Umakyat na sa anim ang bilang ng nasawi sa pagguho ng isang ginagawang gusali sa Kampala, Uganda.
Ayon kay Uganda Red Cross Society Spokesperson Irene Nakasiita, pitong indibidwal naman ang nasagip mula sa gumuhong gusali kung saan kabilang dito ang dalawang batang babae.
Kaugnay nito, itinigil na ng mga otoridad ang rescue operations.
Batay sa imbestigasyon, bumigay ang nasabing gusali dahil sa walang humpay na pag-ulan sa nasabing lugar.
Ang nasabing gusali ay malapit sa Kisenyi Bus Terminal na pangunahing transit hub sa capital ng Uganda. —sa panulat ni Hyacinth Ludivico
