Nakiusap ang isang opisyal ng militar sa publiko na huwag husgahan si Lieutenant Colonel Ferdinand Marcelino matapos itong maaresto sa isang malaking drug bust sa Maynila.
Sinabi ni Lieutenang Colonel Harold Cabunoc, dating Tagapagsalita ng Armed Forces of the Philippines na dati niyang mistah o kasamahan si Marcelino kaya mataas aniya ang kaniyang pagtingin sa propesyunalismo at integridad nito.
Ani Cabunoc, personal niyang batid niyong bakit nakilala bilang isang determinadong drug buster si Marcelino.
Kaya naman, nanawagan siya sa taumbayan na bigyan ng pagkakataon si Marcelino na ipagtanggol ang kaniyang sarili at sumailalim sa proseso ng batas.
By: Allan Francisco
