Muling nagbuga ng abo ang Bulusan volcano sa Irosin Sorsogon.
Ayon sa Philippine Institute of Volcanology and Seismology (PHIVOLCS), umabot sa isang kilometro ang taas ng ibinugang abo ng Bulkang Bulusan.
Batay sa datos ng PHIVOLCS, umabot sa 24 ang volcanic quakes na naitala sa nakalipas na 24 na oras.
Una nang napuna ng PHIVOLCS na umaabot sa 79 na tonelada kada araw ang nasusukat nilang sulfur dioxide emission mula sa bulkan.
Nananatili ang alert level one sa paligid ng Bulkang Bulusan.
By Len Aguirre
