Blangko pa rin ang Bureau of Customs (BOC) sa motibo ng pagpatay sa kanilang IT operator sa Maynila nitong Biyernes ng gabi.
Ayon kay Customs Assistant Secretary Vincent Maronilla, iniimbestigahan na ang kaso ng National Bureau of Investigation (NBI), sariling intelligence and investigation service ng BOC at Customs police.
Kinilala ang nasawi na si Gil Manlapaz, 47-anyos na ikaapat na empleyado na ng BOC na na-ambush simula Disyembre.
Wala namang maibigay na sapat na dahilan ang BOC dahil kilala bilang mabait at tahimik na tao si Manlapaz at wala ring kaaway.
Patuloy naman ang panawagan ng BOC sa PNP na dagdagan ang seguridad sa kanilang mga empleyado kasunod ng nangyaring pag-ambush. —sa panulat ni Abby Malanday
