Muling ipatutupad ng pamahalaang lungsod ng Caloocan ang paggamit ng quarantine passes sa lungsod dahil sa tumataas na bilang ng COVID-19 cases.
Sa abiso ng Caloocan LGU, magsisimula ang muling paggamit sa mga quarantine passes simula sa Miyerkules, 10 sa buwan ng Marso.
Bukod pa rito, muling paiiralin ang curfew mula alas-10:00 ng gabi hanggang alas-4:00 ng umaga.
Sa kaparehong abiso ng Caloocan LGU, pinabulaanan ni Caloocan Mayor Oca Malapitan ang kumakalat na balita-online na magkakaroon ng lockdown.
Binigyang diin ni Malapitan na wala itong katotohanan.
