Kulong ang dalawang lalaki, kabilang ang isang driver, matapos mahulihan ng umano’y shabu sa Bagong Buhay, Brgy. San Miguel, Taguig City.
Ang mga suspek na sina Dalisay Mastrili at Francisco Salon ay nadakip sa isinagawang Oplan Galugad ng mga pulis.
Nasabat mula sa dalawa ang halos dalawang gramo ng hinihinalang shabu na tinatayang nagkakahalaga ng halos P11K.
Mahaharap ang mga suspek sa reklamong paglabag sa comprehensive dangerous drugs act.
Nagwakas ang maliligayang araw ng dalawang tulak umano ng shabu matapos masakote sa isinagawang buy-bust operation ng mga pulis sa J. Ramos St., Brgy. Ibayo-Tipas, Taguig.
Ayon sa pulisya, nakilala ang mga suspek na sina Allan Bobotiok at Mercindo Bobotiok, parehong nakatira sa nasabing barangay.
Isang pulis ang nagpanggap na bibili ng droga mula sa mga suspek at nang magkaabutan na ng pera ipinagbabawal na gamot ay doon na pinosasan ang mga ito.
Nasabat sa operasyon ang higit 39,000 pesos na halaga ng hinihinalang shabu, isang pitaka, at dalawang daang pisong buy-bust money.
Mahaharap sa kaukulang reklamo ang mga naturang suspek.
Kalaboso ang apat na indibidwal, kabilang ang dalawang construction workers at isang driver, makaraang mahulihan ng ipinagbabawal na droga sa Clinic Ville, Brgy. BF Homes, Parañaque City.
Kinilala ang mga suspek na sina Dionesio Guevarra Bejer, Metucila Castillo Bachao, June Dela Cruz Orale at Romnil Labong Tamayo.
Nakumpiska sa operasyon ang tinatayang sampung gramo ng umano’y shabu na nagkakahalaga ng P68K, P1,500 na buy-bust money at pitaka.
Nakakulong na ngayon ang apat na suspek sa custodial facility habang inihahanda ang kaukulang reklamong isasampa laban sa mga ito.
Naghihimas ngayon ng malamig na rehas na bakal ang dalawang lalaki matapos mahulihan ng umano’y shabu at baril sa Purok 4 Extension, Brgy. Alabang, Muntinlupa City.
Kinilala ang mga suspek na sina Mark Louie Mercado, 26 years old at Jose Baldonado Jr., 23 years old at isang bodegero.
Ayon kay SPD o Southern Police District Director PBGEN Jimili Macaraeg, nakuhanan sina Mercado at Baldonado ng higit 24,000 pesos na halaga ng umano’y shabu at dalawang kalibre .38 na baril at walong bala.
Nakakulong na ngayon ang dalawang suspek at nakatakdang sampahan ng kaukulang reklamo.
Nadagdagan na naman ang bilang ng mga nahuhuling lumalabag sa Omnibus Election Code o gun ban na ipinatutupad ng (Comelec) Commission on Elections.
Ito’y makaraang maaresto ang isang Ruwel Dela Cruz sa Sitio Imelda, Brgy Upper Bicutan, Taguig City dahil sa pagdadala ng hindi lisensyadong baril.
Bitbit ang search warrant na inisyu ng korte, hinalughog ng mga pulis at mga barangay officials ang tahanan ni Dela Cruz kung saan nakumpiska rito ang isang kalibre .38 baril, isang cellphone at ilang piraso ng mga bala.
Ayon sa (SPD) Southern Police District, ikinasa ang operasyon bilang bahagi ng paghahanda ng Phil. National Police para sa malinis at mapayapang eleksiyon.
Timbog ang isang kilabot umanong tulak ng ipinagbabawal sa ikinasang buy-bust operation sa Gladiola St., TS Cruz Subdivision, Barangay Almanza Dos, Las Piñas City.
Kinilala ang suspek na si John Khevin Atayde, 27 taong gulang, at residente ng nasabing lugar.
Ayon sa Las Piñas Police, naikasa ang operasyon matapos silang makatanggap ng sumbong hinggil sa illegal activities ni Atayde.
Maliban sa tatlong daang pisong buy-bust money, higit 23,000 pesos na halaga ng hinihinalang shabu ang nasabat mula sa suspek na ngayo’y nahaharap sa kaukulang reklamo.
Inaresto ang isang delivery boy at dalawang iba pa makaraang mahulihan ng nasa P40K halaga ng umano’y ipinagbabawal na droga sa isinagawang buy-bust operation sa 29th Ave. Barangay East Rembo, Makati City.
Kinilala ng (SPD) Southern Police District ang mga suspek na sina Elizer Fernandez, Mely Rose Peña, at Warley Fernandez, pawang mga residente ng lungsod.
Maliban sa P500 buy-bust money, nakumpiska rin sa operasyon ang higit P36K na hinihinalang shabu at higit P300K halaga ng pinatuyong dahon ng marijuana.
Nakakulong na ngayon ang mga suspek sa station custodial facility ng Makati PNP habang inihahanda ang kasong paglabag sa comprehensive dangerous drugs act laban sa mga ito.
Bagsak sa kulungan ang tatlong drug suspects habang halos P100K halaga ng ipinagbabawal na droga ang nakumpiska sa operasyon sa Pulo Village, Barangay Talon 4, Las Piñas City.
Ayon sa Las Piñas PNP, nakilala ang mga suspek na sina Noel Magpili Sr., Kako Mohamad at Christian Cruz, pawang nakatira sa nasabing lungsod.
Bukod sa P300 buy-bust money, nasabat din sa operasyon ang higit P89K na halaga ng umano’y shabu.
Reklamong paglabag sa Comprehensive Dangerous Drugs Act ang isasampa laban sa mga suspek.
Isang sunog ang sumiklab sa Novaliches, Quezon City kaninang madaling araw.
Batay sa ulat, naganap ang sunog sa barangay gulod pasado alas-2 ng umaga.
Tinupok ng apoy ang apat na kabahayan kung saan 10 pamilya ang apektado.
Sinabi ng Bureau of Fire Protection na umabot sa unang alarma ang sunog at naapula makalipas ang 40 minuto.
Patay ang isang bagitong pulis matapos na mawalan ng kontrol ang minamanehong motorsiklo at sumemplang sa Anda Circle sa Port Area, Maynila.
Kinilala ang biktima na si Patrolman John Rudolf Cruz, 24-anyos na nakatalaga sa Aviation Security Group.
Sa ulat ng Manila Police District-traffic enforcement unit pagsemplang ay tumalsik ng ilang Metro si Cruz hanggang sa humampas ang ulo sa center island ng Anda Circle.
Agad naman siyang sinaklolohan ng mga tauhan ng Philippine Red Cross at dinala sa ospital ng Maynila, ngunit hindi na rin naisalba ang kaniyang buhay.