Iprinisinta sa media ni PNP Chief Director General Ronald Bato Dela Rosa ang ikalawang bomba na hawak umano ng mga suspek sa pagtatanim ng IED malapit sa US Embassy.
Ang nasabing bomba ay natagpuan sa isang putikan sa isang subdivision sa Sta Ana, Bulakan, Bulacan at itinago nang naarestong ikatlong suspek na si Mohammad Jumao-As.
Natunton ang bomba sa pamamagitan ng ika-apat na suspek na hawak na ngayon ng mga otoridad.
Ang 105 MM projectile ay ipinambabala sa mga kanyon ng militar at kayang pumatay ng 2 hanggang 300 katao.
Posibleng umanong ginamit ng mga sundalo ang nasabing projectile nang kinanyon ang mga terorista sa Mindanao subalit hindi ito pumutok kayat binitbit ng mga terorista sa pagtungo sa Metro Manila.
By: Judith Larino / Jonathan Andal
