Umakyat na sa 3,299,470 ang bilang ng lahat ng nabakunahan kontra Coronavirus Disease 2019 (COVID-19) batay sa pinakabagong tala ng Department of Health (DOH).
Mula sa bilang na ito, 2,512,942 ang nakatanggap ng unang dose habang 786,528 naman ang naturukan na ng ikalawang dose ng COVID-19 vaccines.
Matatandaang 3,850 ang vaccination sites sa bansa habang 108,540 naman ang target ng pamahalaan na bilang ng mababakunahan kada araw.
