ENTERTAINMENT

Inamin ngayon ni Miss Universe 2018 Catriona Gray na hiwalay na sila ng kanyang modelong boyfriend na si Clint Bondad.

Sinabi ni Catriona na single siya ngayon at nakatuon muna ang kanyang pansin sa kanyang tungkulin bilang Miss Universe.

Kwento ng beauty queen, bago pa man siya manalo ay nagkakaproblema na aniya sila ng kanyang nobyo.

Masasabi ni Catriona na hindi umubra ang anim na taong relasyon nila ng modelo. hanggang sa ngayon aniya ay hindi pa sila nakakapag usap ng kanyang ex-boyfriend.

Isa sa mga natutunan ni Catriona sa kanyang nakalipas na relasyon ay ang pagkakaroon ng komunikasyon.

Ibinasura ng piskalya ang kasong qualified theft na isinampa ni Kris Aquino laban sa dating business associate nitong si Nicko Falcis.

Magugunitang inakusahan ni Kris si Falcis nang paggamit sa kaniyang credit card para sa personal nitong pangangailangan.

Sinabi ni Kris na ipinagkatiwala niya kay Falcis ang kaniyang credit card para sa mga transaksyong may kinalaman sa kumpanyang KCAP o Kris Cojuangco Aquino Productions.

Ayon sa resolusyon ng Makati City Prosecutor’s Office, ang naturang credit card ay nakapangalan kay Falcis kaya’t maaari nitong gamitin ng card base sa terms and conditions ng bangko.

Binigyang diin pa ng piskalya na walang ebidensyang magpapatunay na ginamit ni Falcis ang card para manloko o mandaya.

Solong nag byahe si Jodi Sta. Maria sa South Africa nuong Valentine’s day para mag move on.

Kasunod naman ito ng pagsasapubliko ni Jolo Revilla, ex- boyfriend ni Jodi, sa bago niyang karelasyon ang beauty queen na si Angelica Alita.

Sa kanyang Instagram post, makikitang sobrang nag enjoy si Jodi sa kanyang pangingisda ng malaking barracuda at outdoor dinner sa Mataraba.

View this post on Instagram

This Valentine’s, you’ve got me hooked! Today’s catch is a barracuda. Spent my day at sea – grabe yung laki ng alon at lakas ng hangin at ulan sa laot. Pero worth it naman. Hope you’re having an amazing day like I am! ❤️

A post shared by Jodi Sta.Maria (@jodistamaria) on Feb 14, 2019 at 1:17am PST

View this post on Instagram

Having an Eat, Pray, Love moment because #ihavelearnedthat in solitude, we surprise, delight, and nourish our souls. Happy Weekend everybody! ❤️

A post shared by Jodi Sta.Maria (@jodistamaria) on Feb 16, 2019 at 3:12am PST

Binigyang diin ni Jodi na sa naturang byahe ay narating niya ang solitude o pag-iisa ngunit puno ng kapayapaan at kasiyahan.

Matatandaang on and off ang anim na taong relasyon nina Jodi at Jolo hanggang sa tuluyan na silang nag hiwalay nuong nakaraang taon.

Nabura ni Pop star Ariana Grande ang rekord ng The Beatles matapos niyang makuha ang top 3 spot sa US Billboard.

Unang nagawa ito ng the Beatles noong 1864 para sa US singles charts.

Sumampa sa Billboard ang mga awitin ni Ariana na 7 Rings, Break Up with Your Girlfriend, Im Bored at Thank You Next.

Tinalo rin ni Ariana si Cardi B sa record na most simultaneous top 40 hits by a female artist.

Dahil sa kanyang sunod – sunod na tagumpay, pinaralangan si Ariana bilang 2018 Woman of the Year.

—-

Photo Credit: George Pimentel/ WireImage/ EOnline

Magtatanghal ang British rock band na Queen sa Oscars ceremony na gaganapin na sa Linggo, February 24, oras sa Amerika.

Kinumpirma ito mismo ng Academy of Motion Picture Arts and Sciences sa pamamagitan ng kanilang Twitter.

Ayon sa Academy, kasama ng Queen ang dating American idol star na si Adam Lambert bilang kanilang bagong bokalista kapalit ni Freddie Mercury.

Habang naririyan din ang mga original na miyembro ng Queen na Sina brian May at Roger Taylor.

Ang pelikulang Bohemian Rhapsody na hango sa titulo ng Queen at kuwento ng buhay ng original vocalist ng grupo na si Freddie Mercury ay may limang Academy award nominations.

Kabilang dito ang para sa best actor kay Rami Malek na gumanap bilang si Freddie Mercury sa nasabing pelikula.

—-

Kasado na ang ruta para sa homecoming parade ni Miss Universe 2018 Catriona Gray sa darating na ika-21 ng Pebrero.

