Nadagdagan ang bilang ng mga Pilipinong may trabaho sa unang bahagi ng administrasyon ni Pangulong Rodrigo Duterte
Ito’y makaraang ilabas ng Philippine Statistics Authority o PSA na bumaba ang unemployment rate sa 5.4 percent nuong buwan ng Hulyo ng taong kasalukuyan
Mas mababa ito ng 1.1 percent kumpara sa 6.5 percent na unemployment rate na naitala sa kaparehong buwan nuong isang taon
Kasunod nito, nabawasan din ang bilang ng mga underemployed o mga may trabaho na ngunit nais pa ring madagdagan ang kita sa 17.3 percent o 3.7 percent na mas mababa kumpara sa naitalang 21 percent underemployment
Dahil dito, nasa 94.6 na ang bilang ng mga Pilipinong may trabaho nitong Hulyo na mas mataas kumpara sa 93.5 percent na naitala sa parehong panahon nuong isang taon
By: Jaymark Dagala
