Bumaba ang bilang ng mga Pilipino na nagsasabing gumanda ang kalidad ng kanilang buhay.
Batay sa isinagawang survey ng Social Weather Stations, apat sa kada sampung Pilipino ang nagsasabing gumanda ang kanilang buhay sa nagdaan na 12 o katumbas ng 37% mula sa mga respondents ng survey.
Mas mababa ito ng dalawang puntos mula sa 39% na nakuha mula sa parehas na survey na isinagawa noong Hunyo.
Samantala, tumaas naman ng bahagya mula sa 23 hanggang 24% ang bilang ng mga Pilipinong nagsabing lumala ang kalidad ng kanilang buhay habang 38% naman ang nagsabing ganoon pa rin ang kalidad ng kanilang buhay, katulad sa nakaraang survey noong Hunyo. - sa panulat ni Alyssa Quevedo
