Lumobo na sa 69,280,113 ang binakunahan ng Covid-19 vaccines sa bansa.
Ayon sa National Task Force against Covid-19, kabilang sa datos ang 31,355,064 filipino na fully vaccinated.
Kumpiyansa naman si NTF Chief Implementer Secretary Carlito Galvez Jr. na maaabot ng gobyerno ang target na 54 million fully vaccinated sa katapusan ng Disyembre upang makamit ang herd immunity.
Ito, anya, ay dahil sa ilalargang national vaccination days na magsisimula sa November 29 hanggang December 1, kung saan 15 million ang target na bakunahan.
Sa ngayon ay nasa 123,258,340 doses na ng Covid-19 vaccines ang dumating sa bansa, mula sa iba’t-ibang pharmaceutical companies. —sa panulat ni Drew Nacino
