sumailalim na sa inquest proceeding ang suspek na si Jeffrey Catacutan matapos arestuhin sa pananaksak at pagpatay sa isang motorcycle taxi rider sa Caloocan City.

Nasawi ang biktimang si Fabio Norberte Jr., 46-anyos, matapos umano siyang pagsasaksakin ng suspek na naging angkas niya bago tangayin ang kanyang motorsiklo noong madaling araw ng Hulyo 14.

Ayon sa pulisya, sangkot din si Catacutan sa iba pang krimen, kabilang ang carnapping at panghoholdap sa Malabon City.

Nahaharap siya sa mga kasong murder, carnapping, at robbery.

July 15, 2026 0 comment
0 Facebook Twitter Google + Pinterest
BIAZON

Inanunsyo ni Muntinlupa City Mayor Ruffy Biazon na gagamitin nito ang bahagi ng Local Government Support Fund nito para sa pag-aayos ng mga sidewalk at sa pagpapagawa ng mga sports facility.

Ayon kay Mayor Biazon, ito ang unang pagkakataon na nakatanggap ang lungsod ng LGSF nang hindi humihingi sa pambansang pamahalaan; kaya mainam aniyang gastusin ito sa pagsasaayos ng mga daan ng tao at pagpapatayo ng karagdagang sports facility.

Bukod dito, ginastos din ng Muntinlupa LGU ang isa pang bahagi ng LGSF nito para sa pamimigay ng bigas sa mga indibidwal sa transport sector, mga senior citizen, at mga solo parent, na naganap kahapon, Hulyo 8.

Sumama naman sa pamimigay ng bigas sina First Lady Liza Araneta-Marcos at San Juan City Mayor at Metro Manila Council President Francis Zamora. | Sa panulat ni Anjo Riñon

July 9, 2026 0 comment
0 Facebook Twitter Google + Pinterest
suspek website

Nasakote na sa Pasay City ang tatlong suspek sa pagpatay kay dating Abuyog, Leyte Vice Mayor James Bohol at anak nitong si Carlo James.

Kinilala ang isa sa mga suspek na si alyas “Mak” na umaming humingi umano sa nakatatandang Bohol ng palugit sa pagbabayad ng tseke at nagbanta pa ang dating bise alkalde laban sa kanya at kanyang pamilya, kaya’t dinukot ang mag-ama.

Naaresto sina alyas “Mak,” na pawang residente ng Basey (Ba-say), Northern Samar, sa tulong ng Anti-Kidnapping Group at Criminal Investigation and Detection Group matapos matunton ng mga awtoridad ang ginamit nilang sasakyan sa krimen.

Ayon kay Brig. Gen. Jason Capoy, director ng Police Regional Office-8, natunton ang iniwang Mitsubishi GLX Mirage sa Barangay Tingib habang nakatulong ang Global Positioning System footage recorder na ibinigay ng car rental company upang masundan ang galaw ng mga suspek.

Lumabas din sa imbestigasyon na iniwan ng mga suspek ang isang Toyota Hilux sa Sariaya, Quezon bago sila naaresto sa Pasay City.

July 2, 2026 0 comment
0 Facebook Twitter Google + Pinterest
LEYTE

Patay na nang matagpuan si dating Abuyog, Leyte Vice Mayor James Bohol at anak nitong si Carlou James o Jimbo sa Silago, Southern Leyte tatlong araw matapos silang napaulat na dinukot.

Narekober ang bangkay ng mag-ama mag-a-alas diyes kahapon ng umaga sa isang bangin na nasa pito hanggang walong metro ang lalim sa gilid ng kalsada.

Kinumpirma ni Abuyog Mayor Lemuel Gin Traya ang pagkamatay ng dalawa matapos ipabatid ng Philippine National Police.

Kinondena naman ng alkalde ang insidente at nagpaabot ng pakikiramay sa pamilya ng mga biktima habang tiniyak ang suporta ng lokal na pamahalaan upang makamit ang hustisya.

Blangko pa ang P.N.P. sa pagkakakilanlan ng mga suspek at maging sa motibo sa krimen.

July 2, 2026 0 comment
0 Facebook Twitter Google + Pinterest

WEBSITE vm

Nasawi ang isang 27-anyos na senior high school teacher makaraang mabundol ng isang sports utility vehicle (SUV) ang kanyang minamanehong motorsiklo sa isang interseksyon sa Barangay Concepcion Dos, Marikina City noong Hunyo 13, 2026.

Kinilala ang biktima na si Alexander Quintos Cruz, guro sa Pamantasan ng Lungsod ng Marikina. Ayon sa kanyang ina, nagtamo si Alexander ng matinding pagdurugo sa utak at isang linggong naospital bago binawian ng buhay. Nakatakda sanang makipagkita ang biktima sa kaniyang mga kaibigan nang mangyari ang insidente.

Sa imbestigasyon ng Marikina City Police, lumabas na positibo sa blood alcohol concentration (BAC) ang 24-anyos na driver ng SUV matapos sumailalim sa Alcohol Breath Analyzer (ABA) test ng Land Transportation Office (LTO). Kinilala ng pulisya ang suspek na si David Alfred de Guzman, na anak ni Marikina City Vice Mayor Del de Guzman.

Pinabulaanan naman ng ina ng biktima ang pahayag na hindi nag-signal at hindi nagpreno ang kanyang anak. Aniya, makikita sa colored CCTV footage na maaga pa lamang ay gumamit na ng signal light si Alexander bago lumiko pakaliwa sa intersection, kung saan siya nabundol ng paparating na SUV.

