Niyanig ng magnitude 5.7 na lindol ang bansang Bosnia and Herzegovina region ngayong araw.
Ayon sa US geological survey, tumama ang lindol ng alas-9:07 ng gabi, oras sa kanilang bansa, 14 kilometro ng hilagang silangan ng bayan ng Ljubinje.
May lalim ang nasabing lindol na dalawang kilometro o katumbas lamang ng isa punto dalawang milya.
Napag-alaman na isang 28 taong gulang na babae ang nasawi matapos mabagsakan ng malaking bato ang tinitirahan nitong bahay dahil sa pagyanig.
May ilan ring naitalang sugatan habang mayroon ding establisimyento at kabahayan ang napinsala ng lindol.
Samantala, ilang afteshocks din ang naitala makalipas ang ilang oras.
