Viral ang isang dalagita mula sa Baguio City kung saan nakapagpatayo na ng kaniyang sariling milk tea shop sa edad na 13 taong gulang.
Naging inspirasyon ni Given Mendoza sa kaniyang G’S Kpop Kilig Store ang kaniyang mga idolo sa K-Pop.
Matitikman sa kaniyang shop ang iba’t ibang flavor ng milk tea.
Ayon kay Mendoza, ang pagiging consistent ang isa sa mga maipapayo niya sa mga kabataan na balak magtayo ng negosyo.
Itinanghal na ”Biggest Earning Instagram User” sa Pilipinas noong 2021 ang beauty queen-actress na si Pia Wurtzbach.
Ayon sa Net Credit, isang online personal lender na naka-base sa Chicago, tanging si Queen P ang Filipino celebrity na nakapasok sa listahan.
Batay pa sa Chicago-Based Lender Group, nakalikom ang Miss Universe 2015 ng USD 3,669,205 o nasa P216 million sa Instagram noong nakaraang taon.
Samantala, nanguna sa naturang listahan ang football superstars na sina Cristiano Ronaldo ng Portugal habang pumangalawa naman si Lionel Messi ng Argentina.
Napabilang din sa listahan ang ilan pang international stars tulad nina Ellen Degeneres, Justin Bieber, Dua Lipa, at Lisa at Jisoo ng Blackpink.
Maglalabas ng bagong single na “Pueda Ba” ang aktres-singer na si Maymay Entrata sa Biyernes, October 21.
Ipapalabas din ang music video para sa bagong single sa Biyernes ng alas-7:00 ng gabi.
Follow-up ang “Pueda Ba” sa hit na “Amakabogera”.
Kamakailan, hinirang si Entrata para sa Best Asia Act in the 2022 MTV Europe Music Awards (EMA), kasama ang Niki ng Indonesia, Silvy ng Thailand, The Rampage from Exile Tribe ng Japan at Tomorrow x Together ng South Korea.
Samantala, pwedeng bumoto ang mga fans ng kanilang paboritong artist para manalo sa kanilang kategorya hanggang Nobyembre 9. —sa panulat ni Jenn Patrolla
Agaw-pansin ngayon sa mga netizen ang suot na diamond ring ni Julia Montes matapos kumalat ang recent video ng aktres habang nasa isang japanese restaurant.
Kasunod din ito ng post ng aktres na si Dimples Romana sa kaniyang Instagram account kaugnay sa kanilang bonding ni Julia kung saan, suot niya ang makinang na singsing sa kaniyang kamay.
Agad naintriga ang mga netizen at napatanong kung engagement ring ba ang suot na singsing ni Julia.
Matatandaang si Julia ay matagal nang nauugnay sa aktor na si Coco Martin kung saan, wala pang reaksiyon ang dalawa hinggil sa naturang isyu.
Nanalo ng Jury Prize ang Kapuso actress na si Rita Daniela sa international film festival Manhattan para sa kanyang performance sa “Huling Ulan Sa Tag-araw”.
Nagpasalamat si Rita sa nasabing blessing niya lalo’t ini enjoy nya na rin ang unang biyaya sa kanya na “baby on the way”.
Ang nasabing pelikula ay nagbigay rin kay Rita ng best performance in a feature film award para sa 2021 Metro Manila Film Festival.
Sa naturang pelikula, ginagampanan ni Rita si Luisa, isang bar entertainer at family breadwinner, at ka love team niya rito si ken chan na ang seminaristang si luis
matapos silang pagtagpuin aty magkaibigan, hindi sila sigurado kung hanggang saan tatagal ang kanilang pagmamahalan.
ang kapuso actress ay una na ring na nominate sa famas dahil sa kanyang role at pag awit sa theme song ng naturang pelikula.
Kinumpirma ng aktres na si Maxene Magalona na hiwalay siya sa kanyang asawa na si Rob Mananquil.
Nagpost si Maxene ng pictures niya na suot ang kanyang wedding gown na ginamit niya noon sa Boracay.
Sa caption ng kanyang post, nagbahagi siya ng “7 ways to move on after a break-up”.
Matatandaan nitong January, pumutok ang balitang hiwalay na sila ngunit, ngayong Oktubre lang niya inanunsyo na single na ang aktres.
Magpopokus na muna sa sarili ang aktres at ipagdarasal para sa sarili na tuluyang maghilom ang sakit na dala ng nasirang pasasama. —sa panulat ni Jenn Patrolla
Kinumpirma ng aktres na si Maxene Magalona na hiwalay na siya sa kanyang asawa na si Rob Mananquil.
Kahapon nang ipost ni Maxene ang picture niya na suot ang kanyang wedding gown.
Sa caption ng kanyang post, nagbahagi siya ng “7 ways to move on after a breakup”.
Matatandaan nitong January, pumutok ang balitang hiwalay na sila ngunit, ngayong Oktubre lang niya inanunsyo na siya ay single na.
Sinabi ng Aktres na pagtutuunang pansin muna niya ang kanyang sarili at ipagdarasal ang tuluyang paghilom mula sa kanilang paghihiwalay.
Naging emosyonal ang actress-host na si Pauleen Luna sa muling pagsasama ng asawang si Vic Sotto at singer-songwriter na si Ice Seguerra sa isang entablado.
Kasunod ito ng naganap na concert ng dating child star na “becoming ice” noong Sabado, October 15, sa The Theatre Solaire.
Ayon kay Pauleen, nasaksihan niya kung paano ituring ng kaniyang asawa bilang isang tunay na anak si Ice.
Sinabi pa ng aktres na nakita niya kay Vic ang pagpapahalaga, pagtrato at pagmamahal ng isang ama sa kaniyang anak.
Matatandaang nagkasama sina Vic at Ice sa ilang mga TV at movie projects nang madiskubre ang singer sa Little Miss Philippines ng “Eat Bulaga.”
Tinapos ng isang larawan ang long-standing feud sa pagitan ng fans nina Selena Gomez at Hailey Bieber.
Usap-usapan ngayon ang controversial photo ng singer-actress na si Selena at model na si Hailey nang magpose ang mga ito para sa kauna-unahan nilang public photo.
Si Selena ay ex ng award-winning musician na si Justin Bieber na asawa naman ni Hailey.
Kinuha ang litrato matapos magbigay ng tell-all interview ni Hailey tungkol sa kritisismo sa relasyon nila ng kanyang asawa.
Matatandaang nasangkot sa fan-wars sina Selena at Hailey sa loob ng maraming taon dahil sa past na on-and-off relationship ng aktres sa Canadian Singer.
Marami naman ang naantig sa larawan, lalo na ang mga sumubaybay sa buhay nina Selena, Justin at Hailey. – sa panunulat ni Hannah Oledan
Kinoronahan bilang Miss Supermodel Worldwide 2022 ang pambato ng Pilipinas na si Alexandra Mae Rosales.
Sa Instagram stories ni Alexandra, proud nitong ibinahagi ang kanyang korona at nagpasalamat sa Miss Supermodel Worldwide Organization para sa tiwalang ibinigay nito sa kanya.
Idinaos ang grand finale ng competition noong Sabado sa Miracle Resort sa Jaipur, India.
Hinirang naman bilang runners-up ang mga kandidata mula sa Netherlands, Indonesia, France, at Kazakhstan.