Mataas ang blood cholesterol ng dating pangulong Gloria Macapagal-Arroyo.
Ipinabatid ito ni dating Justice Secretary Agnes Devanadera, Spokesperson ni Arroyo matapos ang isinagawang test sa dating pangulo sa St. Luke’s Medical Center sa Quezon City.
Sinabi ni Devanadera na wala pang resulta ang ilan sa mga test kay Arroyo tulad ng 2D echo, chest x-ray, liver ultrasound at electro cardiogram.
Dahil sa mataas na blood cholesterol, obligado umanong maging maingat sa pagkain ang dating Pangulo gayundin din sa kanyang mga aktibidad lalo na ngayong malaya na ito.
Magugunitang Huwebes ng makalabas ng Veterans Memorial Medical Center (VMMC) si Arroyo matapos ibasura ng Korte Suprema ang plunder case nito.
By Judith Larino