Hiniling ng dating maintenance provider ng Metro Rail Transit o MRT Line 3 na personal na magpaliwanag kay Pangulong Rodrigo Duterte kaugnay sa mga aberyang dinanas ng naturang tren.
Ayon kay Atty. Maricris Pahate, external legal counsel ng Busan Universal Rail Incorporated o BURI, nais nilang talakayin sa Pangulo kung paano sila nagtrabaho at kung paano naman sila inetsapuwera ng Department of Transportation o DOTr.
Nanawagan din si Pahate kay Pangulong Duterte na silipin ang kaniyang mga opisyal sa DOTR upang malaman nito na hindi alam ng mga taga-DOTr ang ginagawa nila.
Naniniwala si Pahate na nabibigyan ng maling impormasyon ang Pangulo kaya’t hindi na sila nabibigyan ng pagkakataon upang mailahad ang kanilang panig hinggil sa usapin.
—-
