Nais tiyakin ni Quezon 4th District Rep. Angelina Helen Tan na mailaan sa mga mahahalagang programa ang pondo ng Department of Health (DOH) para sa susunod na taon.
Ayon kay Tan, chair ng House Committee on Health, kailangan tutukan ang budget ng DOH para masiguro na ilalaan ito sa tamang mga programa lalo’t nagkaroon aniya ng merging ng line items nila sa health programs.
Dapat din aniyang tingnan ang pagtugon ng ahensya sa COVID-19 pandemic.
Kabilang na rito ang mga benepisyo para sa health workers, health facilities at immunization programs.
Muling nakabalik si Tan sa kaniyang pwesto bilang chair ng health committee matapos na pormal na maluklok si Marinduque Rep. Lord Allan Velasco bilang House Speaker.
