Umabot na sa mahigit 90% ng target population ang nakatanggap na ng bakuna sa lalawigan ng Isabela.
Base sa huling datos ng National Immunization Program-Isabela Integrated Provincial Health Office, sa 92.4% na target population, 55.8% o katumbas ng 900,195 ang fully vaccinated na habang 1,007,675 naman na indibidwal ang nakatanggap na ng first dose vaccine.
Umabot naman ng 82% ang vaccination consumption sa lalawigan.
Sa ngayon, 9,455 na lamang o katumbas ng 1% ang hindi pa nababakunahan na adult habang 16,923 naman sa pediatric population.
Patuloy namang hinihikayat ng pamahalaang panlalawigan ang mga residenteng hindi pa bakunado na magparehistro na upang magkaroon ng proteksyon laban sa COVID-19. —sa panulat ni Angelica Doctolero