Umabot na sa 1,608 indibidwal ang naaresto ng Philippine National Police (PNP) matapos lumabag sa ipinatutupad na election gun ban.
Naaresto ang mga indibidwal sa 1,496 operasyon na nagresulta ng pagkasabat ng 1,247 armas.
1,550 sa mga ito ay sibilyan, 21 ang security guards, 15 ang police personnel at siyam ang sundalo.
Nakuha sa kanila ang 513 bladed weapons, 654 pampasabog at 6,876 bala.
Pinakamarami sa mga naaresto ay nagmula sa; Metro Manila na may 559 sinundan ng Central Visayas, 180; Calabarzon, 177; Central Luzon, 167; at Western Visayas, 85. – sa panulat ni Abby Malanday
