Nadagdagan pa ang bilang ng mga nasawi matapos bumigay ang hanging bridge sa Gujarat, Western India.
Ayon sa local official ng India, umakyat na sa 141 ang bilang ng mga nasawi kung saan, karamihan dito ang mga bata, mga kababaihan at matatanda.
Base sa imbestigasyon ng mga otoridad, ipinagdiriwang sa lugar ang Diwali Festival kung saan, nagkaroon ng overcrowding dahilan ng pagkasira ng tulay na isa sa pinaka-malalang nangyari sa nabanggit na bansa.
Aabot naman sa 177 na indibidwal ang nailigtas habang patuloy pang pinaghahanap ang iba pang mga nawawala.
Sa ngayon, patuloy pang nagsasagawa ng search and rescue operation ang mga otoridad.
