Tiniyak ng Malacañang na patuloy nitong isusulong ang soberanya ng Pilipinas sa pinag-aagawang West Philippine o South China Sea.
Ito ang tugon ng Palasyo sa alegasyon ng maritime expert mula sa University of the Philippines na si Prof. Jay Batongbacal na sumobra umano ang Pilipinas sa pagbibigay pabor para isaayos ang relasyon nito sa China.
Ayon kay Presidential Spokesman Harry Roque, iginiit nito na pinangangalagaan ng pamahalaan ang interes ng bansa gayundin ang kapakanan ng taumbayan para isulong ang magandang relasyon nito sa naturang bansa.
Ipinagmalaki pa ni Roque na malaya nang nakapapalaot sa Panatag Shoal ang mga mangingisdang Pinoy sabay paggigiit na mapayapa ang sitwasyon sa bahaging iyon ng karagatan sa kasalukuyan.
—-