Inaresto ang suspek matapos ang insidente at sinampahan ng kasong reckless imprudence resulting in physical injuries and damage to property, gayundin ng paglabag sa Anti-Drunk and Drugged Driving Act of 2013. Gayunman, nakalaya rin ito matapos makapagpiyansa, ayon sa Marikina City Police.

Isinumite na ng pamilya ni Alexander ang kanyang death certificate sa Justice Hall ng Marikina bilang bahagi ng proseso upang maamyendahan ang kaso sa reckless imprudence resulting in homicide.

June 26, 2026 0 comment
0 Facebook Twitter Google + Pinterest
sabong_2022-04-04_23-45-51

Isang lalaki ang inaresto matapos umanong hindi magbayad ng P109,000 na utang sa pustahan sa isang derby ng sabong sa Quezon City.

Ayon sa imbestigasyon, pumusta umano si si alyas John sa sabong laban sa tatlong complainant. Nang matalo ang kanyang manok, hindi umano niya nabayaran ang kabuuang P109,000 na kanyang utang.

Nahaharap ngayon si John sa tatlong bilang ng estafa habang inihahanda ang kaso para sa inquest proceedings.

May 26, 2026 0 comment
1 Facebook Twitter Google + Pinterest
OSPITAL

Pansamantalang isasara ang emergency room ng Ospital ng Maynila sa loob ng isang linggo, mula Mayo 24 hanggang Hunyo 1.

Ito’y para bigyang-daan ang mahalagang pagkukumpuni at facility upgrades sa naturang ospital.

Ayon kay Manila Mayor Francisco “Isko Moreno” Domagoso, isasagawa ang pagkukumpuni sa ilalim ng 24-hour work scheme upang matiyak na muling magbubukas ang emergency room sa itinakdang petsa.

Paliwanang ni “Yorme Isko,” sinubukan naman ng pamahalaang panlungsod na maghanap ng paraan upang isagawa ang renovation nang hindi naaantala ang operasyon ng emergency room; ngunit lumabas sa pagsusuri na hindi ito ligtas para sa lahat.

Kahit sarado naman ang emergency room, maglalagay pa rin ng mga ambulansya at tent area sa labas ng ospital upang tumanggap ng mga pasyente habang nagpapatuloy ang isinasagawang renovation. | Aya Yupangco (Patrol 5)

May 22, 2026 0 comment
0 Facebook Twitter Google + Pinterest
DSWD
Patay ang isang 55-anyos na ginang matapos mawalan ng malay habang nakapila para sa cash assistance ng Department of Social Welfare and Development sa loob ng Quezon City Hall noong Martes, Mayo 19.
Batay sa report, kinilala ang biktima na si Aling Marlene. Habang nakapila kasama ang iba pang claimants, bigla umano itong natumba at naunang tumama sa sahig ang noo.
Agad namang rumesponde ang mga tauhan ng Quezon City Disaster Risk Reduction and Management Office at isinugod si Aling Marlene sa East Avenue Medical Center, ngunit idineklara siyang dead on arrival dakong alas-otso medya ng umaga.
Matatandaang sa mga nakaraang buwan, ilang senior citizen at iba pang benepisyaryo na rin ang naiulat na nawalan ng malay o nasawi habang nakapila para sa cash assistance ng DSWD.
Panawagan ng publiko sa ahensya na ayusin at paigtingin ang mas maayos, organisado, at ligtas na sistema ng pamamahagi ng ayuda, upang maiwasan ang kaparehong insidente sa mga benepisyaryo. —sa panulat ni Reabelle Medina
May 21, 2026 4 comments
0 Facebook Twitter Google + Pinterest
kulong

Naaresto ng mga awtoridad ang isang trenta’y otso (38)-anyos na bank messenger sa Makati City matapos umanong kunin ang 650,000 pesos mula sa pera ng bangko at gamitin ito sa online gambling.

Ayon sa pulisya, inutusan si alyas Jessie ng kanyang manager na magdeposito ng 1,050,000 ngunit habang nasa biyahe, hindi na siya makontak ng kanyang mga kasamahan.

Hanggang sa nagpadala siya ng mensahe at sinabing nasa isang gasolinahan sa Barangay Palanan.

Doon niya inamin na kinuha niya ang 650,000 pesos at ipinadala ito sa sarili niyang account para ipangsugal sa online card games. Agad naman itong ini-report sa mga awtoridad.

Narekober ng pulisya ang natitirang P400,000 mula sa suspek.

Nahaharap naman si Jessie sa kasong qualified theft.

November 21, 2025 0 comment
0 Facebook Twitter Google + Pinterest
B1 copy

Natagpuang patay sa kanyang tahanan ang ex-lover ng pumanaw na aktres at modelo na si Gina Lima.

Ayon sa mga awtoridad, ang modelong si Ivan Cezar Ronquillo ay natuklasang wala nang buhay sa parehong condo unit, kung saan natagpuan ni Ronquillo na patay si Lima ilang araw na ang nakakalipas.

Isinugod pa si Ronquillo sa ospital, kung saan na-revived pa ito, ngunit kalaunan ay bumigay din.

Una rito, natagpuang patay si Lima noong Linggo ng gabi, Nobyembre 16

Ayon sa pulisya, dinala siya ni Ronquillo sa ospital, kung saan idineklarang dead on arrival si Lima.

Sa inisyal na ulat, cardio respiratory distress ang sanhi ng pagkamatay ni Lima.

Patuloy naman ang imbestigasyon ng mga pulis hinggil sa krimen.

#dwiz #dwiznews #aliw23

November 19, 2025 0 comment
0 Facebook Twitter Google + Pinterest