NANGANAK sa gitna ng isang flight papuntang Maynila mula Doha, Qatar ang isang ginang na pasahero ng Philippine Airlines o PAL.
Ayon kay PAL spokesperson Cielo Villaluna, nagtulong-tulong ang cabin crew ng flight PR 685 at dalawang nurse kaya’t ligtas na nailuwal ni Teresa May Buiza ang kanyang baby na pinangalanan nitong “Scarlett Ann.”
Kabilang sa mga tumulong kay Buiza sina Ruby del Rosario, Merian Buan Ventura, Philip King Aguilar, Marc Anthony Cue, Clinton Ros, Ann Claire Reboron at Scarlett Mercado.
Inulan naman ng kaliwa’t kanang papuri mula sa netizens ang lahat ng mga tumulong sa ginang upang ligtas na maisilang ang sanggol sa himpapawid.
