Napag-alamang kinaltasan ng 21 bilyong piso ang Calamity Fund.
Ito ang nakita ni Senador Panfilo Lacson nang busisiin ng kanyang staff ang nasa website ng Department of Budget and Management o DBM.
Napunta, aniya, ang malaking bahagi ng kaltas na iyon sa Department of Public Works and Highways o DPWH.
Dagdag pa ni Lacson, mapupunta rin umano ang bahagi ng nasabing halaga sa Pork Barrel Funds ng ilang Kongresista na aabot sa 5 bilyong piso at 300 milyong piso naman sa ilang Senador.
Samantala, pinag-iisipan umano ni Lacson ang pagdulog sa Supreme Court para kwestyunin ang Pork Barrel sa budget.
Kung hindi, aniya, matutuloy dahil masyadong kumplikado, uulitin na lang niya ang pagbusisi at pagbabantay sa National Budget para sa 2018.
By: Avee Devierte / Cely Bueno
