Isa pang tourist destination ang binuksan na sa mga local tourists matapos ang ilang buwang pagsasara dahil sa coronavirus disease 2019 (COVID-19) pandemic.
Tatanggap na ng mga turista ang Calaguas Islands sa Vinzons, Camarines Norte.
Sa executive order ni Vinzons Mayor Eleanor Segundo, limitado muna sa mga residente ng Camarines Norte ang maaaring magpunta ng Calaguas Islands.
Kailangan ring kumuha muna ng clearance mula sa munisipyo ng Vinzons, travel pass at health declaration na negatibo sa COVID-19.
Kailangan ding kalahati lamang ng kapasidad nito ang sakay ng bangka mula sa pantalan patungo ng isla at kailangang accredited ng Department of Tourism ang mga pasilidad at kainan sa isla.