Magpapatupad ng stop-and-go scheme ang MMDA o Metropolitan Manila Development Authority sa mga daraanang kalsada partikular na sa bahagi ng lungsod ng Pasay, Makati at Maynila upang magbigay daan sa parada.

Magpapakalat din ng mahigit 200 traffic enforcers upang siguraduhing walang iligal na nakaparadang sasakyan at iba pang uri ng obstruksiyon sa dadaanan ng parada.

Samantala, nanawagan naman ng kooperasyon ang MMDA sa publiko at mga motorista na maging mahinahon at habaan pa ang pasensya lalo na sa mga maaabala ng naturang parada.

Tila all is well na ang magkapatid na sina Gretchen at Claudine Barretto.

Ito ay matapos makitang magkasama ang dalawa habang nagdi-dinner sa isang hotel casino sa Parñaque City kagabi.

Sa bahagi ng Instagram video ni Gretchen sinabi nito na nasa hotel sila para mag-celebrate ng Chinese New Year.

Habang kasama naman ni Claudine ang kanyang mga anak na sina Sabina, Santino at Quia para mag-staycation sa kaparehong hotel.

Sa live video naman ni Claudine, kanyang sinabi na masaya siya dahil kasama niya ang kanyang ate.

Nagpasalamat din siya sa isang netizen na nagbigay ng magandang komento sa kanilang magkapatid.

Maririnig din sa video ang pagbibiro ni Gretchen kung saan kanyang sinabi na hindi siya ang ate kundi ang youngest sister.

Taon 2013 nang lumabas ang isyu hinggil sa pag-aaway-away ng Barretto family.

—-

Inamin mismo ni Jak Roberto na hindi talaga siya ang ‘bet’ ni Barbie Forteza noong una,  bagama’t matagal inya nang type ang aktres.

Tugon naman dito ni Forteza, sinimulan niyang tanggapin ang panunuyo ni Jak matapos na mag-aprub dito ang kanyang mga magulang.

Sa isang interview, ibinahagi nina Jak at Barbie kung paano nagsimula ang kanilang love story.

Maraming beses na umanong nagpaparamdam noon si Jak kay Barbie.

May pagkakataon pa nga daw na nagbibigay ng chocolate ang aktor habang nasa taping sila ng isang indie film, ngunit binabalewala lamang daw ito ng aktres dahil marami rin umanong mga umaali-aligid sa kanya.

Pero dahil daw sa tradisyunal na panliligaw ni Jak kaya’t nakuha nito ang boto ng mga magulang at ang matamis na “oo” ni Barbie Forteza.

Sa isang TV program kagabi, nagpalitan ng Valentine’s message ang magkasintahan, na agad sinundan ng isang matamis na halik.

View this post on Instagram

Hmpppp akala mo wala tayong date ngayong Valentine’s day no? Happy Valentine’s day Gorgeous! ❤️❤️❤️ – – Thanks you so much sa malaking tulong tita Amy ❤️ @eightforteza124 at kay Donna @donnamanuel27 bilang official photographer namin and @abbey_cayco and @macytongco sa pagtulong sakin maka-order ng flowers

A post shared by Jak Roberto (@jakroberto) on Feb 14, 2019 at 5:38am PST

Naging emosyonal ang aktres na si Liza Soberano makaraang aminin na magiging ama na ang kanyang nakababatang kapatid na si Justin.

Ayon sa aktres, hindi siya galit sa kanyang kapatid ngunit hindi niya mapaliwanag ang kanyang naramdaman nang malaman ang sitwasyon na nabuntis ni Justin ang kanyang girlfriend.

Payo ni Liza sa kanyang kapatid na maging mas mature na sa kanyang magiging desisyon sa buhay dahil hindi aniya madali ang maging ama at magkaroon ng sariling pamilya.

Gayunman, mas ikinalungkot aniya ng aktres na mawawala na sa kanya ang itinuring niyang “baby boy” o baby brother sa kanilang pamilya.

Nangako naman si Liza na gagawin nito ang lahat para sa kanyang kapatid na si Justin.

—-

Masaya si Robin Padilla sa kanilang inaasahang muling pagtatambal ni Songbird Regine Velasquez sa isang pelikula.

Ayon kay Robin, kasama ang kanilang pelikula ni Regine sa kanyang mga nakalinyang proyekto ngayong taon.

Hindi maipagkakaila ang magandang chemistry ng dalawa sa big screen kaya naman inaabangan pa rin ng fans ang kanilang muling pagsasama.

Huling nagtambal sina Robin at Regine nuong 2006 sa pelikulang Til I Met You habang big hit naman ang kanilang unang pelikulang Kailangan Ko’y Ikaw.