Umabot na sa 13 ang bilang ng mga nasawi sa Zamboanga City dahil sa dengue.
Ayon kay dr. Dulce Amor Miravite ng Zamboanga City Health Office, nagdeklara na ng dengue outbreak ang siyudad matapos makapagtala ng 893 kaso ng dengue mula Enero.
Batay sa datos, tumataas ang kaso ng dengue kada dalawa hanggang tatlong taon kung saan noong 2019 ang huling outbreak.
Sa ngayon, nakikipag-ugnayan na ang City Health Office sa Department of the Interior and Local Government (DILG) para paigtingin ang 4S strategy laban sa sakit.
Ito ay ang;
- Search and destroy mosquito-breeding sites
- Self-protection measures
- Seek early consultation of symptoms
- At support spraying/fogging to prevent further outbreaks