Nakapagtala ang gobyerno ng 94.7 percent employment rate noong Enero batay sa Labor Force Survey ng Philippine Statistics Authority.
Ito, ayon kay Presidential Spokesman Harry Roque, ang pinakamataas na naitalang employment rate sa bansa simula noong 2009.
Katumbas anya ito ng 61.8 milyong pilipino na nagta-trabaho at bumaba ng 5.3 percent ang unemployment rate kumpara sa 6.6 percent sa noong enero ng isang taon.
Ipinagmalaki ni Roque na ang mataas na employment rate ay resulta ng mga ipinatupad na reporma sa ekonomiya at mga programa para sa mga Pilipino ng Duterte Administration.
