Umakyat na sa 32, ang bilang ng mga nasawing miyembro ng Abu Sayyaf simula ng magbigay ng anim na buwang deadline sa militar ang Pangulong Rodrigo Duterte para pulbusin ang grupo.
Sinabi ni Western Mindanao Command Spokesperson Capt. Joan Petinglay, maliban sa mga nasawing rebelde ay nakapagtala na rin sila ng 22 sugatan, 13 ang naaresto at 2 rin ang sumuko.
Sa ngayon, sinabi ni Petinglay, na mayroon na rin 28 sundalong nasugatan mula sa pakikipag bakbakan sa mga Abu Sayyaf.
Sinabi ni Petinglay na kalkulado ang galaw ng mga sundalo dahil sa natanggap nilang impormasyon na binibitbit ng mga rebelde ang kanilang mga bihag.
By Katrina Valle |With Report from Jonathan Andal
Photo Credit: CNN Philippines